荒島日記（新手、後宮甜）（不定期更新）: 見面
以前睇過一套叫「鬼父」既動畫，估唔到嚟到荒島，竟然上演個真人版鬼父。
由於肥佬陳已經中出左凌兒兩次，所以凌兒私處流出唔少白色液體到大腿上，係燈光照耀下，白色液體變得閃閃發光。
凌兒好似意猶未盡，佢隻手爬去肥佬陳兩腿之間，溫柔咁撫摸已經軟掉成軟皮蛇的巨龍。
睇嚟肥佬陳已經激發左凌兒既淫蕩一面。
我望向達叔隻錶，原來已經三點啦⋯於是拍一拍達叔膊頭。
「喂⋯達叔⋯唔好睇啦⋯我地仲有嘢做㗎⋯」
「哦⋯係wor⋯咁我地行啦⋯東哥⋯」
我地無再睇黑布裡面既糾纏男女，走返到擺食物個邊，達叔又望一望個堆食物，然後好開心咁執起其中一個袋入袋。
終於走出肥佬陳個山洞，達叔淫笑咁望左我幾眼，然後講：
「東哥，係唔係好正呢？無介紹錯呢？」
「係啦係啦⋯」
「搵日我地再睇過啊，以前係香港就睇鹹片，依家嚟到荒島就睇素人無碼現場直播，個感覺都唔同～」
彩你都傻⋯⋯
走返去河邊個陣，突然感覺到背後有陰風吹過。
沙沙！沙沙！沙沙！周圍都係風吹枯葉既聲音，夜晚既營地顯得格外恐怖⋯
突然我感覺到背後好似有啲嘢⋯我本應繼續行⋯但唔知點解⋯身體控制唔到⋯係都要我掉轉頭望一眼⋯
我回頭一望，見唔到有「人」企係背後，令我鬆一口氣，正當我想回頭行既時候，突然營地吹起一股大風，我用手臂擋一擋吹飛過嚟既樹葉，眼角突然望到有嘢係遠處。
我望去空地個邊，有個成身白衫白褲既人企左係到，佢披頭散髮，我完全見唔到佢個樣⋯佢係營地既月光照耀下顯得十分恐怖。
我用雙手捽一捽眼，以為自己老花睇錯，點知⋯真係有個白衫白褲既人一直企係空地。
我嚇到流曬大汗⋯
唔會嚟到荒島都咁猛鬼啊嘛⋯
一直以嚟都無見過污糟嘢⋯
你唔好同我講⋯
我嚟到荒島就開左陰陽眼⋯
會唔會係之前死左既營地女仔啊⋯
死啦⋯
我點解要咁樣回頭望啊⋯
達叔見我企左係原地不動。
「東哥，又話趕時間，做咩唔行啊？」
「達⋯達⋯達叔⋯」
我嚇到口窒窒。
「做咩啊東哥，你想講咩啊？有乜咁好望啊？」
達叔望向個披頭散髮女人個邊。
「達叔⋯見唔見到啊⋯空地⋯空地有個女人企左係到⋯」
我指住個女人。
達叔左望右望。
「無啊，喂，東哥，唔好嚇細佬啦，細佬最驚睇恐怖片既啦。」
「真㗎⋯我真係見到㗎⋯真係有人企左係個到啊⋯」
「真係無wor⋯」
達叔知道我無呃佢，我地兩個好驚恐咁互相對望。
「跑啊！」
我同達叔向下游個方向跑去。
瘋狂咁喪跑幾分鐘，終於跑到下游個邊，我走去望一望俾樹枝樹葉遮住個陷阱，個到完整無缺，睇嚟無俾營地既人發現到。
「呵⋯呵⋯東哥⋯真係俾你嚇餐死啦⋯呵⋯」
達叔終於跑到嚟，係我身邊嗦曬大氣。
「唔好理頭先啦，你睇下個收穫啦。」
我慢慢咁攞走啲樹枝樹葉。
「東哥⋯真係捉到啲鰻魚？」
「你依家睇下咪知囉。」
我隱約聽到陷阱裡面有嘢遊水既聲音。
一分鐘後，啲樹枝樹葉終於攞走曬，可以睇到陷阱裡面既情況，裡面有十幾條鰻魚係鐵桶到糾纏，唔係，係多到個鐵桶都差啲裝唔曬。
「東哥！真係捉到啊！東哥！」
達叔好興奮咁大嗌。
「都話個方法掂既啦。」
達叔對住我舉起三隻手指。
「東哥，你之前應承我㗎，話會俾三條我㗎！」
