荒島日記（新手、後宮甜）（不定期更新）: 靜夜（12月26短更3篇）

夜色寧靜，臨時居住地上，火堆火光照耀著周邊嘅叢林，所有人圍著火堆，並且有兩人負責守夜，才安心地與周公下棋。

我瞪大雙眼，希望眼睛快啲適應周圍環境嘅光暗度，今日一食完晚飯嘅時候，我就走到一旁訓教，三女同達叔佢地以為我因內傷而容易攰，所以並無懷疑我。

三女同我係靠近一棵大樹休息，佢地三個已經係我旁邊正在熟睡中，而達叔同四眼妹一家，分別係我前方嘅左右面，如門神咁保護我地四人。

此時，有人緩緩起身，佢望一望守夜二人，確認沒有望到佢後，便小心翼翼咁躲在一邊，然後走入叢林裡面。

而另一邊，亦有人緩緩起身，看見有人進入叢林中後，便躲過守夜二人嘅視線，快速地走入叢林裡。



見兩人都走進同一方向嘅叢林中，我都快速起身離開此處，進入叢林裡一探究竟。

由於不想造成聲音俾叢林裡的二人發現，所以我腳步十分緩慢，避免踩爛枯木造成咔嚓聲驚動二人。

走了近五分鐘，仍然見唔到二人嘅蹤影，夜晚嘅叢林十分危險，佢地兩個行到咁入，真係唔驚會遇到覓食嘅猛獸？定係我跟甩咗⋯

我不斷周圍望，尋找二人有無留下蹤影，終於係附近嘅棵樹見到留低嘅記號！

我地連日趕路而留低嘅記號，一一都係打個交叉「X」係樹上，而依家我係樹上見到嘅記號，係兩橫並排形成「二」字，走上前幾棵樹亦見到「二」字，所以我好肯定，依個記號係佢地兩個留低。



跟住「二」依個記號，我諗應該會見到佢地兩人。

我走了近兩分鐘，我係前方一棵樹上，見到「二」字記號外，亦見到另一個十分熟悉嘅記號，「H」⋯

依個記號，係我同達叔四眼妹三人去打獵嘅時候留低嘅，依家卻同二人嘅記號「二」並排一齊，前面數棵樹都留下兩個記號，我知佢地兩個依家要去邊到⋯

係河流⋯⋯

我沿住自己嘅記號，快速地走向河流方向，已經唔再擔心踩爛枯木而發出嘅聲音，河流流水聲絕對可以遮蓋其他聲音。



走了接近二百步，終於嚟到河流邊，我躲係其他一棵大樹後面蹲下，望向河邊，尋找失去蹤影嘅二人，但河流兩邊，除咗漆黑嘅叢林外，什麼人都不見。

今晚月光皎潔明亮，天上一片烏雲都無，但對於河道兩邊密密麻麻嘅叢林，仍然係無法照亮。

究竟二人走咗去邊呢？

我唯有沿著河流繼續搜索，突然係前面十米左右，有棵小樹上發現有衣物掛著，我唔敢走太前看，只能係一旁嘅叢林裡觀察，件掛係樹上嘅灰色衫有個好大嘅動物圖案。

係獅子狗件衫嚟，獅子狗先會鐘意依個牌子嘅衫褲。

獅子狗啲衫褲掛曬係到，咁獅子狗個人究竟係邊？

正當我望向四周尋找獅子狗嘅時候，河道裡傳嚟拍打水嘅聲音，我立刻望向河道，原本平靜河水突然變得翻滾，然後在水中央位置嘅河面突然冒出個黑色陰影。

嘩屌！係熊？



再望清楚啲，係獅子狗嚟，佢虎背熊腰嘅身形真係同隻黑熊十分相似。

獅子狗背對著我，佢一邊吹著口哨，一邊用手抹著身上每一處肌膚，可見獅子狗此刻係如此的開心，係河裡沖返個靚涼，然後就慢慢享受今晚嘅「美食」。

另外一個人係邊？都係河裡面？但我望周圍一圈，除咗獅子狗嘅衫褲外，都唔見有其他人嘅衫褲。

當我仲尋找另外一人嘅時候，獅子狗已經走上返岸邊，月光照在他的虎背熊腰上，肌肉發達嘅程度真係令我極度驚訝，如果真係要同佢打起身，我可以挨到幾耐⋯

回想當年幾個師兄係公園暗算佢，都俾佢以一敵幾全部打倒。

獅子狗用小手巾抹走身上嘅水珠，然後便著好條褲，慢慢走入叢林，我從後跟上，突然獅子狗走到其中一棵大樹下便停下腳步，佢左右望一望，我立即蹲下，好好地融入漆黑嘅環境。

「附近無野獸，你可以落嚟啦。」
獅子狗對著大樹上講。



「哦⋯好⋯」
然後大樹上伸出一條腿，佢個姿勢應該係想捉住樹幹慢慢落嚟。

獅子狗一直望住樹上，突然樹上嘅人踩空，直接從樹上跌落嚟，獅子狗張開雙手，穩穩地接住樹上跌落嚟嘅人，而跌落嚟嘅人，係秘書Lily。
「無事啊嘛？」

係獅子狗公主抱中嘅秘書Lily講。
「沒⋯沒事⋯」

Lily示意要落地，但獅子狗扮睇唔到，仍然抱住Lily。

「放我下來⋯」
Lily開口講，但獅子狗扮到聽唔到，並且慢慢得低頭準備嘴佢。



秘書Lily立即在獅子狗嘅公主抱中掙扎，雙腳不斷fing嚟fing去，並且用雙手擋住獅子狗個頭，令獅子狗無辦法錫佢。
「別⋯放我下來⋯」

睇嚟Lily仍然沒準備好「陪伴」獅子狗一晚。獅子狗無理會Lily，個頭用力壓下去，勢要強吻Lily。



待續