我和表妹的禁忌之戀: 第二部-第八章：為讀而讀

返到屋企後，老母一見到我返黎就問：「幫婷婷補成點呀？」

阿明心虛咁講：「幾...幾好呀，有進步」，溫書溫到上床既我...緊係心虛。

老母：「你自己都要抽多d時間讀書，AL炒左唔緊要，最緊要宜家比心機d讀好佢。由細睇到你大果個芳姨個仔呀，上年一樣係讀副學士升返上大學。阿明你本身成績就唔錯，阿媽信係得架！」

其實自從AL衰左，我對讀書已經好失望，讀左咁耐書，臨門一腳...唉，其實都係怪自已唔爭氣。果時考完，一來阿媽要我繼續讀，二來我又諗唔到以後做咩，所以放榜日拎完成績單既我就同fd去左某學校asso，求其望一望簡左一科填表報名，之後就係咁入左asso讀tourism。宜家岩岩先開sem無耐，我都未完全捉摸到asso既玩法，呢一刻我點會有信心咁答老母話：「無問題，我實可以上返大學既！」

阿明：「阿媽，我知架啦」



老母：「知就好，係咪同表妹去食左飯啦？」

阿明：「係呀，食左啦」

老母：「咁阿媽煮返熱d湯拎碗比你飲」

阿明：「喔，我入房先，你整好叫我就得」

阿媽其實對我抱有好大期望，但我宜家咁...唉。



入到房後，我第一時間whatsapp表妹：「我返到屋企啦」

表妹：「做咩遲成10分鐘先返到屋企！講！去左邊！」

阿明：「無呀...頭先返到屋企比你二姨捉住我哦左一陣」

表妹：「係咪又講讀書既事呀？」

阿明：「係呀，都係煩呢樣」



表妹：「我信你得架！」
「你以前讀書咁勁，實可以讀返上去架！」

阿明：「我自己都唔知得唔得」

表妹：「無論點都好，我實會陪住你」

睇到呢一句，真係甜上心。

老母敲左我房門兩下：「阿明，出黎飲湯啦」

阿明應返老母：「喔，知啦，轉頭出黎」

應完老母後，我拎住部手機出廳飲湯，然後繼續覆表妹：「知啦，你聽朝仲要返學，早d訓呀！」



表妹：「想同你傾左陣計先再訓」

阿明：「我媽叫我飲湯，我飲完湯返房打比你傾一陣」

表妹：「好呀」

飲完湯後，我就返咗入房打比表妹傾陣電話，但因為佢聽朝要早起返學，所以我好快就趕佢去訓。

阿明：「差唔多啦，要訓啦你」

表妹：「哦...知啦，咁我訓架啦...」

阿明：「嗯，快點訓啦」

收左線後，我攤咗係張床到，我係到諗今日所發生既事。同表妹咩左，破左佢處，表兄妹既身份瞬間轉變咗男女朋友關係，呢一切都好似發生得好突然。



究竟之後我地會點？我同表妹係埋一齊，我真係可以比到幸福佢？學業既問題同兩家人既關係，我相信都係呢一個都係我地兩個以後既阻礙...所以我都唔知我今日做既野究竟係岩定係錯。就咁諗諗下，我訓著左...

第二日訓醒已經九點幾，打開手機見到表妹一早就whatsapp我。

表妹：「你一定實仲訓緊架！

「我知道你今日淨係得一堂架炸，11點半到1點半！所以今日你要黎我學校接我放學！知道無？」

表妹既性格我一清二楚，所以今日一定係要去接佢放學。我落床刷牙洗面後，就落街食個早餐就返學去。