荒島日記（新手、後宮甜）（不定期更新）: 意料之外

——郵輪出事當日——



啪！啪！

「大衛劉！好同我開門啊！」
張家泉一邊拍門一邊講，但門後面一直都無反應。

「大衛劉！你快D開門啊！」


張家泉咆哮著。

「係啦⋯係啦⋯」
門後面傳出聲音。

一分鐘後，咚！大衛劉間房道門開左，張家泉即刻入去，房間顯得凌亂，見到大衛劉著住件睡袍坐係梳化上，而床上訓住一個赤裸既女人。

「你老味啊！依家咩關頭，你仲有心情玩女人。」
張家泉不滿的說。



「做人，要知足常樂，既來之則安之～」
張家泉講完起身走去雪櫃攞嘢飲。

「喂！大衛劉！究竟電話裡面個位，係邊個黎？你肯同我講未？」
張家泉衝上前面問大衛劉。

「佢⋯唔講得。」
大衛劉隨即飲可樂。

「又唔講，咁佢咁做目的係咩？點解我地五千幾人命都要由佢擺佈！」



「哈哈哈！」
大衛劉聽完即刻大笑，然後走到張家泉旁邊搭住佢脖頭。
「你記唔記得依架郵輪去新加坡最主要係咩啊？你唔好同我講你唔記得喔？」

「你係話⋯⋯文物展覽？」
張家泉疑惑地講。

「無錯！就係文物！」

「文物⋯係恐龍頭骨？」

「肯定唔止係恐龍頭骨咁簡單，你知唔知仲有件文物，都跟埋黎去新加坡做展覽？」

「係咩？」


張家泉一直望住大衛劉。

「係⋯秦始皇既⋯傳國玉璽。」

張家泉聽到大衛劉咁講，即刻擺出超級驚訝既樣。

「佢已經偷運走左D文物，依家貨倉裡面個兩件貨櫃，係假野黎，佢咁做就係想雅典娜女神變成事故，帶同文物沉落大海，而文物就可以據為己有。」
大衛劉講完，門外又開始有人拍門。

「船長！係唔係度啊？出事啦！」

「咩事？」
大衛劉一邊著返制服一邊講。

「船長⋯我地遇上風暴⋯同埋⋯貨倉個度發生爆炸⋯令到貨倉個度開始入水。」



大衛劉同張家泉即刻衝到去指揮室，指揮室D船員手忙腳亂，大衛劉隨即點開廣播。

「各位乘客注意，由於海面遇上風暴，所以搖晃情況比較嚴重，希望所有乘客小心行走，儘快到房間，多謝合作。」
大衛劉一講完就破壞左個廣播系統，張家泉即刻上前抓住大衛劉。

「你個人渣！你知唔知咁樣會害死所有乘客㗎！」

大衛劉細細聲講。
「我咁做係為左D咩？我只係服從佢既命令，你唔好唔記得，你老婆同我個仔係佢手上啊！如果我地失敗左，你老婆同我個仔會無命。」

張家泉聽完大衛劉咁講，即刻得低個頭，放低左抓住大衛劉衫領既手，大衛劉推開張家泉。

「如果想有命既就跑去救生艇個度啦！」
大衛劉講完就跑去救生艇個方向，而張家泉思考左幾秒後就跑到去乘客房間。



啪！
「出黎啊！郵輪出事啊！」

啪！
「出黎啊！郵輪要沉啦！快D去逃生啊！」
張家泉逐一房門拍門，希望通知D乘客，令大家有逃生既機會。

「撲街啦！郵輪竟然要沉！我X啊！」
辣椒妹從房裡面慌張咁跑出黎。

「𡃁妹，你沿住依度直行，然後上樓梯轉左，一直行你就會見到救生艇個度，快D去啦。」
張家泉講完就走。

「大叔！你唔一齊走？」


辣椒妹大嗌。

「我係雅典娜女神號既副船長，我條命一早已經交俾依架郵輪，如果雅典娜女神號要沉既話，我都會陪佢行到最後！」
張家泉一邊講一邊跑，然後慢慢係辣椒妹既視線中消失。



——香港——

神秘人苦惱地望住窗外維多利亞海港景色，苦惱點解乘客名單會出現佢既資料。而佢檯上個份乘客資料既文件，翻開個頁資料寫住。



「 林雪兒 」