荒島日記（新手、後宮甜）（不定期更新）: 馬騮

「大陸仔⋯隻馬騮仔好可憐啊⋯」雪兒攬住隻馬騮好慘咁講。
「唔啊，唔養啊。」
「喂啊！大陸仔，咁冷血㗎你！」雪兒開始有少少嬲嬲地。
（雪兒嬲起身個樣都係咁靚。）

雪兒見隻馬騮仔隻腳傷左，問都唔問我，即刻撕左我件衫一角（喂⋯點解要撕我件衫⋯D衫爛一件就少一件既啦）然後攞塊布包紮左馬騮仔隻腳上。
「大陸仔，你睇下佢傷左隻腳，你睇下佢幾可憐⋯」雪兒眼紅紅咁同我講。

我正想唸辦法點樣拒絕雪兒，依個時候，另外一邊山下有叫聲傳出，隻馬騮仔聽到叫聲後，個頭即刻離開雪兒既心口，然後不停咁大叫「啊～啊～」個樣顯得好興奮好開心。



「雪兒，隻馬騮BB聽到佢媽咪把聲啊，我地帶佢去搵媽咪啦。」
「好！」雪兒講完就拖住我隻手。

我地兩個好小心咁行落山，個瀑布距離慢慢同我地縮近，依個時候，無幾遠既地方又出現叫聲：「吼～啊啊」
隻馬騮仔聽到都大叫：「啊～」
然後遠處好似聽到馬騮仔既聲，叫得越來越大聲，佢同我地既距離亦都開始越來越近。

「睇黎真係隻馬騮仔老豆老母，我地要小心D，可能會遇到一大群馬騮，D馬騮都好有攻擊性好危險㗎。」我講完更加抓緊雪兒隻手。

因為D馬騮如果覺得受威脅，佢地就會聯合埋一齊去攻擊其他生物，而且馬騮係幾醒目既動物，所以真係要加倍小心。



「有你係度，我唔怕。」雪兒講就咁講，但個樣完全表現出緊張不安。

我地行左十分鐘左右，前方突然有嘢從樹上面跳落黎，bom！我地望一望，係隻大馬騮，隻馬騮見到馬騮BB即刻慢慢咁行過黎，對於我地既出現，隻大馬騮都顯得有D驚驚地，我地亦都好小心咁行過去，真係幾驚會突然出現一班馬騮圍住，我受傷無所謂，但雪兒受傷我會心痛啊嘛。

行到相隔十米左右，我叫雪兒放低個馬騮仔，要馬騮仔自己行去大馬騮個度，大馬騮企左係度等馬騮仔。馬騮仔慢慢吞吞咁行，不時回頭望我地，雪兒好唔捨得咁同馬騮仔揮手講再見，馬騮仔終於跳入大馬騮既懷抱裡面，兩隻馬騮望左我地一陣就走左。

我同雪兒走返上山頂，返竹棚方向打獵，但一直唔見有野雞同兔仔既蹤影，我同雪兒只好食帶黎既番薯同鹹魚。雖然今餐唔係好豐富，但雪兒食得非常開心（呵呵，我都好開心，同自己心愛既人食，食咩都咁好味。）

個天開始慢慢變黑，我見都係時候返去竹棚，於是企起身啪一啪屁股既塵土，依家再唔返去就真係摸黑返竹棚既啦，我行兩步，突然雪兒係背後緊緊地攬住我，我轉身攬返住雪兒。



「做咩啊？雪兒。」

雪兒含情脈脈咁望左我一陣，然後就嘴左過黎，同我濕吻，雙眼半咪埋，舌頭不停係我嘴裡面進攻，不停挑引我口腔裡面既每處神經，恨不得可以從我口中抽取出我既靈魂，無幾耐呼吸急促起黎，我地兩個停低左。

雪兒個頭挨係我脖頭上，面紅紅好怕醜咁，咬左一咬嘴唇，然後細細聲同我講。

「大陸仔⋯今晚我地唔好返去啦⋯好唔好⋯⋯」