荒島日記（新手、後宮甜）（不定期更新）: 主場
我立刻快速閃避MK傑依一拳，MK傑慣性咁衝到前面。
「你個仆街！」
MK傑咬牙切齒咁回頭望我，雙手緊握成拳頭，握到雙手都青筋浮現。
「喂，佢地兩個做咩啊？」
有兩個女仔咁啱經過見到我同MK傑係度打交，於是一邊跑一邊大嗌。
我頂⋯我諗住過嚟睇下個醫生係點，無啦啦發展到要同MK傑隻揪，班女仲要不停咁叫人過嚟食花生。
營地既人慢慢開始湧過嚟，愈來愈吵，一邊食住花生一邊睇我同MK傑既決鬥。
shit⋯我又要做風雲人物⋯
其中幾個女仔圍埋一堆係度討論。
「你估邊個贏啊嗱？」
「我估傑少會贏。」
「點解啊？」
「人地傑少係學校讀書個陣，打交多過你食飯啊！肯定打交好叻啦！」
個女仔講完就對住MK傑發出愛慕既目光。
「加油啊！傑少！」
有女仔甚至幫MK傑打氣，MK傑開心到見牙唔見眼。
「傑少！小心啲！唔好打死人啊～」
我係營地既女仔心目中有無咁廢啊⋯⋯
MK傑對住營地既女微笑後，便對返住我同我講。
「大陸仔！我今日心情靚，唔想打人，我依家俾機會你從依度爬出去。」
「係啊係啊！快啲爬返出去啦！」
幾個女仔係度大嗌。
想係咁多人面前落我面？佢係唔係傻左個腦？
我笑左一下。
「睇嚟你係荒島俾人打得少。」
MK傑握起拳頭。
「俾機會你你唔撚要！」
「我驚到時係你喊住求我唔好打。」
「仆街！食屎啦！」
MK傑完便快速喪跑過嚟。
我見佢咁樣跑過嚟，肯定趕唔切避開我既攻擊，於是我用力一拳打過去，MK傑依家先反應到我揮拳。
啪！
唔係啊嘛⋯我咁用力打過去，佢竟然完全接得住我依一拳⋯
「嘩！」
在場其他營地既人即刻尖叫，隱約我聽到嘲笑我既說話同吐罵我既說話。
我發覺我依家唔係好用的力，所以MK傑先捉得住我依一拳，唔會係因為依幾日搞到自己「操勞」過度啊⋯
然後MK傑奸笑左一下。
「Tell me ，do you bleed。」
MK傑講完，另外一拳快速咁打落我個肚度，我完全反應唔切⋯
因為我完全聽咁佢講嘢，無留意到MK傑下一步行動，個肚因此無頂起變硬，搞到我硬食依一重拳，痛楚係肚度散開，我用手摸一摸個肚。
其中一個女仔發曬姣咁，邊講邊扭動身體。
「嘩！好型啊！」
MK傑奸笑一聲。
「You will。」
「頂⋯大意⋯」
我專心望返MK傑。
MK傑好似參加左格鬥比賽咁，舉起雙手對住圍觀既人大嗌，周圍觀看我地對決既營地人亦都跟住MK傑大嗌。
「就係咁打啦！傑少！」
個女仔興奮到揮拳。
「傑少！你好靚仔啊！」
「打死大陸仔啦！依啲人渣唔應該留係依個世上！」
我雙手拍一拍塊面，令自己清醒啲認真對MK傑。
「做咩打自己啊？俾我打完全無還擊之力，打到傻左啊？」
MK講完大笑，周圍圍觀既人都跟住MK傑大笑。
係人群中，我見到四眼妹係度，不過佢望左我幾眼就即刻跑走左。
營地既人笑得愈來愈大聲，真係好吵好煩。
我眼前既MK傑，同文健唔同，MK傑真係有打開交既，而文健就真真正正係一個廢柴。
「大陸仔，一係你過嚟叫我一聲老竇，我就放過你。」
MK傑係營地既人吹棒下，變得愈來愈囂張。
「收皮！」
「你老母啊！俾面你你唔撚要！」
MK傑衝過嚟揮拳。
我用手臂即刻擋住佢既揮拳，右手即刻還擊，MK傑隨即用手接住我既右拳，轉眼間，我地兩個互相捉實對放既拳頭，打鬥變成左一場鬥力賽。
「大陸仔！我今日收你皮！」
MK傑用力向前推，令我不停咁退後。
「就係咁啦！傑少！」
周圍既人繼續幫MK傑打氣，
「啊⋯」
有人用石頭擲中我個頭，我回頭望係邊個用石頭擲我。
啪！
MK傑突然用佢個頭，好用力咁撞我個頭，我即刻感到頭昏腦脹，企都企唔穩，MK傑再補上一腳踢我個肚，將我踢倒係地上。
「就係咁啦！傑少！」
「你好型啊！傑少！」
shit⋯佢個頭咁硬既咩⋯佢撞完我竟然無事⋯我依家仲有少少暈暈地。
MK傑走到我面前翹手。
「點啊？我個鐵頭功勁呢？依家，你從我褲廊爬過去，我就放過你。」
「你撚想⋯」
「仲咁臭串！」
MK傑發瘋式咁跑過嚟。
我即刻跑去另一邊，突然唔知邊度飛嚟一舊石頭打中我隻腳，我即刻撲左係地上。
仆街！唔係隻揪既咩？點解搞咁多小動作。
MK傑走過嚟將我扯起身，然後佢伸手捉住左我個頭，佢當自己係Thanos？將我當係Vsion抓爆我個頭取寶石啊？
「食屎啦！」
MK傑手指即刻用力捉我個頭，痛楚不斷咁湧入我既大腦裡面，我痛到用力捉住佢隻手嚟反抗。
但好可惜⋯我竟然用唔出力⋯
「就係咁啦！傑少！打死佢啦！」
「我都話傑少打贏大陸仔既啦！」
「文健，傑少幫你報仇啦！」
周圍既人不斷咁嘲笑我，我不斷咁掙扎，但身體卻提唔起力⋯唔通今日我真係要輸俾MK傑⋯⋯
「大陸仔！唔好認輸啊！」
突然旁邊傳來一把熟悉既聲音幫我打氣。
我眼角望向左邊個方向，見到雪兒企左係四眼妹旁邊，雪兒好擔心咁望住我，秋儀同辣椒妹亦都係依個時候跑左過嚟。
頂⋯咁柒既時候竟然俾佢地三個睇到⋯⋯
「學東哥⋯」
秋儀個樣有啲想喊咁。
「還拖啊！大陸仔！打撚柒佢個仆街啊！打到佢見血先好收手啊！」
辣椒妹拼命大嗌。
MK傑收返捉住我個頭個隻手，然後用力一拳打落嚟，啪！今次到我捉實佢既揮拳，MK傑有啲驚訝咁望住我。
「My turn⋯」
待續