荒島日記（新手、後宮甜）（不定期更新）: 尋仇.八

「你地快啲救我大佬興啊⋯大佬興頭先咁幫你地⋯」
稀疏男帶著哭腔說，指著正在正在奮力對抗黑熊嘅光頭佬。

黑熊不斷對光頭佬張牙舞爪，光頭佬不斷躲避著，不時跑到樹後，用樹去隔擋不斷追擊嘅黑熊。

黑熊好似發了瘋一樣，明知觸碰唔到光頭佬，仍對著光頭佬方向，在空中揮拳拍打，在周圍嘅樹上留下一條條好深嘅熊爪痕跡。

「你地快啲想辦法！」
看著開始喘氣嘅光頭佬，稀疏男著急地催著我地三個。



四眼妹對著稀疏男講。
「我地仲有咩方法⋯大陸仔傷成咁，個位又暈咗係到，依家我地根本無能力無辦法去對付隻黑熊⋯」

「唔可以眼白白睇住大佬興死㗎！」
稀疏男激動地捉緊四眼妹膊頭，搞到四眼妹膊頭疼痛。
「喂⋯痛啊⋯你快啲放手⋯」

達叔見到後就勸著稀疏男。
「喂，你冷靜啲⋯」



「冷靜？我大佬興就嚟俾隻熊咬死！你叫我點樣冷靜啊！」
稀疏男用力推開達叔，雙眼通紅地望住我地三個。

「我地都唔想㗎⋯」
四眼妹低下頭嘆氣。

「如果你地救唔到我大佬興！我都要你地一齊死！一齊陪葬！」
稀疏男已經激動到進入瘋癲嘅狀態。

我望住稀疏男，想起今朝早嘅時候，係佢身上聞到一股強烈氣味。


「我有方法去對付佢。」

「乜嘢方法？」
達叔同四眼妹望住我，稀疏男聽到我話有方法後都解除瘋癲狀態，等待我嘅回答。

「喂，你將你件衫暗格收埋嘅嘢俾我。」
我望住稀疏男，再望到稀疏男件衫到。

稀疏男模一模件衫嘅暗格，然後抱緊自己身體。
「件衫暗格⋯喂！各啲係我私人嘢！做咩要交出嚟俾你！」

「咁你想唔想救返你大佬啊？如果你想救返佢嘅話，你就乖乖地交出嚟。」
我把手遞到稀疏男面前，示意稀疏男快快交出件衫暗格嘅物品。

稀疏男猶豫咗一陣，聽到黑熊再次發出咆哮嘅聲音後，便立即乖乖地把衣服暗格裡嘅東西取出，交到我手上。


「我隻手傷咗⋯無辦法完成到，等陣就要靠達叔你去救佢。」

達叔驚訝地指向自己，然後揮手說。
「我？我點得啊？我唔得㗎⋯」

我鄙視咁望住軟弱嘅達叔。
「你唔得，唔通要身為女仔嘅四眼妹去啊？」

達叔望了我一眼後，佢就同四眼妹同時望向企係一旁嘅稀疏男，我立即搖頭嘆息。
「佢就更加唔得⋯佢仲細膽過你。」

稀疏男聽到我係到話佢細膽，於是不爽地問我。
「你話邊個細膽？」

我無理稀疏男，繼續講我嘅計畫。


「佢如果去救，我驚佢太過激動，做唔到我所講嘅指令，而且依個計畫，目前得達叔你一個可以完成到！其他人都無辦法可以完成到！」

「吓？得⋯得我一個做到？」
達叔有些受寵若驚，然後望了一眼一旁嘅四眼妹同稀疏男。

「係！就得你一個！」
我好誠懇地望住達叔。

達叔細聲問。
「咁⋯咁點樣做？」

我舉起食指說到。
「跳舞，你要係隻熊面前跳舞！」

「跳舞！！！」


聽到我講跳舞依兩隻字，佢地三個激動到原地跳起大嗌。

「係。」
我點點頭表示。

達叔激動地捉緊我。
「東哥！你唔係講笑啊嘛！你叫我係隻熊面前跳舞？」

「大陸仔，你唔會撞傷咗個腦掛？」
四眼妹細心觸摸我嘅頭骨，檢查我是否有頭部受傷。

稀疏男推開達叔同四眼妹，然後指著我一臉不服地說。
「喂！𡃁仔！你即係講我唔識跳舞姐！」

四眼妹推開稀疏男到一邊。


「你識唔識跳舞唔係重點囉⋯」

達叔走過嚟，繼續激動地捉住我，眼淚同鼻涕開始忍唔住流下。
「東哥⋯你唔會唔記得咗我曾經係學校跳舞俾人笑嘅事掛⋯你依家仲叫我跳舞⋯仲要係隻熊面前跳舞⋯」

我拍一拍達叔嘅膊頭，希望達叔可以冷靜返落嚟。
「達叔，聽我講，只有你嘅舞蹈，先可以救到光頭佬，救到大家。」



待續