荒島日記（新手、後宮甜）（不定期更新）: 平等

「高佬佳同肥豬劉，大家都識，咁就唔洗講啦，營地最大既話事人就係肥佬陳總，全名叫陳嘉隆，係大陸某集團既高層股東，屋企好有錢，佢家人生意涉及房地產、金融、娛樂、體育等等，可以講富可敵國。」

「咁MK傑呢？」

「MK仔，全名叫姚傑，有黑底，平時同高佬佳一齊蝦蝦霸霸，打交多過食飯，佢學校既人叫佢做隻抽王。」

「咁勁，其他人講㗎？」

「唔係，係佢自己講既。」
屌，咁應該唔係隻抽王啦，係生抽王就真。



「郵輪出事之後，我地有四十幾個人飄浮到個邊個沙灘度。」
達叔指住沙灘個方向。

「有四十幾人咁多？肥佬陳總話營地得三十幾個人。」
佢地兩個講既嘢唔同，搞到我有D一頭霧水。

「原本有四十幾個，不過依家就得返三十幾個。我地啱啱黎到個陣，有好多個裝住食物既木箱都飄浮埋上黎，有水有餅乾有罐頭有公仔麵，個份量足夠我地營地食一個月左右，我地原本諗住平分D食物俾大家既，點知⋯」
達叔講講下便得低頭。



「點知咩啊？」
我好緊張咁捉住達叔隻手。

「點知肥佬陳提議食物平均分曬俾D男既，女既完全無得分，高佬佳、MK仔同肥豬劉都好贊成依個建議。」
達叔望住佢帶黎既兩女，兩女捉實達叔隻手。

「D女仔唔會抗議既咩？」
雪兒嬲嬲地咁講。

「係囉，俾我肯定打佢地。」


秋儀揮左下拳頭。

「陳總有槍⋯而且班女打唔過D男既⋯所以無辦法抗議⋯」

「咁你好彩啦，你係男人，所以分到嘢食。」
達叔聽到辣椒妹依句說話，面色變得有D凝重。

「原本我都以為會咁⋯點知佢地分左好大份，特別係肥佬陳總，佢一個等於我地幾個男既全部⋯由於當初高佬佳、肥豬劉同MK仔都贊成肥佬陳總既決定，所以佢地都分多D，而我同另外三個男仔由於反對，所以就分得好少。」
達叔緊握住拳頭。

「仆佢個街！估唔到個死肥佬卑鄙到咁既地步！」
我嬲到企起身。

「係囉，咁樣恰女性！又咁樣對待反對者！」
雪兒都同我一樣嬲到企起身。



「達叔，咁個營地男女比例係男少女多啊？」

「係啊，營地既男女比例大概係2:8，女性佔大比數。」
達叔算一算後講。

「咁都好D，起碼唔係男多女少，唔係既話D女仔就大鑊啦。」
達叔聽完我講後嘆氣。

「學東哥，點大鑊法？」
秋儀唔係好明我講咩。

「如果男多女少，女性係依度既地位就更加低，會成為男性既玩物，會俾佢地輪流⋯」
雪兒講唔落去。



「唔係㗎，就算男少女多，依度既女性地位都好低⋯有D女仔會自己去搵食物返黎，唔做男人既玩物，亦都有好多為左可以生存落去，同陳總、肥豬劉等佢地做交易，佢地鐘意就收埋入山洞一齊住，唔鐘意既就當食下快餐⋯」
達叔望向營地個方向。

「我地兩個原本要餓死⋯好彩俾我地遇到阿達，佢唔逼我地做唔鐘意既事。」
達叔帶黎既其中一個女仔講。

「係啊，所以我地決定以後都跟住阿達。」
另外一個女仔講完，佢地三個便擁抱在一起。

「係啦，達叔，你仲未答我問題。」
我打攪佢地既溫馨時刻。

「你係問原本四十幾人點解得返三十幾人？」
達叔做出讀書個陣經常做既動作，神探伽利略既手勢。



「係，就係依個問題。」
我邊講邊點頭。