「係啦係啦，話俾你就俾你既啦。」
達叔好興奮咁托起個鐵桶，我地走離遠河邊少少，費事唔整跌啲鰻魚，令佢地遊返入條河。
離河邊幾米，我將成桶鰻魚倒落地，然後慢慢咁觀察。
「東哥⋯你係到做咩啊？」
達叔唔係好明我係到做乜。
「我睇咁啲鰻魚既大細囉。」
「東哥，唔洗睇啦，你無論俾大條定細條既，我都一樣咁開心。」
「唔係，我搵咁啲細條啲既，即係BB鰻魚啊。」
「搵BB鰻魚做咩啊？」
達叔仲係唔明我做咩。
「放生囉，唔通你想殺雞取卵？」
「東哥，有道理！」
達叔亦都同我一齊搵細條既鰻魚，都搵到六七條咁多，然後我地倒返入河到。
十幾條鰻魚，再加埋啲河水，我同達叔兩個一齊拎都好吃力，何況仲要行依段十幾分鐘既路。
好彩搵左達叔嚟幫手，如果俾我自己一個托，都唔知要用幾耐時間先返到去。
「東哥⋯我聽朝再過嚟啦，個三條魚擺係你到先。」
達叔講完便走返自己個山洞。
「好啊，早啲休息。」
我亦都托住裝鰻魚既鐵桶入山洞，小心翼翼咁行，費事吵醒三女。
上返張床，訓返係雪兒同秋儀既中間，雖然眼皮十分沉重，但個腦仍然停留係肥佬陳大戰凌兒既畫面⋯挨到差唔多天光先訓得著。
第二朝我戴住熊貓眼起身，三女已經係山洞口整咁午餐，辣椒妹一見到我醒左，於是走過嚟抱怨。
「大陸仔，你個桶乜嘢嚟？屎塔啊？臭到我同雪兒差啲暈係到。」
「個桶嘢？個桶嘢係你地未來兩個星期既晚餐嚟。」
我奸笑咁望住辣椒妹。
辣椒妹有啲驚恐。
「唔啊⋯我打死都唔食個桶嘢⋯」
你估依到係香港咩⋯有得俾你食就偷笑啦⋯
「東哥！東哥！」
達叔由河邊一邊大嗌一邊走過嚟。
「早晨啊！達叔！咁早過嚟攞返三條魚啊？」
達叔一臉緊張。
「唔係啊東哥，營地個到⋯大件事啦⋯」
———與此同時———
———地點：香港———
房間裡的電視開到最響亮，神秘人坐左係梳化上，睇住今日既新聞報導。
「雅典娜女神號消失多個星期，目前強國、新加坡、馬來西亞、澳洲已派出搜救隊去失事海面搜索，但仍未搵到架船既殘骸，強國同美國準備派軍艦同潛水艇去失事海面，展開最大規模既搜索行動，希望可以搵到雅典娜女神號同個黑盒，就可以知道出事原因。」
「消失既雅典娜女神號既船長係有三十二年豐富航海經驗既大衛劉先生，而副船長係上年先升任既張家泉先生，佢地對依個航道來往過百次，經驗豐富，今日有請既評論員係著名已退役既維納斯女神號既船長華子仁先生。」
「各位觀眾你地好，我係已退役既維納斯女神號並且已退休多年既船長華子仁。」
「唔知華子仁先生對今次既搜救行動有乜睇法呢？」
「對於今次雅典娜女神號消失，我感到難過，亦都感到氣憤，首先，香港政府係雅典娜女神號失去聯絡三日，先通知強國政府尋求幫助，救人既黃金時間早已過左，先開始求助？同埋點解強國政府依家先開始派軍艦過去大規模⋯⋯」
啪！啪！
背後傳出拍門既聲音，神秘人即刻熄左電視，然後講：
「咩事？」
門外傳嚟講嘢聲。
「boss！樓下有人嚟左話想見你！」
「今日我唔想見人。」
神秘人攞返遙控。
「boss！佢話今日一定要見到你，而且你一直都好想見佢。」
神秘人疑惑咁望向門口。
「邊位？」
「係雅典娜女神號其中一個遇難者既家屬，林雪兒既爸爸，林業因博士⋯⋯」
待續