荒島日記（新手、後宮甜）（不定期更新）: 約會

過左幾日，我D內傷終於好得七七八八，而且依幾日食海鮮，食到有D厭倦，於是攞起弓箭想走去山個邊打獵，睇下可唔可以捉隻兔子或者野雞黎食下。

「我出一出去先，好快返黎。」然後我咩起個旅行袋準備走。

「大佬，我跟埋你去。」文健自告奮勇想跟埋黎，但我一唸起依個豬隊友，不了。
「大佬，你信我啦，我打獵進步左好多，唔會再添你麻煩。」文健啪曬心口咁講。

正想拒絕文健既時候，雪兒突然出聲。
「大陸仔！我同你去！」
文健驚訝到即刻望住雪兒，而雪兒一直望住我，雙眼好似發光咁。


「我想去睇下山個邊係點，你就帶我去啦。」雪兒雙手合十。

「雪兒，我搵日帶你去啦，個度環境我好熟。」文健走過去雪兒旁邊，用手梳一梳個自己個頭講，但雪兒始終係望住我。

「好啦，雪兒你跟我去啦。」我講完就攞起旅行袋，雪兒興奮到執幾舊番薯同鹹魚俾我擺入袋，文健原地跳左一下，然後黑曬口面咁，向我發出一絲絲仇視既目光。

然後雪兒走去同秋儀講左幾句，秋儀點一點頭，雪兒隨即攬住秋儀，秋儀有少少面紅（佢地兩個係度講咩？）

就咁，我同雪兒一齊行去山個邊，雪兒拖住我隻手，講真，依家個感覺，就好似同女朋友去旅行咁，佢沿途望周圍既風景，雙眼發曬光，內心非常好奇，拖住我隻手都抓得好緊。



而我都望住心目中最美既風景———雪兒。又大又有神既雙眼，有少少高但又細既鼻，再加上佢既櫻桃小嘴，溫柔軟綿綿既雙唇。
（要我死我都願意～）
不知不覺，我地走到山頂，望到後面既瀑布。
「哇，依度原來有瀑布㗎？。」
「大陸仔，你睇下依度。」
「哇，個度有兔子啊，不過你唔準殺佢地啊。」

雪兒被石頭棘親差D撲街，我一嘢拉返住雪兒，然後將佢拉到我懷抱裡面。
「小心D啊你！」
「我唔驚，我有你係度保護我。」雪兒講完挨得更加埋，搞到我扯到衡曬。



「啊～」
突然前面有陣叫聲，係動物既叫聲，咩黎？雪兒驚到抓實我隻手，我地慢慢好小心咁行過去，無幾耐，我地走到一棵大樹面前，而叫聲既源頭係大樹上面。

我地向上望一望，發現有嘢係度搖來搖去，搖擺不定。我望清楚D。
「有隻馬騮仔半天吊喔。」
「下？邊度？。」
「個度啊。」我指住個方向。
「係喔，個馬騮仔隻腳俾樹藤纏住喔，點算啊？佢個樣好似好慘咁。」雪兒有D緊張咁。
「等我去救佢啦。」我講完走到棵樹邊。
「大陸仔，你要小心D啊⋯」
「知道啦。」我對住雪兒笑一笑就爬左上去。

我爬左一陣，然後爬上樹幹，慢慢爬去馬騮仔個位，隻馬騮仔都仲係好驚，不停咁搖黎搖去，好彩佢搖黎搖去，咁先可以方便我抓到條樹藤。



我一抓到條樹藤，即刻不停拉條樹藤上黎，拉左一陣，終於拉到隻馬騮仔，幫佢解返纏住腳既樹藤，隻馬騮即刻爬到我身上，但佢都仲係好驚。

我帶住隻馬騮仔落返樹，隻馬騮仔即刻係我脖頭跳出去，然後爬上雪兒身上，雙手攬住雪兒既波，成個頭埋左係雪兒既胸部中間。
「佢好得意啊佢。」雪兒抱住佢講。
（我一D都唔覺得佢得意，我覺得佢好X鹹濕。）