荒島日記（新手、後宮甜）（不定期更新）: 毒蛇

「隻腳俾蛇咬到啊？」
我有D驚慌。

「係⋯係啊⋯」
辣椒妹好痛苦咁攬住隻腳講。

辣椒妹都算堅強，一直忍住唔喊，如果俾著雪兒或者秋儀，可能已經喊曬口咁。

「邊個位置啊？」



「依度⋯」
辣椒妹指一指小腿個位。

我即刻拉高條褲，但好可惜辣椒妹著既褲太緊，完全拉唔上，於是想除左辣椒妹條褲佢，辣椒妹見我除佢條褲，於是阻止我除佢褲。

「喂⋯你想點啊⋯」

「你想我整爛條褲再幫你吸D毒，定係除褲無整爛褲再幫你吸毒先？」

辣椒妹聽完就無再阻止我除佢條褲，我好順利咁除左佢條褲，即刻露出左又白又滑既長腿，同埋黑色半透明底褲，底褲對上少少有半邊玫瑰既紋身。


（下？辣椒妹前後都有玫瑰紋身㗎？）

辣椒妹即刻遮住敏感部位，亦都遮埋個玫瑰紋身。
「唔準望啊X你老母。」

「係啦～」

我望一望辣椒美小腿既位置，果然有個蛇咬既傷口，但傷口無變黑無變綠。

「你忍住痛啊，辣椒妹。」


我攞出把瑞士軍刀講。

「嗯⋯」
辣椒妹咬住下唇。

我用瑞士軍刀係傷口喂介個十字，辣椒妹即刻嗌左一聲，然後好大力咁打左我一下。（好人無好報㗎）
「咁X大力打我！想打死我啊？」

「咁我好X痛啊嘛！」

我提起辣椒妹既美腿，佢對腳真係又白又滑喔，然後我個嘴對住小腿傷口個位置，不停咁用嘴吸D毒出黎，再吐係地上，重複重複咁做左十幾次，搞到我都有少少唔夠氣。

「依家有無頭暈作嘔發冷發熱麻痺抽搐啊？」

「無⋯無啊⋯」



「真係無？」

「無⋯」

我抬起頭望辣椒妹，依家先見到辣椒妹塊面紅曬，眼大大咁望住我，我即刻伸個手摸佢個額頭。

「你塊面好紅喔，但又唔係發燒喔。」

「無⋯無事啊⋯」
辣椒妹邊講邊用手推開我隻手。

「我地係依度生活左咁耐，都唔見依度會有蛇啊，如果有蛇，一早俾我遇唔少啦。」

「唔⋯唔知啊，我啱啱黎個陣，突然聽到後面有聲音，正想轉頭望個陣，條蛇就飛埋黎，然後係我腳度咬左一啖。」


辣椒妹雙手摸自己塊面講。

「條蛇飛過黎？」

「係啊，我無呃你，真係飛過黎。」
辣椒妹好肯定咁講。

（撲街，條蛇一定係文健搵返黎既，依條友真係越來越大膽喔，蛇都夠膽抓，辣椒妹同佢唔係好大過節啊，洗唔洗想攞條蛇毒死辣椒妹啊。）

辣椒妹依家無咩事，睇黎條蛇都唔係好毒姐，佢著返條褲，不過佢唔係好行得，於是我蹲係佢旁邊，示意叫佢上黎背佢返去，辣椒妹唸左一下，就上左黎。

辣椒妹心口個兩舊肉一直頂住我背後，搞到我扯扯地旗，行下行下，突然辣椒妹錫左我塊面一啖，然後挨係我脖頭度，搞乜鬼嘢，嚇親細佬我啊⋯

「er！你錫我啊？」



「唔⋯唔係啊⋯唔小心hi到喳，你X想我對你有好感啊！你咁X樣衰！」

「超！我先唔稀罕！」
我講完就俾辣椒妹打左一下。

「喂，辣椒妹。」

「咩事？」

「你要減下肥，你真係有D重。」
（可能係心口個兩舊肉重過頭。）

「減⋯減你老母。」
辣椒妹講完打左我個頭幾下，然後好用力咁挨落我脖頭。