[真人真事改編] 我係一個最愛hurt人感情嘅仆街校花: ［第一章］初踏青春校園

終於讀完小學，升上黎中學啦！

入黎呢間中學都生活咗幾個月，每個角落都差唔多比我睇勻曬...好吧，淨係幾個月，靠住呢塊幾靚嘅面，我又變成咗學校嘅風雲人物。

每次小息，總係會有十幾個來自唔同年級嘅師兄係班房門口度企住（呢間學校比較保守、比較乖，唔興送情書呢啲嘢，太出格），或者我係走廊行行下都總係會有幾個人無端端同我揮手講Halo......

一如既往地，我會對佢地每個都投以一個善意嘅「微笑」，然後就走開。

其實恐怖啲嘅都試過，最令我心寒果次試過無端端有男仔衝埋黎摟住我。





對於呢啲，我會九秒九跑走，絕對絕對唔會比佢地任何笑容！

你問我淨係得F1，點解識咁多嘢，啲思想趕快變成咁，童真呢？

可能因為，我比較早熟掛。

雖然，我係校花，但係我都係一個乖乖女。我待人有禮(特別係老師)、平時專心上堂唔傾計、無俾人記過名留過堂...

所以，今次調位，老師就調咗我去一個以一字「曳」聞名全級嘅—王活勤隔離坐。





我心諗：PK！