前度: 後記

故事終於完結，好多謝仲有睇仲有追既人，雖然個故事幾悶下，但的的確確係我既真人真事，全天然，無添加。

究竟依篇文，阿May有無睇到呢？
答案係，有既，May有睇過依篇文。
May一知道我係紙言po文，於是搵左好半個月，但佢睇黎睇去都係愛情，點會估到我走左去打甜故啊。

當佢知道佢係其中一篇文既主角，佢好興奮，但一睇完，佢就X我做咩講到佢咁淫，我話係原汁原味。

May曾經叫我寫得傷心D，好令佢後悔追返我，我笑左一笑，因為我好清楚May既性格，May佢寧願錯過，都唔會調頭～



好多謝Bobby兄弟陪伴我渡過無數難過既夜晚，無你既鼓勵，可能我一早頹廢到依家，我都估唔到一直以黎樂天既我，竟然係依幾個月頹到咁既地步。

Bobby，你如果結婚既話，我一定會送大禮！

我依家仲有無再去飲酒？仲有無掛住May？仲有無聯絡？

無啦，自從個次係街度陶大宇式大喊一次之後，我無再去留意阿May，亦都無再去用酒精麻醉自己，我唸我今次真係放低左佢啦。May依家仲好幸福同男朋友一齊，而我繼續做我快樂既單身狗：汪汪！
不打擾對方，係最好既體面。

再次多謝大家既觀看，多謝大家。


愛死你地哦～