荒島日記（新手、後宮甜）（不定期更新）: 對面

「er⋯我好肚餓啊⋯大陸仔⋯」
辣椒妹攬住個肚講。

「搵到地方適合居住先食嘢啦。」

「我就黎餓暈啦⋯」
辣椒妹走得有D搖晃，嚇到秋儀走上前扶佢。

「大佬！前面有個人係度！係女人黎！」
文健指住山邊個方向。



我望過去，依一邊有唔少茂盛既樹木，所以遮掩左山邊唔少既山洞，係其中一個山洞外面，有個女人坐係出面煮咁嘢食，但距離有D遠，所以我睇唔清楚佢個樣。

「好香啊，係咩氣味啊？」
秋儀回頭問我。

「我聞到啦！係公仔麵既氣味啊！一定係公仔麵！」
辣椒妹不停咁嗦。

「你個鼻真係對食物特別靈。」


雪兒笑一笑辣椒妹。

「唔得啦，我要食公仔麵！我要食公仔麵！」
辣椒妹即刻跑過去。

「喂！等埋啊喂！」
我地四個都一齊跑過去。

個女仔見到我地五個跑咁過黎，好慌張咁收埋個煮公仔麵既褒，然後個女人攞出條鐵通對住我地。
「唔好⋯過黎啊！我地⋯無其他食物既啦！唔好過黎⋯搶我地既⋯嘢食！」



個女仔約莫160高，胸部既大細就睇唔到，短短既頭髮，面色有D慘白，高挺的鼻，沒有血色的嘴唇，有雙大眼睛，但睇出唔係好精神，而且成個人好瘦削，有D營養不良既感覺，感覺大風一吹，佢個人就會被吹走。

條女見到我同文健之後嚇到係咁震，震到手中既鐵通都跌左落地，我地趁依個機會即刻走過去，條女執返起條鐵通，然後對住我地講。

「我地⋯真係無收埋⋯其他食物啦⋯你地唔好⋯再過黎啊！再過黎到時⋯唔好怪我對你地⋯唔客氣！」
個女仔眼眶泛紅，淚珠係眼角吊掛住。

「我地明明見到你收埋個煲係後面，依家仲係度狡辯！」
文健指住條女背後。

啪！我打左文健個頭一下。
「你on9㗎？你咁樣講嘢，未搞到我地好似黎搶佢食物囉！」

「咁佢得確係收埋左個煲啊嘛⋯」


文健模住個頭講。

「仲講？」
我怒啤文健，文健就唔再講嘢。

「你唔洗驚，我地唔係黎搶你D嘢食，我叫林雪兒，你叫咩名啊？」
雪兒伸出手想同佢握手。

「係啊，我地保證唔會搶你D嘢食。」
秋儀微微一笑對住個女仔。

「你地⋯真係⋯唔會搶我地D⋯嘢食既？」
個女仔掃視我地五個。

「我地唔係黎搶你既食物㗎。」


雪兒握住佢隻手，想個女仔唔洗咁驚咁緊張。

過左一陣，個女仔終於平復返心情，不過佢好怕醜，等好耐先肯講返嘢。
「我⋯我叫紫霜⋯」

「紫霜你好，我叫白穎林，你可以叫我做辣椒妹。」

「你⋯你好⋯」

「紫霜，你可唔可以俾D我食啊？我好肚餓啊⋯我朝早到依家都未食嘢⋯」
辣椒妹扮餓暈個樣俾佢睇，紫霜望一望辣椒妹，再望一望後面個煲。
「嗯⋯」