重甜*我係一個高中老師。我個女學生住我隔離座: 第一章

「咁大家記得聽日交齊野啦，同埋希望有同學開個班群，可以既話加埋我，主要係比你地交流用。」
講完之後我放左佢地走。自己都落左教員室抖
落到個位，見到一堆回條，咩老師注意事項2025-2026年度。上面寫住教員室冷氣機費用$400全年，我即刻心諗！仆你個街。老師都要收冷氣費？
當我睇完一大堆回條之後。起我斜對面位。有個18xcm既體育老師。全身都Jordan，上身仲要著住今期新出嘅supreme，不過呢個都唔係重點。重點係佢個位有3個女學生圍住佢
不過3個個樣都唔掂
同學A:「好野！呀sir你今年教我地班PE呀！」
同學B:「唉！你就好啦，呀sir今年你唔教我地班啦，好唔開心囉！」
同學C:「我都係呀..呀sir我要罰你陪我地食lunch呀！」
我即刻心諗..咁俾人罰應該好慘。不過呢個畫面。令我諗翻起中學果時十分羨慕校隊男神總係比校花圍..
但呀sir你唔可以咁雜食嫁..咁會變咗「豬扒收集器」


「你係陳sir？」有一把女聲突然係我背後出現。
「我係！有咩事？」我回應
「我都係今年新黎既數學老師，多多指教」佢笑住咁講
「我都係，請多多關照。」我回應
「不如一齊食個lunch？」佢問
我覺得識個朋友冇咩問題。我答應左之後，我就同佢出左去食飯。
食飯傾開計，覺得幾啱傾，應該之後都係一個幾好既同事。
放工之後，我如常咁渣車番屋企
番到屋企，一打開手機。見到個班群有條信息
「聽日大家記得交齊野呀，唔好要呀sir勞氣！」我睇佢張icon先知原來係今日好熱情打招呼果個同學。


我覺得佢幾幫得手。如果可以我想揀佢做班長。
突然之間我諗番起係邊度見過佢。
就係平時坐係會所溫書既常客。
咪住！咁咪即係話我同佢住埋同一個屋苑？
難怪佢今日對我咁熱情啦。
第二日渣車番工既時候
，我見佢等緊車返學，我就揸架車埋去問
「不如呀sir車埋你啦，反正都順路。」
之後佢就上左車。
「點呀？有無帶齊野嫁？記得交齊喎。」


我問佢
佢答：「梗係有啦，廢事要你勞氣呀嘛。」
突然覺得有呢個學生幸福
，竟然會關心老師。
起學校前面嘅50米路「返到學校唔好話陳sir車你，你呢到行番去啦。」
開頭都覺得冇乜嘢，但後來先知呢個係老師嘅禁忌，更何況仲要係異性學生，好易令到學生誤會老師對佢有好感。
雖然佢個樣真係好吸引，但我不斷同自己講琴日嗰個數學老師仲吸引。

上到課室我同佢保持距離，我突登將佢掉位掉到去比較遠離老師枱嘅位。但人既身體真係好誠實，總係會望住一啲吸引自己既野，講野既時候，總係會偷望佢。
！但我絕對唔可以咁做，於是我決定對琴日果位數學老師展開追求行動！
——————-