荒島日記（新手、後宮甜）（不定期更新）: 郵輪.一

郵輪後面突然出現咗一架小木船，小木船上企著一個中年婦人，佢不斷對著進一揮手。
「進一？進一？你終於返嚟喇？你知唔知我地有幾擔心你。」

進一見到中年婦人後便揮手大嗌。
「霞姨！哦哈喲！」

中年霞婦人走上沙灘後，便緊緊攬著進一，而進一亦攬住佢。
「衰仔，你唔見咗，你阿媽如果醒返，你要我地點樣交代啊？」

進一在中年霞婦人懷中道歉。


「哥咩那西⋯」

我地見甲板上嘅大媽收起弓箭，便走出叢林，走到進一身邊。

佢地兩人緊緊擁抱接近成分鐘，中年霞婦人才察覺到企係進一身後嘅我地。
「er？你地係？」

進一高興地回答。
「陀魔搭絲。」




由於架小木船載人能力有限，我地就分批坐小木船上郵輪。

送曬所有女仔都坐上小木船上郵輪後，終於到我地男仔坐小木船。

我、肥佬陳、獅子狗、光頭佬、肥豬劉同埋文健六人上船，由於達叔係病患者，所以就第一時間被送上小木船上郵輪。

負責划船嘅阿伯見到我地六人上船後，雙眼瞪得異常地大。

獅子狗看了划船阿伯一眼。


「有事？」

划船阿伯低頭無講嘢，然後開始揮動手中嘅船槳划了成分鐘，但架船依然原地不動，肥佬陳看一看架船與沙灘嘅距離
「老伯，你今天是不是沒吃早餐？」

划船阿伯聽到肥佬陳嘅說話後，咬緊牙拼命地划船，但小木船只係郁動咗小小，與郵輪仍然有好大段距離。

見划船阿伯滿頭大汗並且不斷喘氣，獅子狗便奪走船槳。
「等我嚟喇。」

獅子狗快速地划船，無幾耐我地就已經到咗郵輪嘅背後，划船阿伯指著郵輪背面下嘅一個大約四米大嘅黑窟窿。
「入去個到。」

於是我地便入到郵輪下嘅黑窟窿裡面，我望一望黑窟窿嘅周圍，黑窟窿裡面都幾大，不過完全漆黑一片，周圍都係燒焦嘅痕跡。



睇黑窟窿嘅內部結構，應該以前係郵輪擺放大型重要貨物嘅地方裡。

在黑窟窿裡走了幾步便爬上木梯，便見到有個大媽企係門前，大媽望了我地幾眼後便俾我地進入郵輪內部。

走過長長嘅走廊盡頭，然後再上了數層樓梯，我地終於走到郵輪嘅一樓大堂。

陽光透過郵輪頂部嘅大玻璃照射落嚟，再加上周圍不少地方用鏡面折射陽光，令郵輪內部十分光猛。


不過令我最驚訝嘅係⋯


「埋嚟睇埋嚟揀。」
一個婦人坐係大堂嘅一處，旁邊擺放著不少衣物在地上。



「啱嘅話可以傾吓價錢。」
依個女人嘅攤位係賣釣魚工具。

「補充營養所需。」
而依個攤位嘅大媽係賣水盆中嘅海帶。

我環顧四週，個大堂有大大小小十幾個攤位，啲攤位好有秩序地擺放。

突然有人篤我背隻，我回頭望，便見到有個猥瑣嘅老伯企係我背後。
「後生仔，有無需要？」
老伯猥瑣地笑著，然後慢慢抬起佢手上嘅雜誌。

係龍虎豹⋯

老伯見我不為所動，於是指著自己嘅攤位上嘅擺放嘅書籍說著。


「唔啱睇？我仲有好多本，有寫真集、成人漫畫書等等，總有一本啱你心水。」

「啊⋯依本咪就係MTSP Jin老師嘅《橘子家與男性的事》⋯竟然會係到見到⋯」
