荒島日記（新手、後宮甜）（不定期更新）: 歸隊

「雪兒！秋儀！我地返黎啦！」
辣椒妹好興奮咁大嗌，拖住我行返去馬騮群度。

「拿，俾返你個男朋友仔你。」
辣椒妹講完，就將我推左俾雪兒。

「雪兒⋯雪兒⋯雪兒⋯」
我無曬力咁挨係雪兒身上，雪兒攬實我，望住我自言自語，緊張我究竟發生左D乜嘢事。

「大陸仔佢做咩咁既？」


雪兒一直攙扶住我。

「佢，佢操勞過度，唔洗驚，休息一晚應該會好返。」
辣椒妹笑住講。

（操勞過度？如果你唔係搞完之後折磨我，我會咁？綁住我成晚⋯一時幫我含⋯一時幫我打飛機⋯一晚唔知射左幾多次⋯肉體上折磨我⋯精神上都折磨我⋯你一醒又再搞我啦⋯完全無俾我訓教⋯）

「大陸仔，你聽唔聽到我講嘢啊？」
雪兒問神智不清既我。



「雪兒⋯雪兒⋯雪兒⋯」
我仲係自言自語中。

「無既啦，佢今日就一直雪兒前雪兒後，你俾佢訓一陣先啦。」

「咁容易整攰自己㗎。」
雪兒好擔心我既同時，又呈現出甜蜜咁笑。

「雪兒⋯雪兒⋯雪兒⋯」



「係啦係啦，我係度啊，唔洗係咁嗌啦，各個都望住我啦。」
雪兒笑住講。

「秋儀啊，你黎幫下我啊，大陸仔講左煮八角水俾大馬騮飲，再將佢搬去火堆邊暖下佢，就會醫返好佢。」
辣椒妹攞出八角俾秋儀睇。

「好啊，我依家去煲水。」
秋儀即刻走去裝水。

雪兒拉低我訓係佢大脾度，用手輕撫著我塊面，然後用手輕輕咁拍我背後，就好似安撫細路訓教咁，慢慢我就咁訓著左⋯








當我打開雙眼個陣，已經係夜晚，雪兒見到我醒後就拉扯左我塊面幾下。

「豬黎㗎，訓左咁耐。」
雪兒繼續拉扯住我塊面。

「大馬騮點啊？大馬騮好返未？」
我望向大馬騮個方向。

「好返左好多啦，依家佢已經無再嘔啦，而且坐得返身同其他馬騮講嘢。」
雪兒拍一拍條褲。

「睇黎D八角真係有D作用喔，咁煮多D俾佢，我地聽日要繼續搵適合既地方居住。」

「聽日？咁趕啊？」


雪兒問到。

「係啊，我地聽日出發啦，唔好係度逗留咁耐啦。」

「咦！大陸仔，你醒左啦？」
辣椒妹笑住走過黎。

「係⋯係啊⋯」
（辣椒姐，我驚左你。）

「學東哥。」
秋儀嗌完一聲就跳入我懷抱裡面。

「係喔，大陸仔，估唔到D八角真係有用喔，你又知對馬騮有作用？」
辣椒妹問我。



「哦⋯因為人食既藥，多數都係搵動物做試藥，就好似白老鼠咁，所以人有效既，動物都多數有效，而且馬騮同我地都係靈長類動物。」

「無嘢難到學東哥㗎～」
秋儀攬住我隻手講。

「嘿！大佬！你醒左啦！」
文健走左過黎。

我見大家都係曬度，於是同大家講聽日一朝早就出發，去搵新既居住地。
「今晚大家早D訓啊，聽日我地一早出發。」

「大佬⋯咁趕啊？不如⋯」
文健似乎唔想咁早離開。



「一係你留係度囉，我地自己走。」
我好冷淡咁望住文健。

「咁⋯咁好啦⋯我地聽日離開啦。」