荒島日記（新手、後宮甜）（不定期更新）: 鬥智

MK傑估唔到我會捉實佢既拳頭，佢即刻收埋捉住我衫領個隻手，再快速咁一拳打落嚟，我即刻捉埋佢另外個隻手。


「你老母！」
MK傑因為俾我捉實兩隻手變得更加憤怒。

啪！

突然有有石頭飛過嚟，打中我既後腦位，我又開始有啲頭暈目眩既感覺。



頂⋯點解次次都有啲咁既神助攻⋯


「仆街！攞石頭打我條仔！你肯定未撚死過！」
辣椒妹發曬癲咁衝入一邊人群，捉住左一個營地既女仔後，連掛對方幾巴，個女仔塊面隨即紅曬，可想而知辣椒妹有幾咁用力。


個女仔硬食辣椒妹幾巴後爆喊，其他營地既女亦都圍住辣椒妹。




「嚟啊！夠薑一齊上！我未撚驚過！」
辣椒妹大喝圍住佢既個班營地女，營地個班女嚇到唔敢妄動。


「辣椒妹，唔好打⋯」
秋儀推開啲人，走入圍住辣椒妹既人群裡面。


頭暈目眩令我無力捉實MK傑，MK傑見到大好時機，對住我個頭連毆幾拳，然後再一腳踢落我個肚到，將我踢飛倒地。




營地既女見到我倒地後再次歡呼拍手。
「好型啊！傑少！」

「就係咁打啦！」

「我都話大陸仔唔夠傑少打既啦！」


MK傑展開雙手表現出好輕鬆咁。
「不堪一擊既垃圾！垃圾！」


雪兒見我倒地想跑過嚟，四眼妹隨即捉住想跑過嚟既雪兒，然後就講：
「大陸仔未認輸，你唔好過去⋯會傷到你。」




雪兒擔心到流眼淚。
「大陸仔⋯」


由於我仲頭暈腦脹咁，而且又連食MK傑幾下，所以依家趴左係地上無法動彈，大家只係睇到我呼吸既起伏。


MK傑走到我面前，然後一腳踩上我個頭到，四眼妹用力捉實雪兒，雪兒無法掙脫四眼妹，見到我躺係地上無反應俾MK傑踩，已經跪地痛哭流淚。


「唔好⋯大陸仔會死㗎⋯」
雪兒好用力想推開捉實佢既四眼妹。




辣椒妹係一邊大嗌。
「大陸仔！起身啊！快啲起身還拖啊！」

「學東哥⋯」
秋儀雙手合十祈禱。


MK傑不停扭動隻腳，令對鞋磨擦我啲頭髮。
「我都話你隻揪唔夠我嚟，俾機會你爬出去你又唔要，係都要俾我打到死死下先安樂既。」


「喂！傑少，你都玩夠啦！彩都俾你攞曬啦！再打落去搞出人命！」
四眼妹想叫停MK傑，想佢收手唔好再打落去。




MK兇狠咁望住四眼妹，再指住佢。
「我想點打就點打，關你撚事啊？信唔信連你都打埋一鑊！」


MK傑提起隻腳，然後用力一腳對住我個頭方向踢落嚟。


雪兒激動到大嗌：
「唔好⋯唔好⋯」


我快速碌到一邊，避開左MK傑依下致命一踢，MK傑見到我避開左，即刻嬲到轉身對準我再提起隻腳。




好機會！


我係地上用力快速一踢，用力踢向MK傑支撐住身體個隻腳，殺佢一個措手不及！

bom！

由於MK傑另一隻腳仲提起咁，所以佢失去重心背隻倒地，依一下令到MK傑痛到落淚。
「啊⋯你老⋯」


營地既人見到MK傑俾我踢低倒係地上，即刻無曬原本激動興奮既心情，露出失望既樣。


「就係咁啦！大陸仔！」
辣椒妹激動到舉起隻手。

「學東哥！加油啊！」
秋儀眼濕濕咁幫我打氣。

「大陸仔⋯」
雪兒露出喜悅既笑容。


我同MK傑依刻都訓左係地上，MK傑一直攬住俾我踢中個隻腳，嘴裡一直發出輕微既痛聲。


我爭取到休息既時間，依一踢真係痛到MK傑短時間內企唔返起身。


幾分鐘後，頭暈腦脹既感覺終於散去，我坐直個人後，再慢慢咁企返身，MK傑都好吃力咁起身。


MK傑雙眼充滿血絲，咬牙切齒咁望住我。
「屌你老母！竟然令我係大家面前出醜，我要殺左你個仆街！」


辣椒妹突然係一邊激動咁講。
「大陸仔！嘗試切入佢中路！」


頂你個肺⋯切乜嘢入乜嘢佢中路啊⋯你估我係葉問啊⋯


「我唔會再俾你打中我既機會㗎！食屎啦！大陸仔！」
MK傑講完便衝過嚟揮拳。


MK傑衝咁過嚟，但個速度已經俾頭先慢左好多，我望一望俾我踢中個隻腳，果然係隻腳拖累佢既速度。


依隻腳會係你既弱點，會係你既負累！


MK傑差唔多衝到過嚟打中我既時候，我即刻蹲下身，然後對準佢受傷個隻腳，快速嚟個掃堂腿。

bom！

MK傑再次失去重心倒地，佢個樣露出痛苦既表情。
「啊⋯屌⋯你⋯啊⋯」


「打得好啊！大陸仔！」
辣椒妹繼續係一邊打氣，雪兒就同秋儀一樣雙手合十祈禱。


我走到MK傑面前，MK傑由原本憤怒既樣，見到我後即刻瑟瑟發抖，佢好驚我依一刻攞佢命。


「你已經輸左，不過你放心唔洗驚！我大人有大量，唔會攞你命。」
MK傑聽完我咁講，變得更加憤怒。


我轉身離開，留低訓係地上喪叫發曬癲既MK傑，我慢慢咁走向三女佢地個方向，雪兒微笑咁望住我，我見到佢吊掛係眼角邊既淚珠。

真係好對唔住⋯搞到你要喊⋯


突然所有人既樣露出驚訝既表情，雪兒佢地更加露出驚慌既樣。


我轉身一望，MK傑唔理隻腳既痛楚，忍住痛楚，好用力咁跑咁過嚟，佢依一刻個樣就好似喪屍一樣，見到獵物後瞪大雙眼，發出紅光，誓要殺左我。


MK傑舉起右手握成拳頭，手臂上既青筋突起。
「你老母！食屎啦！」


再一次掃堂腿？唔得，佢瀨過一次嘢，一定會防範我既掃堂腿，點對付佢呢⋯


我眼角望到辣椒妹好緊張咁望住我，係啦！切入佢中路！！


MK傑揮拳打過嚟，我左手捉住佢既手腕，身體轉身背對住佢，然後用右手捉住佢既手臂老鼠仔個到。


借助佢既衝力，用盡全力係右手個到向上推，MK傑隨即凌空飛起，重重跌左係我前面既空地，痛到佢即刻喪喊。


雪兒即刻跑過嚟攬住我喊，辣椒妹同秋儀亦都跑左過嚟攬住我，其他營地既人，仍然因為我啱先依一下華麗轉身擊敗MK傑而驚訝到定型。


而終於趕返嚟既高佬佳，見到訓係地上痛到全身無力既MK傑，對我露出憤怒既目光，然後走去扶起MK傑。


MK傑係高佬佳既懷抱裡大嗌。
「我依家興過火屎啊！唔好欄住我！唔好欄住我！」


明明已經痛到無法動彈，仲要講唔好欄住你⋯⋯



待續