荒島日記（新手、後宮甜）（不定期更新）: 演技

「你做咩無啦啦跪低係度喊啊？快D起返身啦。」
雪兒想過去扶文健起身。

「男人老狗喊X到成個豬頭咁，無X用。」
辣椒妹好鄙視咁講。

「對⋯對唔住⋯唔⋯真係好對唔住⋯唔⋯」
文健一邊掩面喊一邊講。

「發生咩事啊？做咩無啦啦講對唔住？大陸仔呢？佢同你一齊出去㗎，佢去左邊啊？」


雪兒疑惑咁問。

「對唔住啊⋯唔唔⋯」
文健得低頭大喊，即刻嚇親三女。

「究竟發生咩事啊？大陸仔係邊啊？」
雪兒開始有D緊張。

「大⋯大佬佢⋯頭先同我去海度撈海膽⋯佢⋯佢⋯」
文健一邊痛哭一邊講。



「你快D講發生咩事喔，乜X嘢佢佢佢啊，你老味快D講清楚，X你老母！」
辣椒妹唔耐煩咁講。

「我地頭先⋯去潛水撈海膽⋯遇到鯊魚⋯大⋯大佬佢⋯大佬佢俾鯊魚叼走左⋯大佬佢死左啦⋯」
文健一邊抹眼淚一邊講。

「咩話！」
三女聽完即刻好驚訝，隨即雪兒同秋儀喊左起黎，眼淚流個不停。



文健即刻仰天大哭，個D哭聲真係驚天地，泣鬼神，我聽到即刻打冷震，旁人可能會以為文健係因為無救到我內疚而喊。

（我X你老母死文健，係學校入過劇社㗎？你個撲街D戲洗唔洗咁X逼真啊，你唔X去做明星真係浪費曬。）

「好對唔住⋯我⋯我救唔到大佬⋯我親眼望住佢慘死⋯係我錯⋯係我無能⋯」
文健一邊講一邊刮自己幾巴，睇住佢精湛既表演，搞到我心都寒埋。

「大陸仔啊⋯唔唔⋯」
雪兒跪低痛哭。

「唔⋯學東哥⋯唔⋯」
秋儀攬住雪兒喊，雪兒亦都攬返住秋儀。

三個大喊左一陣後。



「唔得⋯我一定要見到大陸仔條屍⋯我要見到佢⋯佢條命咁硬⋯次次都大難不死⋯我唔信佢就咁死左⋯」
雪兒即刻企身走，秋儀亦都跟埋起身，佢兩個對我既愛，搞到我好感動，我都有少少眼濕濕。

「你地兩個唔好走。」
辣椒妹講完即刻擋係佢地兩個面前，而文健繼續跪係度痛哭。

「唔好阻我！我地要去見大陸仔！我要確認佢係唔係⋯死左⋯我要見佢最後一面⋯⋯」
雪兒拖住秋儀想推開辣椒妹。

「X你老母！唔好再吵！依件事一定有問題！」
辣椒妹講完即刻望住文健，雪兒同秋儀跟住辣椒妹既眼神方向望住文健。

「你⋯係唔係你殺死左大陸仔！」
辣椒妹指住文健講。



「我⋯我做咩⋯做咩要殺大佬啊⋯」
文健俾辣椒妹突然一問即刻慌張起黎。

辣椒妹一拐一拐咁走去文健面前，然後瞪大雙眼，拉住文健個衫領講：
「你！你肯定係殺死左大陸仔！」

「無⋯我點會⋯點會殺大佬啊⋯你唔好含血噴人喔！」
文健一邊講一邊擰轉頭。

啪！辣椒妹一巴打落文健塊面度，文健即刻瞪大雙充滿血絲既雙眼望住辣椒妹。
「X你老母！你望X住我講啊！再講多一次啊！」

文健即刻起身推開辣椒妹，佢雙眼完全通紅，身體不停咁震。
「X你老母！我點解要殺大佬啊！你係唔係傻X左啊？屈我？」



我慢慢咁走返去竹棚，然後一邊拍手一邊行。
「好X嘢！文健你真係無得頂。」

隨即四個人都望住我，雪兒同秋儀見到我出現即刻笑喊咁既樣，而辣椒妹亦都係度抹眼淚。
（唔X係啊嘛，你俾蛇咬都唔喊既喔。）
文健個撲街即刻擺出個吶喊樣出黎。

「大⋯大佬⋯」
文健一邊震一邊講。



「係唔係覺得好奇怪，點解我無死到呢？」
「 文健 」