荒島日記（新手、後宮甜）（不定期更新）: 遇敵

俾雪兒咁樣講一講，嚇到我汗都標埋出黎，不過依家可以拖住佢隻手，睇黎佢都無之前咁嬲。

「啊⋯」
我痛叫左一聲。

我轉頭一望，我拖住雪兒個隻手，手臂上有個不淺不深既牙齒印，咬到變紫色，望住雪兒，佢就陰陰嘴笑，然後望住其他地方，扮到無事發生咁。

（方丈，始終都係小氣既。）

我向後望一望尾隨既文健，正在好辛苦咁攞住大家D嘢行，慢慢吞吞咁，行多一陣可能就跟唔上黎。



「文健！快少少啊！唔係你就跟唔上啦。」
我對住佢大嗌。

「係⋯大佬⋯」
文健好辛苦咁回應我。

「秋儀！辣椒妹！唔好行咁快！大家一齊好D啊！」

「係！」


秋儀同辣椒妹停低等。

依家我地遠離瀑布下面既湖行，希望依條路線唔會遇到馬騮，更加唔好遇到猛獸啦。行下行下，地上有幾舊灰灰地黑黑地石頭吸引左我視線。

我執起灰黑色舊石頭望一望，雪兒係旁邊望住我。
「大陸仔，你攞舊石做咩啊？有咩咁好睇啊？」

「依舊石⋯好似係火石黎。」

「火石？」


雪兒聽到一頭霧水。

「係啊，火石，又叫做燧石。」

「有咩用㗎？」

「如果攞硬物打佢摩擦佢，佢就會產生火花，你睇下。」
我左右兩舊石互相摩擦，產生左少許火花出黎。

「咁有用，快D擺入旅行袋度啦。」
雪兒打開旅行袋，然後塞左幾舊火石入去。

行左兩個鐘左右，見大家有D攰攰地，而且同湖個邊有D距離，依頭附近又唔見有猛獸、毒蛇蜘蛛依類既嘢，係依度休息一陣會好D。

「大家係依度休息下先，十分鐘後我地再出發。」



我一講完，辣椒妹同秋儀即刻坐係地下，挨住後面棵樹，文健個撲街直情訓係地下，唔夠半分鐘就聽到佢打鼻鼾聲。

我走去文健身邊，然後搵幾個裝飲用水既竹筒出黎，自己飲左一半，然後攞三個俾三女，辣椒妹一攞到竹筒就即刻暢飲，秋儀就飲左少少。

我望一望天空，距離夜晚應該仲有三個鐘左右，行多一陣就要觀察下，睇下有無適合既地方可以訓一晚。

「嗷！嗷！」
突然來福咬牙切齒，發狠咁望住前方，通常來福唔會咁既樣，唔通有猛獸出現？

呵呵！

嗚！嗚嗚！

無幾耐就聽到前方開始有奔跑既聲音，同埋見到唔少樹係度搖晃。



「大家起身！有危險啊！」

辣椒妹同秋儀聽到後即刻彈起，文健個撲街仲係度訓教，於是我好輕力咁踢佢幾下，佢仲係未醒，有無咁X攰啊⋯你個撲街文健。

「文健！夠鐘屌閪啦！」
我對住文健個耳仔大嗌，文健即刻彈起身，然後四處張望。

「邊⋯邊度？女係邊？」
文健兩眼發曬光。

「屌你啦！有危險啊撲街！仲訓。」
我將竹矛交俾辣椒妹同秋儀。

「危⋯危險？」


文健即刻擺出副驚青樣出黎。

bom！bom！bom！前面樹上跳左十幾隻大馬騮，然後跑左十幾隻馬騮過黎，接近三十隻馬騮一齊望住我地⋯⋯

「大⋯大佬⋯又話依條路安全既⋯」
文健驚到抓住我手臂講。

「屌，基少一陣啦。」

「大陸仔⋯點解⋯」
辣椒妹有D口窒窒。

「依度應該唔會遇到馬騮先啱㗎⋯雪⋯雪兒呢？」




我地四個加來福圍埋一堆，唯獨唔見左雪兒一個⋯⋯