肥豬劉走到老伯攤位拎起其中一本漫畫有些激動地說到。

猥瑣老伯立即衝返去招呼肥豬劉。
「識貨喎後生仔，我都好鐘意依本漫畫書，依家得返一本，有無興趣買返去睇？」

一個戴著眼鏡約三十歲嘅男人走到我地面前，佢望咗我地數秒後。
「你地幾個跟我上嚟。」

於是我地幾個跟住眼鏡男上咗五層樓梯，嚟到五樓其中一間房，眼鏡男打開門，便見到營地嘅眾人係曬裡面。

「學東哥。」
「大陸仔。」


三女見到我後便走過嚟我身邊。

眾人對於可以返到雅典娜女神號便不斷討論紛紛，成間房嘈到不得了。

「嗯哼！大家靜一靜！」

眾人終於安靜起嚟，然後紛紛望去聲音嘅方向，一個穿著整齊制服嘅男人企係眾人面前。
「歡迎大家返返嚟雅典娜女神號，我係雅典娜女神號之前嘅保安主管，依家係郵輪嘅最高話事人，你地可以叫我做子傑。」

「你好。」
眾人禮貌地回應主管子傑。

主管子傑走回到大班檯。
「你地嘅情況進一已經同我講咗，確認你地唔係之前襲擊我地個班人，好高興見到大家。」

唔係講笑，依個男人講嘢俾人嘅感覺特別有威嚴，令我地發自內心地尊敬佢，聽從佢嘅說話和命令，簡直係領導之才。

同肥佬陳嘅領導能力簡直係天壤之別。獅子狗嘅係威嚇，所以更加唔洗講。

「我會安排你地入住嘅房間，但離開之前，我想知道你地嘅一啲資料。」
說罷，主管子傑便從櫃檯裡攞出紙和筆。

「乜嘢資料？」

主管子傑微笑地說到。
「我想知道你地有咩特殊技能，依家我地遇難被困係無人島，而郵輪就係我地嘅社區，我需要一班有特殊技能嘅人支撐社區嘅正常運作同服務。」

就剛才所看，郵輪上此刻由於一個小型社區，每個人都在擔當唔同嘅職位，嚟維持社區正常運作同服務。

主管子傑繼續說到。
「當然，你地係郵輪擔任某個有用嘅特殊技能嘅職位，我會俾你工作應得嘅糧票作為人工，糧票可以去二樓嘅飯堂換取食物。」

一個營地嘅婦人舉手。
「我之前係髮型師。」

一個女仔亦舉手。
「我之前學過整麵包。」

主管子傑好用心地一邊聽著，一邊用紙筆記下眾人所講嘅技能。

「我係醫生嚟，我有醫生執照。」
藍醫生舉手說到。

主管子傑聽到後非常高興，然後便企起身同藍醫生握手。
「原來你就係醫生，你好你好，我地郵輪依家好需要有個醫生係到，以後就麻煩曬你。」

同藍醫生好好打完招呼後，主管子傑再次坐低記下眾人嘅技能。

「我之前有擺過占卜攤。」
蓬頭散髮嘅女仔說著。

主管子傑聽完後有些無奈，但仍記下係紙上，直到四眼妹舉手。
「我家族世世代代係殯儀行業，你要基督徒儀式定係華人傳統儀式我都學過。」

主管子傑聽完後驚訝咁望住四眼妹，四眼妹立即托著眼鏡望返佢，主管子傑立即得低頭繼續用筆記下。

最後，藍醫生同幾個以前做過飲食行業嘅女人得到工作職位，每日可以得到應得嘅糧票，而剩餘其他人需要再找工作。

「我抗議啊！佢睇唔起殯儀行業啊！我抗議啊！我抗唔唔⋯」
四眼妹對於職業得不到重視而嘈著，而佢嘅女伴便拉扯並按住四眼妹嘅嘴巴，然後尷尬地向主管子傑致歉。



待續