越界的姐弟戀（甜）: 大學篇第二部 - 第二章 ： 大學註冊日

終於嚟到Jupas 放榜日，家姐順利被香港大學BBA錄取，交完留位費後，就要等Reg day去大學辦理入學註冊手續。

如果你有讀過大學就會知，reg day就好似啲大賣場攤位一樣(soc, hall etc.)，個個攤位之間互相拉鋸，不斷sell客，所以處處都聽到叫喊聲，有啲仲會夾硬拉人，總之就係太吵鬧。

而當中更存在唔少狗公係到扮學長釣女新生。所以咁危險嘅地方，我點放心得過家姐一個人去，唔驚送羊入虎口咩。

我從廳大叫入家姐間房到：「家姐，今日唔準著得少布！」

家姐係房大叫回應：「知啦～著長褲T-shirt 得未？」



我：「唔～咁就差唔多啦！今日我會好好保護家姐你架啦！」

家姐換完衫出嚟：「你洗唔洗咁緊張，大學又唔係食人嘅地方」

我：「家姐，你係唔知大學啲狗公特別多，個個一見靚女就鳩沖！」

家姐：「嘻嘻，咁驚家姐比人搶走？」

我：「我知家姐實唔會理啲狗公，但最怕佢哋會死纏爛打！」



上午11時，香港大學：

我：「洗唔洗咁多人呀…」

家姐：「我哋快啲啦，早啲搞掂早啲返屋企」

果然係人山人海，滿途荊棘，可能我拍埋家姐到，好多人都以為我哋係一對，再加上家姐係外面嘅性格都比人有種高冷嘅感覺，有個距離感，所以狗公數量無想像中多。

其中一個soc ：「我哋好歡迎情侶一齊join架」



而當我哋正忙於左穿右插時，一個高高大大、好Sporty嘅陽光男生同一個可愛少女截住我同家姐：「唔好意思，我叫Kelvin 呀，佢叫Maggie，我哋呢邊係天文學會，唔知你哋有無興趣加入？」

天文學一直都係家姐嘅愛好，佢平時就好鐘意研究天文星象，所以明顯哋呢個學會引起家姐嘅少少興趣。

我仲以為家姐會諗住入會時，家姐：「Sorry呀，無咩興趣」

之後家姐就拉住我繼續行，我忍唔住問家姐：「家姐，天文唔係你興趣咩？做咩唔參加？」

家姐：「哼，我仲要睇實你呢個小朋友，唔想晒時間去學會，我係屋企都可以研究天文～」

我當然係家姐係放心唔落我，而且都想有多啲時間陪我，所以先無參加。

最終所有啲o camp 同 Soc 都比家姐skip晒，而最尾嘅hall 都skip埋，一來家姐唔鍾意住hall，二來點會放心我一個人自己係屋企，驚我照顧唔好自己。

因為skill咗好多野嘅關係，所以我哋都好快就辦理好入學註冊。



我：「恭喜家姐正式成為大學生啦～」

家姐：「下年都到你啦，家姐係到等你入嚟～」

我：「一言為定呀！我哋都係快啲走啦，太多人好嘈」

家姐：「嗯～咁我哋去食個lunch先？」

我：「好呀，食完lunch再去睇場戲好無～？」

家姐：「係咪Avengers呀？」

我：「家姐果然係最知我心嘅人～」



家姐：「緊係啦～行啦～」

食完lunch後，就去睇戲，原來諗住可以係戲院抽下家姐水，但點知全場爆滿，不過都難怪嘅，始終係熱門大戲。

經我咁多年嘅薰陶下，家姐都鍾意咗睇Avengers，所以一睇完出嚟，我就一輪嘴咁同家姐不斷討論劇情，直到返到屋企。