越界的姐弟戀（甜）: 大學篇第二部 - 第一章 ： DSE放榜日

今日係DSE考生們嘅大日子，對於考生嚟講，呢日將會關乎到佢哋未來嘅發展，係決定生死嘅日子。

以上情況只適用大多數嘅考生身上，對於家姐而言，完全無呢種感覺。

我係學校樓下門口等緊家姐出嚟。

我一見家姐目無表情咁嘅款行出嚟，以為佢成續唔理想：「家姐點呀？滿唔滿意個成績？」

家姐目無表情咁伸手將DSE成績表隊係我面前：「你自己睇啦」



我：「嘩，家姐你咁嘅表情，我岩先仲以為你炒咗，咪考得幾好～」

家姐一轉笑樣：「嚇下你得唔得～」

我：「真，嚇到我心都離晒，今晚你要好好安慰我～」

家姐：「成日都掛住呢啲野！仲有唔夠一年炸，就到你考啦！」

我：「家姐你放心啦，我只要一發力，實會考得好過你～」



家姐：「係真至好！」

一如所料，家姐DSE成續2科5**、2科5*、3科5。

我：「咁我哋快啲返屋企啦，阿媽仲係到等緊我哋消息～」

因為DSE放榜都叫做大日子，所以阿媽暫時放低工作返嚟香港。

一入門口，阿媽見到我哋就即刻問：「Michelle考成點好？就算考到唔理想都唔緊要，唔一定要港大中大。」



我嘻皮笑臉：「嘻嘻，阿媽你咁低估家姐呀」

我將家姐張成績單拎比阿媽望。

阿媽一望完：「呵呵呵，考得咁好。」

家姐：「算有少少失手…有兩科得5」

阿媽笑到見牙唔見眼：「Michelle你鍾意讀咩就讀咩，唔一定要讀BBA嚟幫阿媽」

家姐一直都想讀BBA，畢業出嚟可以幫輕阿媽手。

家姐：「我自己鍾意讀呀，唔單止係為咗阿媽你架～」

阿媽當然明白家姐想讀BBA嘅目的，所以淚水汪汪：「乖…真乖…呢幾年嚟你都受咗唔少委屈…」



畫風一變，變得特別煽情，家姐一樣淚水汪汪咁款：「我無架，都過咗去啦…我會讀好啲，畢業幫你手！」

而我好似局外人咁，家姐考到好成績，但未至於感動到咁呀……

我嘗試帶動氣氛：「阿媽，咁我哋今晚係咪要食餐勁，幫家姐慶祝下！」

阿媽抹一抹眼角淚水：「就知道食食食，下年到你考啦，好好同家姐學習下」

家姐：「媽～細佬佢校內成績好好架，你放心啦，我會睇實佢」

阿媽右手輕撫家姐臉頰：「乖…我果然無做錯…」

我：「阿媽你無做錯啲咩？」



阿媽：「咁多野問，係咪仲想食大餐？」

我：「Yes Madam！我立即收口！」

五星級自助餐酒店：

阿媽：「咁明仔你諗住讀咩科」

我：「我要同家姐讀一樣呀！」

阿媽：「成日痴住你家姐，佢好難搵男朋友架」

我：「嗰啲都係臭男人，緊係由我嚟保護家姐！」

阿媽：「無眼睇你」



阿媽繼續講：「Michelle呀，你都大個女啦，如果第時拍拖唔好收收埋埋，要第一時間同阿媽講，阿媽幫你過下眼」

Michelle望一望我：「媽～我仲未有拍拖嘅諗法呀，何況有細佬係到，佢都會好好保護我架」

我趾高氣揚咁嘅款：「媽，家姐放心交比我！」

阿媽：「無你咁好氣呀，Michelle你要睇實佢呀，仲係成個細路咁….」