我和表妹的禁忌之戀: 第二部-第七章：幸福

落到街，我同表妹十指緊扣咁拖住手行街搵野食，表妹同時將頭挨落我膊頭咁行，而且露左一副好開心、好幸福既樣。其實我唔知我同表妹既關係可唔可以一直好似咁樣維持落去，但呢一刻，我望住表妹咁幸福開心既樣，我已經覺得好滿足。

表妹突然問：「表哥，你係咪只會鍾意我一個？」

阿明：「咁當然啦，淨鍾意你一個」

表妹：「嘻嘻，除左我，你唔可以鍾意第二個架！」

表妹繼續問：「咁我係咪你第一個女朋友呀？」



阿明：「傻妹，你成日痴到我實一實，我之前有無女朋友你實知架，所以你話呢？」

表妹扮嬲咁講：「哼！你話邊個傻？」

阿明：「傻妹...緊係話你啦」

表妹：「哼，你又蝦我啦，我唔理你架啦！」

我同表妹由細玩到大，所以表妹係咩性格，我當然知，所以我好故意咁講：「喔，咁唔好理我啦，但你唔好唔記得asso入面有好多靚女架wo」



表妹聽完有小小嬲，跟住好緊張咁講：「唔得呀！表哥係我架！我實會痴到你實一實，唔會比果d妖魔鬼怪接近你，我會趕走晒佢地！哼！」

表妹扁一扁嘴：「人地都只係想聽到你親口講...」

阿明：「傻妹，你係我梁家明第一個女朋友！咁得未？」

表妹開心咁講：「嘻嘻，你以後都只會係屬於我一個既，我唔會比d妖魔鬼怪接近你～」

睇到表妹講呢段話既果個表情，我覺得表妹真係好好笑同好可愛。而我當然都知表妹岩先講呢番說話其實係認真咁樣講，我表妹就係咁天真咁可愛...。



之後我地兩個是但搵左間西餐廳坐企低食，食完飯後，我再同表妹行多陣街後就送佢返到樓下。

行到樓下後，表妹：「我到啦，你唔洗送我上樓啦～」

本黎我係想送埋表妹上樓，換著平時，我實會送埋佢到屋企門口，但唔知點解呢一刻突然會好驚會撞到細姨姨丈，可能...可能我心墟啦。

走之前，表妹錫左我一啖，然後我睇住表妹入左大堂大門後，我轉身就走。要走果時，手機就響左一下whatsapp通知聲，我一打開睇：

表妹：「返到屋企記得要同我講聲呀 唔準唔覆！」

阿明：「知道啦」

唔知點解，收到表妹呢條訊息，我突然覺得好幸福。

表妹示意圖：