荒島日記（新手、後宮甜）（不定期更新）: 第六感

我地上到山頂，見到文健坐係其中一棵樹下休息，我即刻走去佢身邊，文健依家先發覺自己扮病穿左煲。

「哈⋯大佬⋯」

「文健，你唔係傷左既咩？竟然跑得咁快。」
我微笑咁走過去。

「大佬⋯誤會黎誤會黎⋯一場誤會⋯」
文健一邊講一邊退後。



「誤會？扮病就唔需要搵嘢食啊嘛？扮病就咩都唔洗做嘢啊嘛？」

我即刻抓住文健個衫領，文健成個人嚇到身都軟曬，個嘴不停咁震，發出一陣陣牙齒震動既聲音。

「er⋯大⋯大佬⋯」

「你地兩個唔好打啦。」
雪兒走過黎想推開我地兩個，點知辣椒妹走過黎擋住雪兒，唔俾雪兒走過黎。

「男人之間既事等男人自己解決。」


辣椒妹同雪兒講。

「放心，唔會打佢，依家好需要佢。」
我回應返雪兒。

「既然你無事，咁你就要做返D嘢，你唔好再同我扮病啊！」

「係⋯係⋯」
文健一邊震一邊講。



「秋儀！辣椒妹！將你地帶住既嘢俾曬文健攞啦！」

「唔該你啊文健！」
秋儀跳下跳下過黎，然後好開心咁講。

「多X謝！」
辣椒妹望都無望文健一眼。

於是文健一個係最後攞住三女既衣服，同埋個D竹筒鐵板煮食用具，我就照背住旅行袋，三女就好輕鬆咁係我後面跟住。

「哇！個度有個瀑布啊！」
秋儀好興奮咁指住個瀑布講。

「瀑布下面有個湖啊！X！不如我地就係瀑布下面個湖旁邊住啦！」
辣椒妹完全興奮狀態，好似發現新大陸咁。



「唔得⋯」
我冷靜咁講。

「點解喔！」
辣椒妹有D唔高興。

「因為個湖個邊住左好多馬騮係度，我地唔可以係個度住，你都唔想馬騮偷你D食物，偷你D衫褲㗎。」
我搖曬頭咁講。

「下⋯」
辣椒妹好失望咁。

「我地依家唔可以直行，要繞過個湖邊先得，D馬騮殺傷力都好強，而且又好醒目，數量又多，我地鬥唔過佢地。」



大家聽完我講之後，都好小心咁跟住我指既方向行，怕真係會惹上班馬騮。

對於秋儀同辣椒妹，我就好放心，佢地兩個運動量勁，跑得跳得打得，至於文健個撲街，我就同讀者們一樣，佢死唔死都唔關我事。

當然，我知道你地好想佢死，但係佢仲未死得住㗎～

而雪兒，我就真係放心唔落啦，本身做運動就少，又唔打得，如果遇到猛獸，可能就真係原地等死⋯

我走過去伸手想拖住雪兒，雪兒望住我伸隻手出黎，就哼左一聲，我以為佢會繼續唔理我，點知佢伸左隻手俾我拖住，無好似頭先咁掂都唔俾我掂下。

「我同你講啊，我俾你拖手唔代表我原諒你啊，哼！」
雪兒嘟住嘴望其他地方講。

「原諒我？我做錯左D咩？」
我邊行邊問。



雪兒走上前，然後係我耳邊細細聲講。
「你唔好以為我唔知，你背住我偷食，仲要係食左辣椒妹！」

（下⋯佢點知㗎⋯唔通佢見到曬？佢個陣就見到我搞辣椒妹啊⋯）

雪兒見我塊面嚇到發青光，於是繼續係我耳邊講。
「哼！我同你講啊，我第六感好靈㗎！」



（撲你個街第六感，有無咁靈啊⋯又唔見你感覺到文健係個大撲街！）