荒島日記（新手、後宮甜）（不定期更新）: 保護

「現在相信我可以保護你們了吧？」
肥佬陳總嘴角上揚。

「咁如果我話我唔俾呢？」
我啤住肥佬陳總。

「係囉！唔撚柒俾你啊！吹啊？」
辣椒妹對住肥佬舉中指。

「你不給？你不給就滾蛋！去河另外一邊！那裏有兩個女人和你們一樣不給食物的，滾過去和她們生活吧！」


肥佬陳總收返枝槍入褲裡面。

「這個島充滿危機，我勸你們還是好好考慮，陳總這樣做也是為你們著想。」
Lily好誠懇咁同我講。

「唔洗啦，我地唔慣係人地鼻哥窿度唞氣既！」
我拒絕Lily。

「依家點啊？大陸仔。」
雪兒係我背後問。



「無所謂，唔住依度，我地可以係出面住。」

「好撚稀罕同你生活啊？我地走！898！死肥佬！」
辣椒妹抓住雪兒同秋儀走。

「走了不要後悔！回來求我我也不會給你們住進來的！」
肥佬陳總講完就調頭走返去山洞方向，Lily亦都跟住佢既步伐。

我地掉頭走向河邊個方向，文健仍然坐係六條女旁邊，鹹鹹濕濕咁望住佢地，辣椒妹一腳踢文健，文健成個人趴左係地下。



「走啦！我地去河對面度住啊！仲掛住係度溝女！」
辣椒妹對住文健咆哮。

「保持聯絡！得閒飲茶！」
文健對六條女飛吻，不過六女唔係好so佢。

「大佬大佬！我地依家去邊度啊？」
文健走到我旁邊。

「去河對面個度住囉。」

「依度住唔好咩？依度有咁多人係度生活wor！大家互相有個照應啊嘛。」
文健依依不捨咁回頭望六女。



「照應？佢收鳩我地陀地費啊！」
辣椒妹係前面邊行邊講。

「佢要我地每日打獵到既食物要分一D俾佢，個營地有成三十幾人，每人俾D佢，佢就真係想唔肥都難。」
雪兒同文健解釋返。

「我地先唔洗佢保護啊，我地自己都可以保護到自己。」
秋儀邊講邊踢幾下腿。

「無錯！野豬有幾難對付啊，大陸仔一樣搞得掂啦！」
辣椒妹望住我講。

「係啊，學東哥搞得掂。」
秋儀走過黎攬住我。



「er⋯個次對付彭彭係好彩⋯」
俾我再遇到既話，我會掉頭走，我唔會忘記俾彭彭撞傷個種痛。

「嘻！你真係好謙虛！」
辣椒妹好大力拍我背隻。

「喂！想殺人啊！咁大力！」
我摸住發熱既背隻。

「佢頭先話有兩個女仔同我地一樣唔交食物出黎，俾佢驅逐到河對面⋯」
秋儀係咁望河對面，但河對面係叢林黎。

「唔洗驚，有我係度，我絕對唔會俾你地有危險既。」
我摸一摸秋儀個頭。



「依度住仲好啦，有咁多花草樹木，而且條河又圍繞住我地，肯定有好多小動物係度住，衣食無憂啊！」
我邊講邊望下周圍環境。