在IG上重遇你: 24

第二十四章

我俾Queenie嘅問題嚇親，我都唔識俾反應佢。不過，Queenie冇等我嘅回應就行開左，搞到我都唔知想點。

結果我成晚俾呢個問題困擾，連玩嘅心情都冇晒，但望住Queenie仲可以同佢地玩得咁開心，我心諗佢係咪隨便問下，想擾亂下我。

快樂不知時日過，話咁快就到十點幾，佢地三個已經攰到訓左係張長凳上。我同阿輝唯有快快手執埋啲嘢，跟住一個個抬上車，十足十兩個綁架犯。好快我地抬左堂妹同詩穎上車，而Bobo同Queenie幫我地攞埋啲嘢就上車，正式完結今日嘅沙灘之旅。

阿輝話車左Bobo佢地返荃灣，再送Queenie返宿舍，最後先返旺角，等我兩個堂妹可以訓耐啲。我地成程車都冇講過嘢，直至去到荃灣廣場，Bobo佢地落車。





Bobo：「阿威、阿輝，今日真係麻煩晒你地，又要接送我地，又要煮咁多好嘢食」

我：「下次我地再去玩就叫埋你」

輝：「你地返去小心啲啦」

穎詩：「下次再搵我地啦，拜拜」

芷穎俾我地嘈醒左，而芷欣繼續訓到成隻豬咁。





芷穎：「堂哥，我地去緊邊？」

我：「我地送緊Queenie返宿舍，好快就可以返屋企」

芷穎：「咁我訓多陣先」

大概二十分鐘左右，我地就到左宿舍附近。

Queenie：「我係到落就得啦」





我：「咁你自己小心啦」

Queenie：「Steven，我問你嘅問題，希望下次見你會有答案啦」

我：「你…你唔係講笑咩？你真係想要答案！」

Queenie：「你覺得我講笑咩？你要俾個答案我㗎！」

輝：「Queenie，你問佢咩問題，要下次見面先有答案呀？」

Queenie：「我同Steven之間嘅………秘密」

阿輝車埋我地返旺角之後，佢就揸車返尖沙咀。跟住我個八卦堂妹芷穎又係到問我嘢。

芷穎：「堂哥，你同Queenie姐有咩關係呀？點解你地好似有咁多秘密，分享啲黎聽下啦！」





我：「你個八卦妹，問咁多做咩？」

芷欣：「家姐，你地講緊咩，點解我咩都唔知？」

芷穎：「堂哥同Queenie姐有好多秘密。堂哥，你唔係諗住一腳搭兩船？」

我唔覺意講左句：「你地覺得我應該揀邊個做女朋友呢？」