荒島日記（新手、後宮甜）（不定期更新）: 嫌疑

我背住辣椒妹返到竹棚，雪兒同秋儀好驚訝咁望過黎，我放低辣椒妹落地，雪兒同秋儀即刻走過黎睇下發生咩事，而文健都係度，不過好冷漠咁望住辣椒妹。

「辣椒妹發生咩事啊？」
雪兒好緊張咁問。

「辣椒妹俾毒蛇咬到，不過好彩條蛇唔係好毒，我吸曬D毒出黎既啦。」

「痛苦痛苦快D走。」
秋儀好似施魔法咁對辣椒妹講，辣椒妹笑左一下。
「低能。」



「咩啊，我媽咪以前都係咁同我講㗎，好有用。」
秋儀嘟嘴咁講。

我即刻望住文健，睇下文健個粉腸有D咩反應。文健有D憤怒咁望住辣椒妹，拳頭一直握住，青緊都爆曬出黎，睇黎知道自己事敗左，佢一見到我望佢，即刻收返曬D憤怒。

（你個撲街，我一定要教訓下。）

「文健，你出黎啊，我有D嘢要同你傾下。」



文健俾我突然叫到有D緊張，佢即刻口啞啞無出聲，於是我走過去文健耳邊再講。
「係男人就同我出黎！」

「你地做咩啊？又想打交啊？」
雪兒好緊張咁問。

「唔係啊，有D嘢唔方便係度講，雪兒，我保證一定唔打交。」
我一邊微笑一邊用發誓既手勢同雪兒講。

「咁好啦，你講㗎，唔準打交啊！唔係既話我唔彩你㗎。」



「嗯，知道啦，我地唔會打。」

於是文健跟住我出去，我帶住文健走到黎沙灘，文健俾我帶到黎依度有D緊張，我轉身望住文健，文健即刻俾我既眼神嚇親。

「大⋯大佬⋯搵我出黎有咩事？」

我無回答到文健，直接一拳打落文健個肚度，文健即刻攬住個肚好痛苦咁退後幾步，黃膽水都嘔埋出黎。
「啊⋯⋯」

（我特登打肚，起碼瘀左既話，雪兒都睇唔到，上兩次係打佢塊面，所以先俾雪兒見到。）

我即刻指住文健講：
「講！辣椒妹俾蛇咬係唔係你做既！」



「大佬⋯我唔明你講咩喔⋯」
文健攬住肚講，但眼神逃避我。

「你老母啊！」
我講完再打左佢個肚一拳。

「你認唔X認啊！」
我用最大聲量講。

「大⋯大佬⋯我真係唔知你講咩⋯」
文健繼續逃避我眼神。

X佢老母，敢做唔敢認，我即刻抓住文健既衫領，扯高佢成個人，我狠狠咁望住佢，佢好驚恐咁望左我一眼，然後又再次逃避我既眼神，成個人不停咁震。

「大佬⋯我真係唔知你講咩啊⋯乜嘢辣椒妹俾蛇咬⋯我真係唔知發生咩事⋯」



我再用力緊緊扯高佢講：
「若要人不知，唔好咁低B！你以為我睇唔穿你咩，你個粉腸！」

文健好繼續好驚恐咁，佢個頭係咁標汗，身體同個嘴震得好犀利。

「好彩今次辣椒妹無事，但我同你講，如果你再夠膽玩嘢既話，傷害竹棚任何一個人，我保證！下次我一定會殺左你！今次，我念在大家係一場同學既份上，我放過你一次！」

文健聽完眼淚都標埋出黎，個身震得比頭先仲勁幾倍，佢應該係俾我個句殺左佢嚇到。

「你明未啊？出句聲啦X你老母！」

「明⋯大佬我明既啦⋯」

我隨即放開抓住文健衫領既手，文健即刻成個人跪左係地下，睇黎佢俾我嚇到手腳都發軟埋。



我無理佢既反應，我轉身想走返去竹棚，走左無幾耐，突然背後俾人踢左一腳飛踢，我個人即刻向前撲街。

「文健你個撲街！你真係未X死過！」

正想起身轉過黎，文健即刻坐左我身上，然後好快速咁用樹藤反綁我雙手，然後打左個死結。




「大陸仔！係你逼我㗎！」