在IG上重遇你: 04

第四章

我同其他人都比佢嘅説話嚇呆左，好彩班長轉數快。

班長：「Bobo你飲醉啦，亂咁講嘢，好易搞到阿威誤會架。」

我：「咪係！一陣比其他人聽到就唔好啦。」

跟住班長又轉移話題，大家都冇再講我同Bobo。我再望下Bobo，佢已經訓著左。我費時佢凍親，就除左自己件褸，披係佢身上。





我地傾到三點左右，Bobo都開始醒。

Bobo：「我訓左幾耐？」

我：「差唔多三個鐘。你醉成咁，不如我送你返去先，好唔好？」

Bobo向我點頭，於是我同Bobo走先，而班長佢地話想留多陣。
出到門口，我先醒起自己唔知Bobo住邊，就想問下佢。

我：「Bobo，唔好訓住。你住邊架？我依家送你返去。」





Bobo：「荃……灣……廣……場」

我即刻截左架的士，扶住Bobo上的士。

我：「司機，去荃灣廣場」

搭緊的士嘅途中，我不停係腦海中諗住佢啱啱講嘅嘢，以前佢真係有鐘意過我？跟住我望左佢一眼，其實佢訓左都幾可愛，以前小學都唔覺得。屌，我係到諗啲咩姐！人地可能有男朋友呢，唔好諗多左。去到半路，Bobo又醒左。

Bobo：「我地依家係邊呀？我個頭好痛。」





我：「依家送緊你返屋企，你飲左咁多酒，唔痛就難。」

Bobo：「早知唔飲咁多，我啱先有冇做怪事？」

我：「冇…冇做怪事，我地成班人睇住你。」我真係唔咁同你講你亂講嘢，費事你尷尬。

好快我地就去到荃灣廣場，落左的士之後，Bobo想比返錢我，不過我冇收，佢話下次要請我食飯，多謝我送佢返屋企。我諗住陪佢行埋返去，但佢話好近，唔洗咁麻煩。

我見依家已經四點幾，我又唔想搭的士返旺角，於是走左M記食早餐，順便等地鐵頭班車。等下等下，我竟然訓著左，醒返已經七點幾。我攞手機出黎，先發現手機冇電，真係黑仔。