荒島日記（新手、後宮甜）（不定期更新）: 再見.七

我地望住此刻嘅畫面驚訝不已。

「這是夢嗎？怎麼郵輪在這⋯啊啊⋯疼啊⋯我不是在做夢⋯」
肥佬陳打了自己一巴，確定自己並唔係發咁夢。

「雅典娜女神號⋯」
眾人看著海上遭攔腰折斷而剩下一半嘅雅典娜女神號郵輪。

「睇嚟我地個一半沈沒係大海，而依一半就好幸運咁隨住海浪而擱淺係依到。」
藍醫生說到。



「係啊係啊～」
光頭佬和應著。

秘書Lily摸著進一個頭。
「想不到進一所說居住的地方，竟然會是雅典娜女神號。」

「走，我們快點下山去看看。」
說罷，肥佬陳便飛奔起嚟。



眾人亦和肥佬陳一樣，看完雅典娜女神號變得興奮起嚟，原本嘅疲倦消失的無影無蹤。

突然肥佬陳轉身對住眾人，興奮舉起拳頭說到。
「我們快點下去，然後好好的休息！大家說好不好？」

「好！」
眾人和應著。

肥佬陳笑容滿面的點點頭。
「出發！」



數分鐘後。

「呵⋯呵⋯不是很近的嗎⋯為什麼我們還沒到⋯」
在隊尾嘅肥佬陳喘著大氣說到。

我都估到肥佬陳嘅興奮唔回撐得幾耐，咁快就打回原形。

無論肥佬陳停低幾多次，秘書Lily都會係佢身邊。
「加油啊陳總，我們快下山了，再走完這片叢林，我們就到沙灘了。」

肥佬陳瞬間苦臉。
「還要走過叢林⋯我要不行了⋯」

「啊！！！」


走在最前嘅文健突然又大嗌著，將周圍嘅人嚇咗一跳。

唔少人不滿地抱怨著。
「想點啊？成日無喇喇大叫！」
「就是，嚇得我快心臟病發了⋯」
「嚇死人他賠命嗎？」

文健擰轉面滿頭大汗地說。
「大家⋯我想起⋯前日我係依個叢林⋯遇到隻大野豬⋯」

咁我終於明白文健條粉腸點解會係山上嘅大樹上喇，肯定係叢林到遇到隻野豬，然後俾隻野豬追趕到山上。

眾人回憶起野豬嘅破壞力後緊張地吞下口水，獅子狗同肥豬劉亦從背後拎出長矛。

雪兒亦握著弓箭緊張地四圍望，而四眼妹等人走到我身邊。



提心吊膽嘅眾人在叢林裡慢慢咁行，留意著周圍草叢有無動靜，生怕隻大野豬會突然跑出嚟。

「咩嚟⋯啊！！！」
文健成個人突然快速被倒吊起樹上。

眾人驚訝咁望住被吊起嘅文健，我抬頭看去，文健其中一隻腳俾樹藤纏繞綑綁而吊起。
「依啲係⋯陷阱嚟⋯」

獅子狗爬上樹上，然後用刀割斷吊起文健嘅樹藤，文健隨即跌返落地。

「啲陷阱係用嚟捉動物？」
藍醫生問到。

「應該係，睇嚟依片叢林應該會有好多依類嘅陷阱，大家要小心啲。」


獅子狗講完，隻手便伸向嘉雯嘅腰部，嘉雯立即擰轉面。

「藍醫生～我保護你～」
光頭佬行係藍醫生目前。

我向著三女說到。
「我地靠近咁行。」

三女聽到後點一點頭，便緊貼住我一齊行。

於是我地小心翼翼咁行咗差唔多半個鐘，終於見到叢林外嘅沙灘。

「陳總，你看，前面就是沙灘了。」
秘書Lily指著沙灘嘅方向。



「我們終於⋯不用再日夜趕路了⋯終於可以好好的睡一覺了⋯」
肥佬陳感動到就快落淚。

四眼妹托一托副眼鏡注視著。
「你地快啲睇吓！郵輪上有幾個人係到行嚟行去。」

我望過去，見到郵輪嘅甲板上，有幾個大媽係到走嚟走去。

就快到達沙灘時，文健突然停下腳步。
「大家⋯我之前差啲俾佢地嘅弓箭射到⋯」
文健指著沙灘上數枝箭。

睇嚟郵輪上嘅人對其他人好有戒心。

「咁係因為你生得樣衰姐。」
肥豬劉對著文健嘲笑一輪，然後便獨自一個走出叢林。

「雀多嗎嗲！」
進一見肥豬劉走出叢林，便大嗌著。

但肥豬劉沒有理會進一嘅說話，在沙灘上邊行邊對著郵輪甲板上嘅大媽們大叫大嗌。
「喂！喂！喂！」

郵輪甲板上嘅大媽們見到沙灘上出現肥豬劉嘅身影後，立即敲起放在旁邊嘅銅鑼，發出敲打金屬嘅響聲。

肥豬劉一臉得意地回望文健。
「你睇，我都話⋯⋯」

瞬間甲板上多咗幾個大媽，全部大媽望住沙灘上嘅肥豬劉，然後拎出弓箭，對著肥豬劉連發數箭。

嗖！嗖！嗖！

數枝箭快速飛向肥豬劉，肥豬劉嚇到拼命跑返嚟。

肥豬劉喘著氣，然後回頭看自己背後嘅竹籃插著箭。
「我差啲死係佢地嘅亂箭之下⋯」

進一走出叢林，向著郵輪上嘅大媽不斷地揮手。
「哦哈喲！！哦霸山！！」

大媽見到係進一後，立即吹著身上嘅哨子。

嗶！！！



待續