我和表妹的禁忌之戀: 第四部-第三章:平息風波
Michelle 離開咗車廂後,我即時feel車箱有股超高氣壓氣場,唔洗估啦,實係表妹發出黎...
我:「Michelle 真係asso同學黎...」
表妹:「咁岩先一餐飯同一場戲係咩意思!?」
點答好呢...答得唔好既話,表妹實嬲死...
我:「呢個係因為...因為」
表妹開始有d嬲啦:「因為...因為d咩呀!」
汗流夾背,呢個成語最適合形容我而家既情況。我:「喔...係因為Michelle 英文好好,我將我d assignment 比咗佢幫我執grammar,咁我唔好意思叫人免費幫我check grammar架嘛,所以咪用一場飯一場戲做報酬..好單純既目的架...無其他特別目的」。
呢一刻,我真係好佩服我既才智,竟然可以急中生智,編到一個咁好既‘理由’,哈哈哈!
表妹有小小懷疑既語氣咁問:「哼!係真唔係呀?」
我好堅定咁答:「當然係啦!」
表妹:「哼!信住你先啦!」。見表妹無嬲啦,我個心都定d...
之後我一路送表妹返到屋企樓下,一路繼續氹佢,佢到最後終於都無嬲啦。但走之前扁晒嘴同用好委屈既語氣問我:「Michelle 咁靚女...你唔會唔要我走去鍾意佢架可!?」
我:「我發誓,我對Michelle 絕對無野,絕對係單純既同學關係!」
表妹開心返:「我信你~咁我上樓啦,你返到屋企記得要報到呀!」
我:「知啦,實會記得」
送完表妹後,正當我準備走既時候,whatsapp響起,我心諗應該係表妹,拎起電話一睇:
Michelle:「今日果個真係你表妹黎架
![](https://lihkg.com/assets/emojis/1f633.png)
我:「係呀」
Michelle :「唔講唔知仲以為你地拍緊拖tim」
我都唔知回咩好,所以淨回咗一個符號「
![](https://lihkg.com/assets/emojis/1f605.png)
Michelle :「不過又係既,有咁靚同咁可愛既表妹痴住,怪唔得人地要陪表妹去迪士尼又睇戲食飯啦
![](https://lihkg.com/assets/emojis/1f61e.png)
我:「唔係呀...迪士尼同今日食飯我同表妹一早約咗
![](https://lihkg.com/assets/emojis/2639.png)
Michelle :「咁我餐飯同場戲呢?又幾時找數
![](https://lihkg.com/assets/emojis/1f61e.png)
我:「今個星期你話事,你話邊日就邊日
![](https://lihkg.com/assets/emojis/1f648.png)
Michelle :「咁就黎緊呢個星期六啦
![](https://lihkg.com/assets/emojis/1f61d.png)
到時照實同表妹講,應該無事既,表妹而家都知我差Michelle 一餐飯同一場戲架啦。
我:「好呀,無問題
![](https://lihkg.com/assets/emojis/1f44c-1f3fb.png)
Michelle :「話時話,點解你表妹咁痴你既?你地仲會拖手tim?」
我緊係唔會直接講我表妹係我女友啦,其實內心對於同表妹拍拖呢樣野,我都幾唔夠膽同人講,因為唔知其他人點諗...唔了解法律既人,到時仲可能會以為我同表妹係亂倫...更何況而家香港有幾何見到表兄妹拍拖呀...
我:「因為由細玩到大呀,佢當正我阿哥咁,所以成日痴住我」
Michelle :「haha,咁都好d
![](https://lihkg.com/assets/emojis/1f606.png)
我:「你今日又會自己一個人去睇戲既?」
Michelle :「見無聊,又有場戲想睇,約唔到你,唯有自己睇
![](https://lihkg.com/assets/emojis/1f622.png)
我:「
![](https://lihkg.com/assets/emojis/1f605.png)
Michelle :「哈哈,講笑炸,我本身都有自己一個睇戲既習慣」
傾傾下,呢個時候我都行返到屋企啦
我:「我到屋企啦,唔傾住,聽日見」
Michelle :「聽日見
![](https://lihkg.com/assets/emojis/263a.png)
一入到屋,老豆老母都返咗黎坐係廳睇電視。
老母:「阿明你琴晚無返黎訓咩」
我一早諗定個理由:「去咗小強果到打機睇波呀(小強係我老死,小學到中學都同一間,但因為上咗asso後就變得無咩出黎聚)」。
老母:「姨丈今日打比我,話你去搵表妹食lunch?」
我:「係呀...係啦!姨丈叫我同你地講細姨無咩大礙」
老母:「姨丈打過黎,我都順便問咗啦」
我轉移下話題先:「中山好唔好玩呀?」
之後就聽咗成10幾20鐘老豆同老母既中山之旅...
入到房後,第一時間call表妹
表妹:「做咩咁耐!講!去做咗d咩衰野!」
我委屈咁講:「冤枉呀...我一返到屋企又比我阿媽捉住傾計,係到聽咗佢講成20分鐘既中山之旅...」
表妹:「哈哈,其實我都估到架啦!」
我:「唔傾先,我想去沖個涼先」
表妹:「好呀,我一直係到等你電話,我都未沖,所以我都要去~」
收咗線後,我就去沖涼。我一邊沖涼就一邊係到諗返今日d尷尬情景...好彩最後都平安無事姐,唔係真係有排搞。
不過,Michelle 會唔會真係鍾意我呢...Michelle 果種氣質完全同表妹唔同,好有女人味...諗諗下,我都晒口水添...
梁家明!你又係到諗咩衰野呀!你有表妹架啦!唔好見人地Michelle 咁靚女,你又起異心呀!我即刻用花灑狂淋我面,等自己清醒下。係啦!我鍾意既人係表妹,一定要抵擋住d誘惑,唔可以對表妹唔住!