我和表妹的禁忌之戀: 第四部-第四章:表白?
沖完個涼醒神晒!因為表妹實未沖完涼,所以我攤咗係張床到。唔得,過埋今個星期六同Michelle 約完,之後一定要果斷咁去拒絕!梁家明你係唔可以受到誘惑架!
表妹沖完涼後就打比我傾咗1個鐘左右既計,
表妹:「我覺得果個Michelle 有d古怪,我唔理你呀,你要盡量同呢個女既保持距離。」
我:「但我地係groupmate 黎...」
表妹:「咁同佢淨可以係同學關係,傾計淨可以傾功課d野」
我:「Yes,Madam!」。為咗避免表妹擔心同猜疑,我點都應承咗先啦。
表妹:「算你啦~」
之後傾咗大約一個鐘左右,表妹就去訓啦。
我出廳去飲啖水,見到老豆老母仲係廳到睇電視。
老母一見到我:「阿明,岩啦,你坐一坐底」
我「喔」咗一聲就坐低。
老母:「黎緊就中秋,所以我同你老豆打算今年同舊年一樣,同細姨佢地一齊去BBQ」
我:「喔,好呀」
老豆:「我唔去霸位架,到時靠你去霸位啦」
我:「係既係既,中秋係幾時呀?」
老母:「再下個星期一呀,果日夾岩係你表妹生日,所以你要記得買埋蛋糕呀」
係wo...表妹生日差d都唔記得添,橫掂今日星期六會同Michelle 出去,到時叫佢幫幫眼揀都好。同老母傾完後,入房我做咗陣assignment ,之後就訓咗啦。
星期一早上返學
琴日同咗表妹講我今日唔送佢,所以鬧鐘一響,我刷牙洗面後就直接返學。
返到學校,kelvin 同四眼妹一早就坐咗係到,仲幫我同Michelle 霸埋位,但Michelle 應該仲未返。我個位既右手邊係Kelvin ,左手邊就係留比Michelle 既空位。我一坐低,kelvin好細聲咁講:「Mandy佢真係好靜,仲靜過我呢個毒L」
我:「人人性格都唔同架嘛,四眼妹其實望落幾好睇呀,溝通多d,深入了解下,嘿嘿嘿」
Kelvin :「要溝通要了解都Michelle 先啦,咁鬼靚女,但一定睇唔上我呢d毒L,so9sad」
我:「所以咪叫你向你隔離果位入手囉,哈哈」
Kelvin :「你diu埋我果份啦」。係Kelvin 身上,我完完全全見識到,毒L真「高要求」!
講幾講,Michelle 都返埋黎。唔會講笑,Michelle 開門入課室到坐低,幾乎全個lecture既男仔都昅住呢位靚女。我相信唔少人都後悔緊當初無揀佢一組。
今日既Michelle 上身白色長毛衣,下身修身牛仔褲,雖然咩都無露,但都難阻擋Michelle 既氣質,完全真係女神級,睇到我都有d心郁郁。
Michelle 一坐低,香氣撲鼻,性感女神既味道...
Michelle向完kelvin同四眼妹揮完手後,用一種特別溫柔既語氣同我講 :「早晨阿明~」
我:「早呀Michelle 」。因為professor 已經講緊書,所以都唔多講其他野,專心聽書。而上緊堂果陣,Michelle 時不時咁挨近我,然後睇我炒既notes同問我問題,都唔知係認真學習定係故意挨近我...。
落堂之後,我地四個去咗M記到食,因為可以一路食,一路順便傾下project ,而Michelle 照樣揀坐係我隔離。
我:「我地week8 present,咁我地week7前做完佢,之後仲有一個week 走盞位。我地仲可以約下個tutor,比份ppt佢問下意見。」
四眼妹:「我覺得咁既安排幾好呀」
Kelvin :「阿明,受小弟一拜,我對你既景仰有如滔滔江水連綿不絕,更有如黃河氾濫一發不可收拾!」
我:「玩野呀kelvin 」
Michelle :「哈哈,Kelvin 係誇張d,但講得幾岩呀。有阿明係到,做起group project 黎都輕鬆好多」。
Kelvin :「拿,Michelle 都認同我」
比Michelle 贊一贊,我面都紅晒。
Kelvin 對我講:「嘩,洗唔洗面都紅晒呀,你係咪...hehe...對Michelle ....hehe...」
我緊係即刻澄清:「Kelvin 咪亂講呀,等陣搞到Michelle 都唔好意思!」
Michelle :「我無野呀,哈哈」
食完Lunch後,我地返去繼續上堂。到落堂後,我一樣同Michelle 一齊搭地鐵返去。
Michelle :「阿明,你覺得我點呀?」
無啦啦問呢個問題,我都唔知點答好
我從客觀事實咁去講:「係好多人眼中,係一個超級大靚女、女神」。
Michelle :「咁你呢?」
我:「我覺得呀...好有氣質...好善解人意...好溫柔...好靚...好吸引...」。我唔知唔覺咁講咗好多...
Michelle 好開心咁問:「真既?」
我:「係呀」
Michelle :「咁你鍾唔鍾意我呀...」
我:「我...我...」
我咗幾我之後,荔景都已經到站,Michelle 抬起腳尖,咀咗我嘴唇一啖,然後笑住講:「唔洗我我我啦,我到站啦,聽日見~」,講完轉身就走。
對於突如其來既一錫,我完全反應唔黎,呆晒係到,連88都無講,淨望住個車門慢慢關上...呢一錫究竟係咩意思...
Michelle 是日衣著示意圖
![](https://i.lihkg.com/540/https://img.eservice-hk.net/upload/2018/05/14/185350_5439d60690fadc73a1e592eedd077ed4.jpeg)