[愛情][少甜]我地係炮友定係情侶【每日00:00更新】: 7b(續章)

《女方視角》
「喂？謙？你去邊呀？你走咗未呀？」我焦急咁打俾阿謙
「我去到巴士站囉。做咩呀？」電話另一邊嘅謙
「你有無帶你另一部電話呀？」佢話有，「我而家落嚟揾你，你唔好走呀！」

智朗佢block左我，佢話佢對唔住我，但係我根本無嬲佢，當然當時有小小嬲。但係我並唔想同佢永遠斷絕聯絡，我唔想再失去再放下又再放失去，我唔想無多個朋友……

我屋企距離巴士站唔係太遠，一分鐘左右就已經到。未到巴士站就已經見到呆呆企喺巴士站等我嘅阿謙。

「你做咩跑呀？」佢一見到我就問


「俾…俾部電話我……」我早已經氣喘吁吁，大概係因為太耐無練跑。佢拎頭並要求我解釋，我只好更大聲咁重覆多次我嘅要求。

一拎到佢嘅三星手機(舊手機係三星，新嘅係i瘋)，我就衝返屋企(阿謙跟著佢)，一上到去就打俾嗰個熟悉嘅電話號碼：9254 XXXX

幾秒後，打通咗啦！
「喂？」係智朗把聲
「簡智朗，你以為你block咗我就可以當無事呀？你話你唔會忘記我地嘅經歷，但係你甘心淨係得兩星期都唔夠嘅回憶咩？對唔住對唔住……對唔住真係大曬咩？」講下講下失控嘅淚水缺堤湧出「你以為一兩句嘢就可以令我當無事發生咩？唔得呀！你仲差我一個人情㗎！上次我咁辛苦飲曬碗廿四味，而家你話消失就消失，咁我呢？」

「你話…你鍾意咗我…咁行動呢？表示呢？唔使做呀而家？」源源不絕嘅淚水滾下熄熱嘅臉蛋，企喺一邊嘅阿謙遞上一張tempo紙巾然後打手勢拉希雯上返屋企。



「Hailey...我...」另一邊嘅智早已被希雯嘅喊聲嚇到唔識講嘢

「無錯，我係嬲你無端端嚟我學校，我更嬲你條咸濕仔，但我最嬲嘅係你竟然諗住講幾句話就消失……」

「我…我唔想你唔開心，我見你同嗰個車站嘅男仔傾得好開心。你應該去揾佢，而唔需要對我呢個只識咗幾日嘅人深交」

「你掏出真心，我亦會真誠對你。」呢個係我嘅原則，亦係唯一嘅原則
「Sorry ar，我唔會再咁自把自為㗎啦…你唔好喊啦…笑番啦！」

「簡智朗，我俾三秒你解封我！一…三！」佢真係解得切



「邊有得咁奸矛㗎！」佢笑住咁話我

「你唔滿意呀？」我又笑住咁反問，同時謙敲一敲我度房門「你等一等呀！」

「希雯你無嘢嘅話咁我走啦，記住聽日你要去醫院覆診，我幫你鎖埋門啦，遲D會俾返你。」阿謙提醒我，不過我點一點頭多謝佢一句就叫佢走啦，我傾緊電話㗎！important for a girl!!!!!

結果我同智朗煲電話粥煲咗兩個鐘先肯收線(聽講係佢阿媽逼佢瞓覺)，既然聽日我本身就已經請咗事假，咁我去完醫院可以再去揾佢，有D事要見面先可以傾。

月老終於肯為我牽紅線，邱彼特亦終於肯嚟揾我啦……