我和表妹的禁忌之戀: 第三部-第三章:黑絲既魔力
行咗一陣海旁後,我地兩個就打算返屋企,因為表妹聽朝仲要返學。
到表妹屋企樓下
表妹:「d時間過得咁快既...我仲想見多陣你架...」
我:「傻妹,我聽日會黎幫你補習架嘛」
表妹:「你唔驚咩...?」
我:「唔驚呀,如果突然間先話唔幫你補,咁先會有古怪」
表妹:「咁好啦...你唔洗送我上樓啦,你都早d返屋企休息下~
望住表妹入咗大堂大門後,我轉身就走。
返到屋企後,見到淨係得老豆係廳。我:「阿媽呢?」
老豆:「佢沖緊涼」。講完後,老豆拍一拍梳發,示意我坐低。
我:「老豆,我對表妹係認真架,我都唔會因為拍拖就唔記得要讀書呢樣野」
老豆:「老豆相信你,你千奇唔好令我失望就得,仲有好好地咁對表妹。婷婷都係你媽同你老豆我由細睇到大,你阿媽更當正婷婷係親生女咁濟,而且婷婷係一個好乖既女仔黎,所以如果你有咩對佢唔住,老豆我第一個炳死你個衰仔!」
我:「我知啦,我會架啦」
老豆:「知就好,無野啦」
同老豆傾完後我就入房,之後whatsapp表妹:「我到屋企啦」
表妹:「嘻嘻,仲記得同我報到,抵錫
![](https://lihkg.com/assets/emojis/1f618.png)
我:「當然記得啦,呢個係返屋企既首要任務!
![](https://lihkg.com/assets/emojis/1f618.png)
表妹:「
![](https://lihkg.com/assets/emojis/2764.png)
![](https://lihkg.com/assets/emojis/1f623.png)
我:「無呀,傾咗幾句計」
表妹:「傾咗d咩呀」
我:「叫我好好咁對你呀」
表妹:「嘻嘻,呢個一定架啦
![](https://lihkg.com/assets/emojis/1f917.png)
我:「你沖咗涼未呀?」
表妹:「未呀...」
我:「咁快d去沖涼啦,我都要去沖」
表妹:「我仲想傾多陣
![](https://lihkg.com/assets/emojis/1f623.png)
我:「唔得,你聽朝要返學架。最多等陣沖完涼,我地再傾多一陣,但一陣好啦」
表妹:「喔~收到,而家即刻去沖
![](https://lihkg.com/assets/emojis/1f618.png)
我出返廳,老豆入返房,老母都沖完涼入咗房,所以我都拿拿林去沖個涼先。我沖涼好快,唔洗10分鐘就ko,而我都知道表妹無咁快沖完涼,所以先打陣機等佢。過咗半個鐘後,我就拎起電話whatsapp表妹:「沖完未!」
我問完後,我電話即刻響
表妹用無辜既語氣講:「我岩岩先沖完吹完頭炸...」
我:「我等你等到差d訓著咗」
表妹:「咩wo,女仔沖涼係慢d架嘛」
我:「係既係既」
表妹:「哼!係啦,老公~我地黎緊既星期六再出去拍拖好唔好呀」
我:「好呀,你有無邊到係想去嘛」
表妹:「我仲未去過迪士尼...不如我地去囉?」
我:「要我帶你去都得,不過你要應承我一樣野先」
表妹:「咩野呀?」
我:「就係早d去訓」
表妹開心咁講:「嘻嘻,呢個簡單啦,我即刻就去訓」
表妹:「咁你聽日會唔會送我返學呀?」
我:「好呀,我7點半係你樓下等你」
表妹:「好~咁...老公,早抖」
我:「早抖~」
因為聽朝早有堂,本身我都要早d訓,加上聽朝又要送表妹,所以傾完電話,我都攤上床訓。
星期一
送完表妹返學後,我都搭地鐵出去返學。一入課室就已經見Kelvin 同Michelle兩個坐咗係到,但兩個人好像無咩野講咁,所以我行過去:「早晨呀Kelvin、Michelle」
Kelvin、Michelle:「早晨阿明」
嘩...今日Michelle係著住黑色連身短裙再配透肉黑絲,唔怪之得kelvin坐係Michelle隔離變咗成碌木咁啦。毒L比個靚女坐隔離,好緊張架嘛,仲要著成咁,所以Kelvin咁既樣,我可以理解既。
之後我都坐咗落Michelle隔離,換言之,Michelle就坐咗係我同Kelvin 中間。我坐低後,終於明白點解Kelvin會咁啦,因為短裙黑絲真係好有魔力,由其係坐到咁近,個頭dup小小就會望到,成個眼球完全被攝住咁樣...咁搞法...點上堂呀!