荒島日記（新手、後宮甜）（不定期更新）: 控制

嗚嗚嗚！咔咔！

叢林裡充斥著各種各樣野獸嘅叫聲，周圍嘅樹木草叢在隨風飄搖，令人感到恐懼，深怕會係某個草叢裡跳出隻猛獸。

某人舉起著左手，看著腕錶裡嘅時間一分一秒過去，等咗唔知幾耐，佢便攞出個對講機。
「情況如何？」

數秒過後，對講機傳嚟聲音。
「報告上級！我們已經完全控制好這個土著部落！」



「好！」
聽到對講機對方嘅說話，某人才慢慢步入土著部落範圍。

看到迷彩軍人已經控制成個部落，部落裡一個個成年土著，都被迷彩軍人用繩索綑綁，無辦法反抗，而未成年嘅土著小朋友就被綁埋一齊，困係其中三個土著住嘅木屋裡面。

一個軍人走上前報告。
「報告中將！這裡成年人很少，而未成年人佔大比數，在成年人裡，男女比例失調，女性佔了一大半！我想是原始部落需要打獵，所以成年男性比例少！」

「不錯！」
然後中將係成年土著面前走了一圈，雙眼用鄙視嘅目光望住眾土著。



成年土著憤怒咁望住企係佢地面前嘅軍人，而未成年土著因突如其來嘅情況嚇到不斷尖叫哭泣。

「有沒有發現郵輪上的生還者？」
中將轉身對住個齙牙軍人問到。

「報告！沒有發現生還者！不過我在他們的住所裡找到一些東西！」
齙牙軍人揮一揮手，幾個軍人把一些物件遞到中將面前。

依啲物件係一堆衫褲、煮食用具、罐頭食物同工具等等。



「這些都是郵輪上乘客的，現在卻出現在這裡，我們剛來的時候，還看到他們在用鋸子鋸木頭呢！」
齙牙遞上手中嘅鋸子。

「現在審問一下他們，我們來的目的可是要找生還者的，大隻！就你來問！」
中將向後揮一揮手。

「是！」
突然其中一位軍人走上前，佢個身型係所有軍人中最大隻，佢用力捉住其中一個成年土著，將佢從人群中抽出到中間，所有土著見其中一個同伴被拉到中間，立刻靜曬落嚟，然後驚恐咁望住被拉出嘅同伴。

大隻軍人用粗壯嘅手臂捉住個土著。
「說！生還者到底在哪裡？」

土著不屑咁望了佢一眼，沒有回答個大隻佬軍人嘅問題。



軍人用力擰轉土著個頭對住自己，然後叫四眼軍人走上前嚟，打開手中部平板電腦。
「說，有沒有見過這些人！」

四眼軍人每隔幾秒就換一張相，而成年土著聚精會神咁望住軍人手中嘅電腦，因為平板電腦令佢感到好新奇。

轉著轉著，突然土著好驚訝咁望實平板電腦，四眼軍人立刻停止轉換其他相。
「說！你是不是認識他們？快說！」

成年土著無回答大隻佬軍人嘅問題，而係憤怒望住佢，大隻佬軍人連打佢數拳，令土著痛到跪係地上，大隻佬軍人用力拉扯土著嘅頭髮，逼使土著望住自己。

「說！到底有沒有見過他們？」
土著仍然無回答大隻佬軍人，大隻佬軍人知道從佢身上問唔到嘢，於是拉佢到遠處一邊，然後一槍殺咗成年土著。

一聲巨響，周圍樹木上棲息嘅鳥兒立刻飛走，而聽到槍聲同見到同伴死去後，其他成年土著嚇到顫抖，而有幾個軍人驚訝咁望住大隻佬軍人。
「大隻⋯你開槍幹嘛⋯」



「這些可是吃人族，沒必要留在世上。」
大隻佬軍人不屑咁望向部落其中一處堆滿人頭骨嘅位置。

大隻佬軍人再審問其他成年土著。
「說！是不是見過他們？是不是把他們給吃了？快說！」

第二第三第四個成年土著，都係驚訝咁望住平板電腦，但問題依然唔答，大隻佬軍人憤怒地將佢地一一殺死。

四眼軍人對於土著嘅寧死不屈感到疑惑。
「他們不說，是不是真的把生還者都給吃進肚子裡了？」

「如果是這樣的話，就直接把他們全都殺光好了。」
大隻佬軍人好冷淡咁講。



到咗第五個肥仔土著，一望到四眼軍人手上嘅平板電腦後，嘴裡即刻吐出嘰哩咕嚕嘅聲音，而其他成年土著見到肥仔土著講嘢後，發出好似猩猩般嘅吼叫聲。

「太好了，終於有個肯說話的！」
四眼軍人好興奮咁同大隻佬軍人講。

大隻佬軍人見肥仔土著肯講嘢，於是友好地搭住肥仔土著嘅膊頭。
「說，他們在哪裡？」

肥仔土著不斷發出嘰哩咕嚕嘅聲音，所有軍人都唔知佢講咩，四眼軍人靈機一觸，同大隻佬軍人講。
「語言不通，可以用肢體語言表達。」

大隻佬軍人鬆開肥仔土著嘅綑綁，等待肥仔土著肢體語言表達，點知肥仔土著只發出嘰哩咕嚕嘅聲同刺耳嘅尖叫聲，手腳完全無郁動。

四眼軍人好辛苦咁按住雙耳，個肥仔土著嗌下嗌下，包住佢下體嘅獸皮突然濕透，流出一股騷味嘅水。



在周圍嘅軍人忍唔住掩住個鼻。
「幹⋯原來是個低能兒⋯」

四眼軍人一臉嫌棄，然後直接當場掏出手槍，想對準肥仔土著個太陽穴開一槍。

啪！

一支長矛從遠處飛過嚟，直插入四眼軍人嘅胸膛，四眼軍人驚恐地捉住穿過心口嘅長矛，數秒後吐出鮮血，然後慘死係眾人面前。

「有敵人！有敵人！」
中將被眼前嘅畫面嚇到趴低，而其他軍人立刻舉起衝鋒槍，不斷咁望住周圍叢林，尋找支長矛嘅主人⋯⋯



待續