上左個肥婆身, 好難移動呀: 第二章: 疑犯
我翻翻房，就開始回想邊個最有機會殺我。
我間房被警察查完已經解封翻，唔知重有冇線索係入面。
因為我房門鎖長期壞，所有人都有嫌疑落毒。
而杯咖啡係我自己沖既，未飲我就岀左房睇電視，之後翻黎飲左我就已經中毒死左。
所以應該係當日8點-9點期間有人落毒。
而當時係我同老母係廳睇緊電視，除左我地，所有人都有嫌疑。
都係去翻案發現場睇多次先。
點知我未行到，已經見到杏子好鬼崇咁偷偷行入我間房！
仆街，唔通係你？
我即刻哩埋望下佢做咩，奈何我電單車般既身型好快比佢發現左。
「你個死肥婆望咩呀！翻入去做你既野啦！」杏子見到我就壓低聲線，係房衝翻岀黎咁對我咆哮。
你老尾，咁大個人都未比人話過肥婆，即刻辣着左我。
「你個仆街講咩呀！屌你偷偷地入心如房，你有咩企圖呀」
聽到我好好火咁問佢，佢嚇左嚇。
「成世人未聽過你夠膽咁大聲同我講野。仲爆粗？總之你咪理我，之前我漏左野拎翻咋嘛。」
講完佢就衝走左。
仆街，你以為你走到咩？我遲早會拉左你陪葬！遲啲再揾機會捕佢，實可以揾到証據。
杏子之前一直都已經唔妥我，因為爸爸成日都教我從商既野。而對佢，爸爸只會比下錢佢洗咁，冇意比間公司個敗家
仔。可能係咁，佢先想殺我想取代我個位。
杏子既証據慢慢揾都未遲，不過而家最重要係適應左因如既身體同佢既生活先。
雖然同呢個阿妹住左廿年，但我其實唔係太了解佢係個點既人。
因為佢好就得人，咩都話好，冇咩性格咁。
叮！
因如個wtsapp震左震，係johnny揾佢。
johnny？！咪之前黎我屋企想溝我個狗公？
之前因如帶佢翻黎，我好深刻，因為佢竟然有朋友帶翻黎，仲要係男人！
但個johnny一見到我就冇理過因如猛咁同我講野，不過我嫌佢煩之後就冇理佢。
估唔到佢重有揾因如。
johnny: hey are you free now？
我睇翻佢地wtsapp記錄，啲對話都好表面，淨係約過兩次食飯，不過兩次應該都係因如比錢。
因為記錄有條仆街仔借錢証據。
johnny:前2次食飯同果5萬呢，遲啲比翻你得唔得呀??你最好了！
哇頂，為左呃錢肥婆都呃有冇良心呀
揾食都行遠啲啦。
果次之後佢地都隔左好耐冇聯絡。
好，一於岀去睇下條狗公想玩咩！