人性系列－Season 2 《置業地獄》: Ch.26 整理劇本
Ch.26 整理劇本
＊＊＊＊＊＊＊＊劇本角色表＊＊＊＊＊＊＊
石原優子 （業主）
外表： 五呎六吋高，樣貌甜美，皮膚白皙，長髮經常紮成馬尾。
性格： 外向，比較像男生
職業：大學畢業，待業中
基本背景：小學時代跟隨父母從日本來港定居。
石原美子 （親屬）
外表： 跟孖生姐姐石原優子沒有分別，除了左眼角下方的美人痣。
性格： 嬌羞內斂
職業：大學畢業，待業中
基本背景：小學時代跟隨父母從日本來港定居。
＊＊＊＊＊＊＊＊＊＊＊＊
汗味充斥房間，拳影化成一道道疾風吹拂，穿過左右晃動的沙包，朝我襲來。
咻！很快，他媽的快。
我看著拳頭在眼中不斷放大，瞳孔擴張，想要往後蹬，險險躲過這記剛猛直拳，卻一個踉蹌，雙腳被地板的汗水滑倒，一屁股栽在地板上。
「嗄！嗄！」我喘著氣，向沙包後的肥煦擺手示意。
進行三個月的特訓，煙也抽少了很多，我感覺自己已經變強，可是跟擁有一排朱古力腹部的肥煦仍然有一段不短距離。
這傢伙要不是拳擊手，就是真正的戰士，剽悍得使人心悸。如果這場測試是一場肉搏戰，他必定成為冠軍這一點毫無懸念。
「係眼，望住敵人對眼去判斷，咁先可以捕捉先機啊。」肥煦伸手把我拉起來。
「唔係咁簡單㗎，關師傅。」我苦笑，轉過話題：「下一個活動相信好快就會開始。我地計劃第一步已經大致上完成。」
「蒐集到有用資料？你搵到兇手？」
「未。不過，聚餐嗰一晚，從工程黃嘅說話同裘歡歡嘅事當中，我對Anti-plot終於有啲頭緒。我地可唔可以離開，關鍵在於人性。」
「工程黃？」肥煦搔頭。
「口疏。聽講係因為嗰個工作人員自己爆響口，同其他工作人講有業主撩佢扑嘢嘛。」
「無錯。工作人員都係人。喺我地面前扮到機械人咁，背後卻同我地其實無多大分別。勾引工作人員的確不失為一個方法，但並唔係威脅作人員封口嘅把柄。我地如果有逃走嘅打算，必須有一個失格而且保證『封口』嘅工作人員。」
「收買。」肥煦似懂非懂地點頭，讓我繼續說下去。
「為咗令置業島更加『真實』，島上嘅工作人員同準業主一樣，以信用值出糧。而且工程黃嗰晚提起過，其實有唔少工作人員喺晚上十一點至凌晨一點都會自由活動，有唔少都流連Ganga同股票行，試圖賺多少外快。呢一點，我早兩日喺狩獵場外面已經得到證實。」
「負責看守狩獵場嘅工作人員都係賭徒同沉迷股票。至於要點實行就要再從長計議。首先我地仲要一張置業島地圖，愈詳細愈好，而且要有牆外面嘅地形。」
「用信用機『附加條件』問？」
我搖頭否決：「兩個做狩獵嘅無端白事索要地圖，諗一諗都估到動機吧。再者，呢個計劃只係逼不得已嘅後備，無謂因為一個可能用唔著嘅計劃而冒上風險。我反而有一個人選，負責周圍跑工程嘅工程黃。」
肥煦點頭，提出一個一時三刻都無法解決的問題。
「工程黃會幫我地？如果坦白同佢地講，就意味要帶埋佢地一家三口走，撇開佢會唔會報串，失敗嘅可能性極大。」
「再諗一諗先，可能我地唔需要逃走呢。」
我聳聳肩，抬頭望著掛鐘的指針原來不知不覺已跑到6字，急急忙忙拿起晾在椅背的浴巾，跑到浴室沖涼，洗去一身汗味。距離約定時間還有不足兩小時。
如果你還記得，我今晚有約。
我穿好恤衫牛仔褲，戴起手錶時已是半小時後的事了。這時，肥煦在地上盤腿，觀看著電視節目，剛好是石原美子的住所。
美子還未出門，幸好。
不能不讚嘆監控服務的用途。你說，在見面前知道對方出門了沒有啦，穿甚麼衣服啦，從而配合，不就更方便嗎？
畫面中的石原美子穿著淡藍的紡織上衣，坐在化妝檯前嘟起櫻唇塗唇膏，薄唇輕抿，斯文中帶一絲渾然天成的性感。姐姐優子則慵懶地伏在床上看書。兩人相似得像分身術，畫面非常有趣。
「美子，著成咁去邊？唔食飯嗎？」
「今晚唔使預我啦，約咗人。」
「喔喔？唔會係拍拖吧？」優子挑一挑眉，打趣道。
「唔係拍拖.......係朋友。」美子走到連身鏡前轉了個圈，整理稍為皺摺的裙擺。
「朋友，係邊個呀？」
「秘～密。」美子回頭吐舌，然後一臉腼腆地續道：「Sam。」
「成主席？！知人口面不知心，要小心保護自己。你知啦，呢到啲男人個個都唔係用個用腦諗嘢.......好危險。」優子一怔，然後擺出一副女偵探的模樣。
「佢唔係你諗到咁啦。」美子替我抱不平。
「必要時候要大嗌唔好。」
我聞言頓時一頭黑線，耳邊傳來肥煦幸災樂禍的賊笑聲。
「我真係似色魔咩？」
「係置業島色魔。不過，你已經放低你前女友？」
肥煦漫不經心，將台轉到嬌姐的住所，看著上身毛茸茸的印度人像皇帝一般正坐開腿，跪在地上嬌姐埋頭在飛毛腿之間，前後吞吐，造作嗯嗯呻吟斷斷續續地響著。
用老婆辛苦攢來的信用值嫖妓，這傢伙簡直就是廢物啊！
目光從春光綺旎的畫面中移開，我穿好鞋，站在玄關上應道：「無。不過美子比較順眼，而且佢同靜婷氣質好似，斯文得體。多一個好鄰居比多一個敵人好。將來嘅事就將來再算吧，今日唔知聽日事。」
比較順眼？我都搞不清自己怎麼會用上「比較」這種字眼。
「我仲以為係心柔。」
肥煦的話宛若小石「咚」地落入湖中，讓我不禁一陣失神。
「嗄？」我獃住，手搭在門把上。
「兄弟，眼神呃唔到人啊。」
砰！我關上門，吸一口氣，將肥煦的話拋出腦外，向前邁步。