荒島日記（新手、後宮甜）（不定期更新）: 孤獨

地點：荒島某叢林深處



夜黑風高，叢林裡瀰漫著濃濃嘅危險氣息，有個人獨自係叢林嘅某處中休息，唯一陪伴佢嘅係面前嘅炭火。

佢戴住個鮮紅色嘅魔鬼面具，係陰森嘅叢林同炭火嘅火光襯托下，顯得十分恐怖。

佢啱啱食完帶來嘅罐頭食物，此刻躺在地上，以背包作枕頭，取著炭火的溫暖準備入睡。



荒島上嘅風從叢林中穿梭產生如鬼叫般的聲音，使人難以入睡，面具男強忍著聲音，緊緊閉著眼睛。

突然附近嘅草叢傳嚟詭異嘅聲音，面具男立即坐起身，佢深知草叢裡嘅聲音同一直聽到嘅風聲完全不同。

佢環顧四週，細心咁觀察周圍草叢嘅動機，但附近嘅草叢無再發出詭異嘅聲音，觀察咗兩分鐘，仍然沒有動靜。

難道聽錯？
面具人見草叢依然沒有動靜，便認為係自己呆在叢林裡太耐，令到自己產生了幻聽。

面具男立即鬆了口氣。


「何も起こらなかった。」

正當面具男放鬆心情而躺下嘅時候，草叢裡跳出三個黑影出嚟，面具男立即緊張地蹲下身，雙眼緊盯著三個黑影嘅方向。

三個黑影見到眼前不遠嘅面具男，發出如嬰兒哭泣嘅聲音，令在場嘅面具男毛骨悚然，面具男吞下一啖口水，隻手慢慢伸到背後，慢慢摸到地面。

「なに？」

三個黑影終於從陰暗嘅叢林裡走出，炭火火光照亮佢地，依三個黑影，係較為瘦小嘅鬣狗，應該係啱啱成年無幾耐出嚟捕獵嘅新丁。



望到眼前嘅炭火，亦望到面具男面上嘅猙獰恐怖面具，但佢地無因此而嚇到掉頭逃跑，反而慢慢咁靠近過嚟。

不斷流著口水嘅三隻鬣狗，似乎已經挨餓咗一排，佢地已經餓到忘記恐懼，完全唔驚眼前嘅火焰，亦唔怕眼前戴著魔鬼面具嘅人，繼續一步步咁靠近過去。

面具男一直以蹲下嘅姿勢望住三隻鬣狗，見鬣狗一步步靠近，面具男額頭開始流出冷汗，知道依一場大戰就要來臨，於是佢由蹲下嘅姿勢轉變成起跑嘅姿勢。

嗚！

其中一隻鬣狗已經忍唔住衝上前，然後一嘢飛撲到面具人方向，另外兩隻見到同伴已經衝上前，遲鈍咗三秒先跟埋上嚟。

哧

突然有舊物件拋向跟上嚟嘅兩隻鬣狗，兩隻鬣狗左右一避，物件跌係佢地兩個中間，兩隻鬣狗靠近睇下，發現跌係地上嘅物件竟然係衝上最前嘅鬣狗頭顱。

兩隻鬣狗立即嚇咗一跳，佢地立即望返前方，死去同伴嘅身軀倒在最前，而前方嘅面具人仍然係起跑嘅姿勢係原地，只不過佢隻右手此刻舉起，手裡握著一把長長嘅武士刀。



雪白的武士刀上，只沾有微量嘅血跡，應該係剛才斬鬣狗嘅速度太快，使刀身接觸鬣狗身軀嘅時間太短，血液無辦法黏上刀身上。

鋒利嘅武士刀令到兩隻鬣狗緊張地退後一步，但在野外覓食咗數日嘅佢地，飢餓感好快令佢地鼓起勇氣，死去同伴嘅鮮血味，激發佢地狩獵嘅本能，

兩隻鬣狗靜靜地等待時機，希望以衝上前一瞬間殺死面具男。

面具男見眼前兩隻鬣狗沒有離開，佢慢慢放低隻右手，繼續以起跑嘅姿勢同鬣狗互相對望。

突然，其中一隻鬣狗以面具人為中心，開始從一旁嘅叢林慢慢走到另一邊，而另一隻鬣狗原地咁望住面具人，面具人無郁動身體，一直用餘光望走向佢背後嘅鬣狗。

「前後囲まれる？」
面具男緊緊地捉實刀柄同刀鞘。

面具男無想過鬣狗會用到前後包抄嚟包圍住佢，睇嚟鬣狗依啲動物聰明才智唔可以睇小。



眼前嘅鬣狗吐著舌頭急促地呼吸，口水不斷從嘴中流出，突然躺訓係地上，用背隻不斷磨擦地面，見到咁嘅情況，面具男感到奇怪，但無因此而放鬆，就係依個時候，面具男背後傳嚟奔跑嘅聲音。

鬣狗竟然一個做戲一個玩偷襲！

面具男快速跳向一邊，然後佢擰頭一望，見到背後嘅鬣狗此刻在空中準備著落，面具男立刻以迅雷不及掩耳嘅速度揮刀，一嘢斬向空中嘅鬣狗。

鬣狗慘叫一聲後跌倒在一旁，頸部俾面具男斬出一條極深嘅傷口，傷口係大動脈位置，因此不斷咁噴出鮮血，灰綠色嘅地面瞬間被染紅。

剩餘嘅鬣狗趁面具男仍然注視著倒下嘅同伴，快速跑過嚟偷襲面具男，對佢張牙舞爪，面具男再次揮舞手中嘅武士刀，以一刀直入嘅方式刺向鬣狗。

奔跑中鬣狗立即煞停腳步，但已經太遲，長長嘅武士刀已深深插入鬣狗嘅口中，鬣狗個口隨即噴出大量鮮血，然後訓係地上抽搐。

面具男抽出把武士刀，然後向地上抽搐嘅鬣狗補刀，讓鬣狗唔洗痛苦地等待死亡。





待續