荒島日記（新手、後宮甜）（不定期更新）: 事情

隻黑熊敗走後，我地好快地整返好個火堆，開始擺定啲食物係旁邊，臨時居住地回復返平靜，除咗肥豬劉外。

「我老婆啊⋯小喬啊⋯」
肥豬劉一把鼻涕一把眼淚咁講，旁邊嘅肥豬劉女伴都眼濕濕地。

唔知點解，我覺得肥豬劉係假哭，感覺佢係喊俾其他女朋友睇。

我環顧四周，唔見肥佬陳同獅子狗嘅蹤影，佢地兩個同黑熊一樣，都消失的無影無蹤，不過唔見秘書Lily同嘉雯搵佢地兩人，咁佢地兩個應該係通知咗一聲後先會離開。

佢地兩人會唔會係盤算咁啲咩？不過算啦，唔理咁多。



其實我不斷望嚟望去，唔係為咗搵肥佬陳同獅子狗，而係搵⋯⋯er！原來係個到！

我慢慢咁走到臨時居住地其中一個角落，見到有個人捲縮係一邊，我見佢無反應，於是用腳輕輕觸碰佢。
「喂，唔好扮訓啊，文健。」

文健露出個龜頭望過嚟。
「大佬？」

「唔好叫我做大佬，我無做大佬好多年，你都係以前咁叫返我做大陸仔好啦。」



「大陸仔⋯搵我乜嘢事？」
文健好驚青咁問。

「我想知黑熊單嘢。」

「想知黑熊單嘢！咁係問我啦！！！」
肥豬劉係我同文健講嘢嘅時候，已經不知不覺地走到我背後。

文健見到肥豬劉後，立即驚慌地向後逃跑，肥豬劉一嘢拉住文健嘅手臂，然後手指用力按落去，文健即刻痛到無力跑。


「你個仆街！仲想走？」

「對唔住係我錯⋯唔好打我⋯對唔住⋯」
文健見無辦法逃跑後，便緊緊攬住肥豬劉隻右腳不斷求饒。

「好快啲放手！放手啊！」
肥豬劉係咁fing都fing唔開文健，於是想一拳打落文健個頭。

「住手！別打架！大家要團結！」
兩人嘅嘈吵聲太大，令秘書Lily都走埋嚟勸架。

肥豬劉聽到秘書Lily嘅說話後更加火滾。
「團結？佢害死我老婆！我今日就要打死佢個仆街！」

秘書Lily上前擋到，文健立刻快速甩開肥豬劉隻腳，躲係Lily背後攬住佢隻腳。


「別打別打！他可是陳總的人，不能亂打！你要告訴我事情到底是怎樣？」

「係囉，成件事究竟係點？」
我係一旁附和秘書Lily。

肥豬劉憤怒地一拳打落棵樹。
「件事係咁嘅⋯⋯」



獅子狗見仍然無法遇到獵物，於是決定分兩組人各自捕獵，而佢地抽籤決定後，文健就同咗肥豬劉佢地為一組。

一直都相安無事，佢地一路留記號，一路向陌生嘅地方前進，行咗十分鐘左右，佢地發現咗一條河，河水唔深，水質清澈，清晰可見河底嘅魚游過，咁肥豬劉就決定係河裡捕魚。

雖然河水好淺，但啲魚實在游得好快，係無裝備嘅情況下係好難捉到，但佢地行咗叢林咁耐，就淨係見到依條河有嘢可以醫飽佢地個肚，所以佢地繼續留係河到捕魚，而係佢地逗留咗二十分鐘嘅時候⋯⋯



「大家！我返嚟啦！」
大家望向聲音嘅方向，見到文健從河道另一邊行返嚟，而文健雙手環抱著，好似攬住啲乜嘢。

大家知文健捕獵水平如何，所以唔打算理會佢，文健逐漸接近佢地，雙手仍然環抱著，佢地開始好奇文健究竟搞咁咩，當文健到達佢地面前，佢地全部人感到驚訝。

因為文健雙手攬住嘅，係一條條灰黑色嘅魚，仲要條條都好大魚嚟，肥豬劉不敢相信自己雙眼，佢剛才已經領教過依啲魚，依啲魚游水快到好似子彈般，自己都捕捉唔到，文健更加無可能捉到。

「文健，啲魚⋯⋯」
肥豬劉走上前觸摸文健攬住個幾條魚，確認依幾條魚得確係佢捉唔到個啲魚嚟。

「我捉返嚟嘅！勁唔勁？」
文健好得戚咁講，眾人便發出驚訝嘅聲音，幾個女仔對住文健發出仰慕嘅眼神。

「係真唔係啊？」


肥豬劉唔係好相信文健可以捉到依啲魚。

文健見肥豬劉唔相信佢，於是嬲嬲地咁串返肥豬劉。
「唔信啊？依幾條魚真係我費盡力氣捉返嚟嘅，你呢？嘩！出咗嚟咁耐，你一條都捉唔到啊？有無咁廢啊？」

文健大笑著走到一邊，肥豬劉俾文健咁樣嘲笑搞到面紅耳赤，雙手緊握成拳頭，但自己一條都捉唔到，於是忍耐著，走返入河道捕捉。

肥豬劉一邊捉魚一邊想著文健手中個幾條魚，突然腦海中有某個畫面浮現，令肥豬劉停止郁動⋯

「點解⋯點解會有牙印⋯」
肥豬劉想返起文健攬住個幾條魚，其中兩條魚，有道好明顯嘅牙齒印，啲牙齒印深到可以見到透明魚肉。

肥豬劉走到係一旁休息嘅文健。
「文健！啲魚究竟係邊到得返嚟！！！」



文健鄙視咁望住肥豬劉。
「都話咗係捉返嚟！你唔信啊？好心你顧掂自己！俾啲心機去捉魚啦！小心餓死老婆瘟臭屋吖！」

文健嘅說話尖酸刻薄，令肥豬劉差啲忍唔住要出手打佢，正當肥豬劉走返去河裡捕魚嘅時候，便見到遠處有個巨大嘅身形望住佢地⋯⋯

肥豬劉雙眼一直望住遠處嘅身影，遠處嘅身影慢慢咁走過嚟，肥豬劉確認係咩動物後便感到不安⋯
「大家⋯跑⋯跑啊！！！」

與此同時，遠處嘅身影發出震耳欲聾嘅咆哮聲，然後加速跑過嚟⋯⋯



待續