上左個肥婆身, 好難移動呀: 第三十二章: 團聚

我即刻執翻起電筆，一下電落katy度，佢瞬間就暈左落地。
我即刻過睇下johnny...
死啦....johnny係我手上已經冇任何反應.......但依然重有呼吸....
佢既魂魄.....係咪已經比人打散左....
佢係咪唔可以再投胎......
呢個時候伯母同理香姨行左入黎，伯母見到自己個仔訓左係度，嚇到衝過黎攬住johnny。
「心如！頭先發生咩事？點解我個仔暈左嫁....？」伯母好緊張咁問我。「你唔好喊住先啦！發生咩事？」
我喊住咁指住katy隔離支奪魂棒，支支吾吾咁講:「johnny佢......比奪魂棒好大力扑中左......唔知係咪已經.......魂飛魄散.......」
伯母即刻拎起支棍，好細心咁望左好耐...
之後佢遞比我，叫我望下支棍個棍頭。




................

「.....made in.....china？」

wtf？支野流嫁？
「支棍係咪電視個蘇文明用果支呀？
我上次睇電視見到佢拎住呢支假野呃飯食已經覺得好好笑，支野啲質素仲衰過淘寶喎....」
我即刻破涕為笑咁攬住johnny，
好彩，佢既七魂六魄重係度......

我揹住johnny 去梳化休息，伯母就幫手將佢地三個綁係櫈度，免得佢地三個再有咩手段。
理香姨驚魂未定咁行翻去廳，坐係我隔離休息。
到夜晚八點，爸爸終於翻左黎。
佢見到廳入面坐係度既理香姨，震驚到跌左落地下。
「爸爸！」我即刻過去扶起佢，慢慢帶佢行去理香姨果度。
爸爸見到理香，伸岀手慢慢摸住理香姨塊面，理香姨早已經泣不成聲。
「阿香.......我係咪發緊夢....？阿香！」
爸爸同理香緊緊咁擁抱住，一直相擁痛哭。係旁邊見到呢個場面既我地，都睇到鼻酸酸。
「阿香？你唔係死左嫁咩？究竟發生左咩事？」
理香姨緊緊咁捉住爸爸手臂，將佢一路既經歷向爸爸娓娓道來。爸爸一路聽，一路將個拳頭越握越緊。




「阿媚佢地....竟然咁對你...！」爸爸上樓上想質問佢地，點知見到佢地三個綁住係櫈道。
我將錄音筆播比爸爸聽，爸爸聽完即刻清楚哂左頭先既事。
佢望住我，神情疑惑咁問:「佢地話你上左因如身....所以.....你....你係心如？」
我激動咁望住佢，點點頭。
「心如.....心如....對唔住.........係我冇保護好你......」爸爸好激動咁攬住我，已經.....好耐未試過咁樣比爸爸擁抱過。
我同爸爸互相擁抱 ，痛哭流淚，我一邊攬住佢一邊輕拍佢膊頭安慰佢，要爸爸佢一時間接受咁多，確實係對佢好殘忍。

平伏好心情之後，我同爸爸入左佢房商量好後事。
「心如....你幾時要走？」
「5日後。」
「咁急？我重以為....可以再同你相處耐啲...」
我拖住爸爸隻手，笑住同佢講:「爸爸，呢一刻重可以企係你面前講野，已經係一個bonus黎嫁啦。以後你要好好睇住屋企....睇住因如.....
你見翻因如之後，幫我同佢講，我已經原諒左佢。
多謝佢肯借佢身體比我，因為佢，我先可以死過翻生，真真正正活多一次。係佢，送左呢一段回憶比我。」
「女.....」




爸爸再一次擁抱我...同我作最後既告別....