荒島日記（新手、後宮甜）（不定期更新）: 重遇
「嘩⋯狼⋯狼啊⋯」
達叔俾樹下既狼嚇到攬住樹幹。
慢慢聚集更多野狼，差唔多過百隻，佢地慢慢圍住一圈，將個幾隻鬣狗包圍，而個幾隻鬣狗無因為狼群既數量而嚇到發抖，反而更加興奮，口水不停咁流。
嗚！
突然狼群分開一邊，讓出一條路，而係依個時候，有一隻成身都係雪白色毛髮既狼慢慢咁走上前。
依隻⋯會唔會係⋯來福嚟？
「來福！來福！」
雪兒忍唔住大嗌。
所有狼聽到雪兒大嗌，即刻抬頭望我地三個既方向，原本雪白色毛髮既狼個樣非常猙獰，但一望到雪兒同我幾秒後，猙獰既面孔瞬間轉變成柴犬既招牌笑容。
真係來福嚟！
鬣狗見到狼群專注望住我地，於是用力撞開其中一邊既野狼，突圍而出，然後瘋狂咁跑向野豬逃跑既方向。
過左幾秒後，狼群先反應到鬣狗既舉動，才開始追住逃跑既鬣狗，留低來福自己一個係到，而來福仲係到傻笑咁，完全唔知自己既同伴已經跑走曬。
雪兒急不及待咁爬落棵樹，我亦都跟住爬落去，而來福即刻伸曬脷咁跑過嚟，然後一嘢將雪兒撲低到地上。
「啊！隻狼要咬死雪兒啊！死人啦！」
樹上既達叔以為來福要撲咬雪兒，嚇到佢如少女般尖叫。
「依隻狼係來福嚟，係我地以前養㗎。」
我回頭同達叔解釋。
「東哥⋯你睇下⋯」
達叔驚訝咁望住我，然後指住雪兒同來福個方向。
來福把雪兒壓係地上，不斷用舌頭舔雪兒塊面，下體壓下，不斷前後磨擦雪兒條長腿，但雪兒完全唔知俾來福侵犯咁，仍然樂在其中。
「唔好lam啦⋯好痕⋯哈哈，停啊，來福。」
雪兒一邊講一邊用手擋。
原本見到來福出現係好開心既，但見到佢對住雪兒大腿不斷磨擦，嬲到我即刻一腳踢開佢。
來福見到係我踢佢，就無繼續對雪兒動手動腳，而係走到我身邊，圍住我走左幾圈，然後用背隻不斷磨擦我既小腿，好似想我幫佢R痕。
達叔見到咁大隻野狼如小狗般向我討喜，確認來福唔會對佢有殺傷力後，亦都爬返落嚟。
難怪隻野豬王會喪跑，就算見到鬣狗都橫衝直撞，原來係俾一班狼群緊追住。
隻野豬王實在太肥美，夠依百隻狼食個半飽。
我用手幫來福掃一掃啲毛髮，來福好享受咁訓返低，條尾不斷左搖右擺，雪兒亦都坐低幫來福R痕。
雪兒一邊摸來福一邊講。
「來福比以前大隻左好多啊！」
「來福已經大過仔啊嘛。」
達叔望住我地兩個幫來福R痕，係到猶豫咁行唔行過嚟，觀察左我地半分鐘，便慢慢咁行過嚟。
原本躺係地上享受咁既來福，感覺到達叔既靠近後即刻彈起身，然後發狠咁望住達叔，嚇到達叔退後幾步。
我用手敲一敲來福個頭。
「唔好發惡，自己人嚟。」
來福便解除警戒狀態，再次躺返係地上要我地R痕，達叔鬆了一口氣，用手背抹走頭上既冷汗。
「估唔到東哥同隻狼係認識既。」
「以前佢同我地生活過，個陣佢仲係BB仔嚟。」
呵！呵！
突然背後草叢傳來野獸既叫聲，打斷我同達叔既對話。
佢個叫聲十分特別，我突然感覺依隻野獸肯定會係一隻龐然大物，可能會比頭先見到既野豬王更加大隻。
咔嚓！咔嚓！
不斷傳來樹枝枯葉踩爛既聲音，隻動物每行一步，周圍既花草樹木都會跟住步伐既節奏搖晃。
我地唔會係遇到犀牛或者大笨象依類超重型動物啊嘛⋯⋯
呵！呵！呵！呵！！呵！！！
聲音逐漸增強，亦即係隻野獸愈嚟愈接近我地三個，達叔已經嚇到腳震，我抽出把開山刀，準備同隻野獸死過，而雪兒從後緊緊抱住我，來福亦都進入作戰狀態，發狠咁望住草叢個邊。
呵！！呵！！！
草叢走出隻比野豬王仲要肥既野狼，佢既身形相當與兩隻半來福，極度癡肥。
隻肥大野狼見到來福後，便一嘢攤係地上，佢躺下既範圍瞬間塵土飛楊。
肥野狼大口大口咁喘氣，口水猛咁流出嚟，而來福見到肥大野狼後就立刻解除作戰狀態，目光無奈咁望住躺係地上喘氣既野狼。
我記得來福生活個狼群裡面，好似係有一隻特別肥胖既野狼⋯應該就係依一隻⋯
我估依隻肥胖野狼奔跑速度跟唔上大隊，所以到依家先跑到嚟依到⋯
睇來福個樣，似乎早已習慣。
嗷～嗚！
不遠處傳來狼群既叫聲，來福豎起對耳仔，迅速咁起返身，然後向聲音既方向奔跑，而躺係地上喘氣既肥胖野狼，亦都起返身，慢條斯理咁走向叫聲個方向。
「我地都去睇下，來福！等埋！」
雪兒講完，便跑去來福個邊，我都未嚟得切阻止佢⋯
「雪兒！唔好跑咁快！達叔，快啲跟埋嚟。」
說罷，我亦跑過去。
「危⋯唉⋯」
達叔唯有死死氣跟埋嚟。
———香港———
一名黑色西裝男人在房外猶豫不決，唔知入唔入去好，尋晚得知個消息後，令佢大感震驚。
西裝男人在門外不斷左右徘徊，嘴裡一直說「入⋯唔入⋯入⋯唔入⋯入⋯唔入⋯」
考慮左十幾分鐘，佢硬著頭皮，伸手去敲房門。
碰碰！碰碰！
「邊個？」
「係我啊，boss。」
「入嚟。」
房門打開，西裝男人快速走入嚟，然後把手中既USB放在檯上，神秘人慢慢轉身，見到檯上突然多左個USB，於是疑惑咁望住佢。
「Boss⋯我地最近接獲到個訊號⋯係嚟自於太平洋地區。」
「打開嚟聽下。」
「好。」
西裝男把USB插人，然後係電腦到打開裡面既錄音檔案，神秘人雙眼緊盯著電腦。
「嗡⋯嗡⋯喂⋯⋯有⋯人⋯到無⋯⋯我⋯⋯雅典娜⋯神號⋯⋯嗡⋯⋯漂流⋯荒島⋯救⋯地⋯⋯嗡⋯嗡⋯嗡⋯」
神秘人聽完斷斷續續既訊號錄音後就無講嘢，而西裝男便一直低下頭，唔敢望神秘人一眼，汗水慢慢從額頭上滑過。
神秘人拳頭緊握一起，青筋慢慢浮現，雙眼充滿血絲，恨不得把人碎屍萬段⋯⋯
待續