重甜*我係一個高中老師。我個女學生住我隔離座: 前言
話說係數學系都畢咗業幾年。send過99份求職信都搵唔到工。
直到暑假尾 見到有間學校請數學老師。
我嘅本能反應梗係即刻人肉搜尋間學校啦。
雖然只係一間band 3頭既學校。
但要搵工就唔理得咁多。直接send份CV過去睇吓有冇面試啦。
兩日之後個校長打嚟叫我去面試。
校長：「睇過你份CV。見到你數學同資通都拎5*。如果搵你兼教埋高中電腦有冇問題？」
我諗都唔諗 即刻答：「無問題。」因為我淨係知再搵唔到工。我會飯都無得食。
校長：「咁你等我一陣。我準備份合約比你簽。」
雖然人工只係22k。老師既起薪點。但我諗夠食夠住夠養車。
好快9月1日開學。
我將我要用嘅野帶哂番公司之後。即刻同隔離位同事傾計做個朋友。
廣播：今日係開學日。同學請係操場集隊。
而我今年第一年教書就要做高中班主任。我就即刻搵返我個班係邊。認識下d同學。
集會完左，上番課室之後。我係黑板，寫左我叫咩名。然後例牌敬禮。老師早晨。同學講完之後
突然有一位身高正常。個樣好似日本風既女仔企起身大叫：「陳老師你好！」我望住佢2秒，好似覺得係邊度見過咁。我禮貌上回應：「同學你好。」
我初時都覺得冇乜嘢，熱情嘅學生同老師打聲招呼姐。
但就係因為咁令我犯哂老師嘅禁忌。