前度: may1.3

又唔知過左幾多日，我又再收到阿may既facebook messenger，當然，又係叫我去陪佢，實質又係叫我送佢翻屋企⋯

我：喂，阿may，唔係辦法喔，下下都叫我送，你快D搵個男朋友啦。

may又嬲嬲地講：我好失禮你啊？你好似好唔想送我返屋企喔，你唔想送就走啦，我自己一個可以返。

我：係啦，sorry啦，我錯，我亂講嘢。

may笑左一笑然後講：算你啦，你估我唔想有男朋友送我返屋企咩，無人要啊嘛。



我：唔X係啊嘛？學校女神喔？無人要？

may：肯定係啦。

於是我送阿may到屋企樓下，佢又抓住我要我留低傾計，ok，你鐘意。由於山上既公園仔好多蚊，經過上次教訓，所以我地係樓下一個好隱蔽既角落坐低傾計。

may：我又鐘意左一個人啊⋯

我興奮咁問：邊個？咁快？靚唔靚仔？



may：佢係我地學校㗎。

阿may攞部手機出來，打開左張相俾唔睇，ok喔，學校田徑隊隊員，師兄，又高又大隻，對比翻我依D排骨仔，唉⋯

我：鐘意人地就追囉，唔試過點知得唔得？

may：我有㗎，但佢好少覆我啊，對我不理不睬咁。

我：下，乜女神都會遇到D咁既問題㗎？我以為只會有我依D人先會遇到咁既事。



may：我唔覺得自己係女神囉⋯如果係女神，就唔會唔在乎我啦。

阿may俾左我睇佢地既對話，差唔多八成都係阿may講嘢，而個師兄係一句起兩句止。我啪一啪阿may既脖頭：加油啦，佢應該對你有意思既，你咁靚女，可能係怕醜呢。

may：咁好啦，我再加把勁。

之後我不停講D鼓勵佢既說話，希望提升翻佢信心，阿may亦因為我既說話開始自信翻，開心翻。

我見個天又黑左啦，於是我同阿may講byebye就準備走。

突然阿may攬左我一陣同我講：多謝你啊，chris，你肯陪我，而且幫我解答疑問，你係個好男仔。

我笑左一笑，然後摸左阿may個頭一下講：好男仔注定收好人卡㗎～你唔好再話我係好男仔啦。

於是我揮一揮手就急急腳走去地鐵站返歸。



有一晚我發夢夢到阿May，個晚既夢到依家我都仲係咁清晰記得，我夢到自己同阿May拍拖到結婚，當我醒左，我發現係夢黎，我感到一絲絲既可惜。咪住！我唔會係鐘意左阿May啊嘛。

八月後，阿may一個星期都會搵我出黎傾計，當然，個話題都係講個師兄啦，

may：點解佢對我仲係咁冷淡？
：點解成日唔覆人？

我成為左阿may既愛情顧問，一直係度解答阿may既問題。我發覺我越來越想同阿May出街，越來越鐘意同阿May傾計。

個時我有玩QQ，所以我係QQ個簽名度打鐘意左個人，點知May問我鐘意左邊個（死啦，我鐘意左May，但May鐘意既係師兄，講唔講好⋯）

最後，我當然鼓起勇氣講左啦，阿May聽完好驚訝，不過無破壞到我地既友情，依然有同我出街傾男仔既心思，直到左九月開學，突然阿may有日放學約我啊⋯⋯