我和表妹的禁忌之戀: 第三部-第四章：Asso 小組正式成立

「阿明你有女朋友啦，你仲要比心機聽書上返大學架！」

天使既聲音成功喚醒咗我。係啦！要專心聽書先得！就咁樣，我忍住咗誘惑，專心上完朝早既lecture（但都不時會昅一昅，男人既天性...無計啦）。

上完朝早堂11點半，下一堂係12點半，所以空咗一個鐘出黎。

我：「不如去食個lunch先囉？」

Michelle：「好呀，朝早連早餐都無食」



我：「你地d靚女唔係吸風飲露就得既咩？」

Michelle：「更唔係啦...我餐餐都要有野落肚架！」

Kelvin 好細聲咁講：「餐餐都食...都可以食到你咁靚...」

Michelle:「Kelvin 你講咩話？」

Kelvin :「無野...」



我：「諗咗食咩先啦，附近有間西餐廳幾好飲，不如去試下？」。其實本身係想求其搵間茶記食就算，但見Michelle著到咁，都唔好意思帶佢去。

Michelle：「好呀」

Kelvin：「我無所謂架」

因為都第二次見，所以我地都逐漸熟咗少少，而且都要基本了解下對方，方便遲d做project。

Michelle：「原黎阿明你AL 兩條A架...好勁呀」



我：「唉，有咩用...衰英文」

Michelle：「唔洗咁灰心wo，呢兩年比心機一樣得既」

我：「我地三個一齊努力，一齊升返u」，我再望住Kelvin講：「Kelvin 你話係唔係」

Kelvin:「當然係啦」

我：「Michelle 咁你呢，衰d咩？」

Michelle：「我呀...同你相反...衰兩科AL」

我：「咁我地兩個可以互補長短，咁就天下無敵啦」，搞下gag得氣氛無咁悶嘛...但好似個gag太凍了...我以為應該會一片沉寂架啦，點知Michelle笑咗起黎：「哈哈，希望啦，大家一齊比心機」

我：「哈哈哈」，以笑遮醜，你明架啦。



就係呢個時候，d野食到，岩岩好救咗個氣氛，侍應：「係咪三個白湯？」

講真，經過呢兩次後，我發覺Michelle真係幾易相處，比我既感覺都好nice，同第一次見佢cool既樣完全唔同。

食完野之後我地就返去繼續上堂，因為已經第三個week，所以有d科已經出咗group project 既outline，而且都係4-5個人為一group。

Michelle：「我地宜家得三個，仲差一個人...」

因為呢堂係tutorial，所以d人實會返齊咁濟，我掃一掃成個課堂，見到個女仔單獨坐咗係到，正常樣，四眼妹。

我指一指果個女仔，跟住講：「你地睇，果個女仔應該係得一個人，我去問問佢」

我行咗過去：「Hi... 我叫阿明，想問下你有組未？」



四眼妹好似好怕醜咁：「我...我未有組呀...」

我：「咁不如我地一組啦，我果邊有三個，仲差一個，加埋你岩岩好」。其實要搵多一兩個入group係無咩難度，因為一定會有淨人，到時tutor點都幫你塞夠人。讀咗兩個week，我已經開始慢慢摸熟asso既模式，組員係一個好重要既因素，我相信做group project有多個女仔會好d，因為女仔freerider既機率比較低，特別係呢一種斯斯文文既四眼妹，所以我先主動話搵佢。為咗我GPA，點都要豁出去。

四眼妹：「好呀..」

我：「我d組員係果邊，我地過果邊坐啦」

四眼妹一坐低：「你地好呀...我叫Mandy Lam」

之後我地就逐個簡單咁介紹咗自己。就咁樣，asso 小隊成功組成！