日本食人魔《十六歲透明感少女黑夜狩獵事件》: 第四十八節

48.




阿嚴一行人回到了山腳，離遠就見到衝鋒車後座坐著一個人，身上披著毛毯，捧著一杯熱茶。就算有一點距離也能見到他身子發抖，牙關在抖震。








這人就是肥寶，雙手扣上手扣，盯著手中的熱茶在喃喃自語，對周遭所發生的事彷如未聞。似乎山上發生的事給了他很大打擊。




「條友咩料？」阿嚴停在衝鋒車前上下打量著肥寶問。








「條友鬼鬼鼠鼠係後面草叢想偷走，師兄手快捉住佢，佢就搏晒老命咁叫救命……過到嚟又十問九唔認，係到自言自語，神神化化咁……」




「喂！抬高頭望住我地！你叫咩名！係山上面做乜？」Billy開口對著肥竇喝道。








肥寶嚇了一跳，抖出手中熱茶，然後像從夢中醒來不斷叫著︰「唔關我事架！我冇殺人！我冇殺人！」




「冇殺人咁你身上啲血點嚟架……」Billy說到這裡，就被阿嚴伸手止住。




阿嚴回頭向慧心打個眼色，要慧心接手去問。








「警察都知未必關你事，不過你係山上做咩？有冇受傷？有冇見到啲乜嘢？」慧心轉用溫和的語氣去問。




只見肥寶望了慧心一眼，再縮起身子嘴唇不動的小聲說著︰「…死……死咗好多人……不過唔關我事架……真係唔關我事……」




阿嚴跟Billy在後面對望一眼，然後Billy又性急想要插嘴。最後被阿嚴揮手止住。








「咁你見到啲咩？跟我地上去你重新講一次畀差人聽好唔好？」慧心問。










一行人駕著車又準備回到山上，阿嚴心裡覺得實在奇怪，為何這肥仔會跟幾個伙記被殺有關？








這時候Billy又再次按捺不住正向著肥寶迫問︰「兩個警察係咪你殺架？」




只見肥寶瞪大眼睛，一臉茫然似不明白眾人所指何事。最後吞吞吐吐的問︰「警察！？咩警察？」




「仲扮嘢！？」Billy聽見無名火起伸腳就猛踢在椅子上。








「你頭先話死咗好多人？究竟係死咗咩人？」阿嚴首次開口向肥寶問話。




肥寶閃縮的偷望了他一眼，大概也估到這人官階最高，於是哭著一張臉向他求救︰「真係唔關我事架……」




「關唔關你事警察會查！而家我問你山上死咗咩人？講！」




「……南亞人……死咗好多個南亞人……不過唔係我殺架！！佢地想埋咗我地……」




「埋？」




「掘咗窿……想埋咗我地……」肥寶轉著一雙眼珠，回想起那情景又怕得在抖。




「你地？邊個你地？除咗你，仲有邊個係山上面？」




肥寶死也不肯開口，這時才發覺自己好像講錯了說話。




「講呀！！！」Billy二話不說又踢在椅子上。




肥寶就一五一十的說了個大概。有關張恩東的事，南亞人，長著鬍鬚的領頭人，還有那日本矮子的事通通說了個大概。只是事件發生的前後亂序，中間又夾雜胡言亂話，聽得眾人面面相覷，一頭冒水。最後提及到Amber，眼中就閃現著恐懼，不斷說她不是人，是鬼！




阿嚴見他說話瘋癲似的，就向慧心打個眼色，要她去起清張恩東的底細。




說著車就來到警察被殺的位置，肥寶卻對這事半點不知情。




阿嚴愈聽就愈覺得奇怪，只見肥寶顫著指頭指向山上的位置說︰「唔係哩度……係上面……」










當阿嚴來到雜木林前面的時侯，心裡面就已經打個冷震。當差幾十年的直覺告訴他，這地方確實死過人。




只要細心留意就會發覺，草頭泥土都沾著有血，雖然雨一直在下，但仍未把所有證據沖洗掉。




「Billy！Call晒啲人上嚟！！」阿嚴在雨中喝著，一面躡著腳步向著林中深入進去。




直至來到木棉樹前，那景象讓他倒抽了一口涼氣。




雨水浸著樹前的一個泥坑，積水都混著血。泥土表面鬆散通通被雨水沖走，然後就見到一截斷掌沉在積水裡面。