前度: may1.2

我facebook又再收到阿may既messenger。
may：17:30 喂啊，chris，你點樣同David講㗎？

我：17:32 發生咩事？我未照直咁講囉。

may：17:33 David問我鐘意佢D咩，你叫我點答啊？同埋叫我俾D心機追佢，我暈啦～

我笑X到停唔到聲。

我：17:36 David份人不嬲都係咁，你唔知咩？容易得到既嘢係無咁容易珍惜㗎。



may：17:37 算啦，既然David咁抬高自己，我都無咩意思追佢。

我：17:40 咁你自己決定啦～

然後到左暑假，我係屋企又開始過左頹廢既暑假生活，突然有個電話打黎，打破左我一直以黎既暑假頹廢生活。

我：喂喂，邊位？

may：係我啊，阿may啊，你得唔得閒啊？（收兵？）



我：我得閒啊，咩事？

may：我好悶啊，你可唔可以出黎陪我行下？

我：哦⋯咁好啦。

於是我著翻條褲，收埋包紙巾，關埋熟悉既中日美法俄既愛情動作片，然後頭都唔梳，亂咁著衫就出左去。

去到地鐵站就見到阿may，may一見到我即刻按住口笑，笑到眼淚水都出埋黎。



我：哇，你笑咩啊，笑到咁。

may：你套look好似我阿叔。

我：下？我覺得自己ok喔。

may：ok你個頭啊，哈哈。

阿may約我出黎，係想我送佢翻屋企，我都出到黎啦，無所謂啦，送完你翻去就繼續煲鹹片囉。

我：你邊個站出啊？

may：下，你唔係送到我翻屋企樓下咩？



我：下？我仲要送到你翻到樓下？我頂。

may嬲嬲地講：你唔想送就走囉！

我：送送送，送你翻去囉（我到依一刻都係對佢無feel咖，純粹係朋友）

到左樓下，唸住揮個手就直接走，點知阿may講：不如你陪多我一陣阿，我地傾多陣計好唔好？

唉，咁好啦，你想點就點。於是我地去左附近山上既公園仔傾計，原因係怕樓下見到佢阿爸阿媽，驚誤會阿may拍拖而禁錮阿may。

我地係個公園仔傾左一陣，由於夏天太多蚊啦，最後演變到係度拍蚊，由於阿may著住超短褲，所以俾蚊咬左好多。一開始我見其中一隻蚊係阿may大腿上不停吸血，於是我一嘢拍落去。

阿may啊完一句之後即刻大力拍我脖頭一下。

may：咩事啊你，咁大力打我，抽水唔係咁抽啊嘛？



我舉起隻右手講：抽水？我幫你拍蚊啊！

然後我地兩個不停係度拍蚊、拍蚊⋯

終於D蚊成功驅趕我地，我見天色已晚，所以就同阿may講完個byebye就走左。