我是一名SEN的中學生: 第二十三章:破殼

Song List:
1.​野仔 - 閃著淚光
[color=#222222]https://www.youtube.com/watch?v=K72695R4BVw

悠悠進入房間後，我讓她坐在我的床上。

老實說，第一次有女孩子坐在我的床上，內心是有點兒興奮的。 

「你見。。。點呀？」悠悠問我。 





「還好啦。。。日日打機咁囉，成個廢青咁！」

「返番學啦，好多人都擔心你㗎，老師，同學都係。。。。」

「我唔會再信佢地!果日系訓導室已經見到曬人既醜陋面，冇人會幫到我，即使佢哋有呢個能力！你嗰日冇喺嗰度咋，啲高級教職員嘅後面真係好難睇，個個都要臣服一個學生，咩世界呢？公平咩？ 而且我身邊最親近嘅人都背叛我，你認為我仲可以信邊個？」

 「你指Tiffany? 其實佢只不。。過係一時糊塗，畀眼前嘅利益。。暫時蒙蔽住自己嘅良心， 其實佢都好後悔欺騙你，因為佢真係好想。。成為學生會嘅一份子，方便佢。。升學嘅時候多一樣野。。。 佢只有呢個方法先可以成為莊員。。。」

 「你咁講法，你會唔會幫埋其他老師作藉口去保護佢哋？ 例如副校長都係為咗顧全大局想盡快了結呢件事，先會未審先判， 或者係其他老師唔幫我只不過係佢哋自身都難保，喺呢個社會環境下好難轉工！吓!」





 悠悠好明顯被我嚇了一嚇， 也沉默了下來。

 我繼續說:「我明白， 只係靠你既notice，行為訓練班既課程係唔足以應付複雜嘅社交環境，仲要有一定嘅彩數同際遇先得！只要我遇到Titus呢一類好攻於心計既人，基本上我諗咩佢都知道曬。。。。」

 「但你起碼已經。。挽回唔少支持，以前你一定係最煩眾憎嗰個人，但係。。經過呢件事之後，有唔少人開始睇清楚。。Titus嘅真面目，都唔會。。。全數去幫佢口。」

「此話當真？」

「你自己睇學校secret啦！」





 我打開了社交網站，搜尋我的學校secret，有好幾個關於我的留言和帖子:

「好難怪阿霖有咁大反應，Titus呢舖好似真係玩大咗。」

 「畀著我都會嬲到震！

 「點解老師唔會幫阿霖口嘅？」

 「其實佢真係進步咗唔少，利申義工隊成員。」

 竟然會有人支持我，明明我的同學在課室的時候也沒有替我說好話，在網上每個人也表露了自己的真心話。。。 

若果你們早點兒出聲，我就不會有如此下場。。。 算了，遲到好過無到！

 我從床上站起來，打開了房門，看見了其餘兩位朋友， 接著跟他們說:





「對唔住,要你哋擔心啦！我決定再次相信自己認為信得過嘅你哋， 我希望以後可以做得更加好，唔再亂咁放棄自己， 即是以後Titus如何對我惡劣, 我從心相信公道自在人心！」

「太好啦！」輝仔說。 

「對唔住阿霖，我以後會再三思人哋嘅感受先決定自己應該如何做，唔會只再自己顧自己既利益！」Tiffany跟我道歉。 

「已經過去咗，自己就唔好放喺心上呀！」

我是第一次可以如此豁達的原諒別人及放低負面的事情。 

我轉頭看著悠悠，看見她的眼角閃着淚光。

 大概是被我有所覺悟，要成長破殼的行為所感動吧~





然而，這件事情就是如此簡單解決嗎？