荒島日記（新手、後宮甜）（不定期更新）: 隻揪

我：哈，你講㗎！你唔好後悔！

文健：呵，我先唔會後悔，我正想搵你出啖氣，你老母X啊，昨晚雪兒跟住你走出去，返黎之後就係咁喊，你蝦X我雪兒！我要幫我雪兒報仇！

我：雪兒喊過黎？

文健：雪兒既事唔關你事，總之你今日輸左，你以後唔可以接近雪兒。

我：呵，就憑你？你打贏我先再講啦！



文健：我同你講明先下，俾你做好心理準備，我五歲學武術，七歲學柔道，九歲學泰拳，十三歲攞青少年拳擊冠軍！

我：得啦得啦，黎打過先講啦。

文健：我同你講明先下，我拳頭下下到肉，絕對唔會留手，你等陣俾我打到喊，流X曬血，都唔準返去同雪兒投訴！

我：依句嘢你同自己講返就差唔多。

文健：呵，後生仔始終都係後生仔，係衝動D既，今日我要令你嘗試下痛苦既滋味！改改你一向自大既性格！



文健講完即刻衝過黎，一邊大嗌：啊！一邊伸出右拳飛過黎，我即刻右側一下，避開依拳，然後文健隻左膝提起想打中我肚，我即刻用雙手擋住。

文健打交好似D古裝片咁，下下都大大聲嗌出黎：啊～呵～啊猜～希望可以為依D拳頭飛腳增加D震撼感，唔講仲以為睇咁電影。

文健見拳頭對我毫無作用，於是改為用腳，係咁踢過黎，我用手係咁擋，有時直接避開，見到我頑固保護上半身，於是不停掃我下路，我係咁跳係咁向後迴避。

文健：X你老母！你係唔X係打交㗎！

我：我X你啊！唔通我硬食你幾招啊？



我避得就避，避唔到就擋，文健所有招式都俾我見招拆招，我見到文健開始有D抖大氣，而且出左唔少汗，而且條友速度越來越慢。

文健：呵⋯呵⋯呵⋯

哇，咁X廢既？平時無做開運動啊？咁容易就氣喘。我見佢停低係度抖大氣，於是我黎個突然一擊，重重一拳打落文健個肚度，文健俾我突然依一拳打到面形扭曲。

文健攬住個肚：啊⋯你老⋯

我無停止攻勢，我抓住文健個頭，然後一拳打落文健塊面度，啪一聲，打到文健流X曬鼻血，文健即刻按住個鼻向後退。

我衝上前捉住佢，然後好似葉問咁，一嘢抓住佢下巴扯到我身邊，佢坐左係地下，而佢個頭即刻挨係我肚上，我一隻手抓住佢個頭，另一隻手係咁打佢，瘋狂重錘佢塊引以為傲既面孔。

我：點啊？服唔服？

文健：唔X服！



我然後再一拳落去：服唔服？

文健：唔服，點都唔X服！

我再重重兩拳打落去，打到文健口水都飛埋出黎，口水同鼻血混合埋一齊，啊，真係好核突。我準備第三下重拳打落去，文健終於忍唔住出聲。

文健：大佬，我知錯啦，我服我服，唔好再打啦⋯

我：肯認輸啦？

文健：係係！我認輸啦，我以後聽曬你話。

我：你係先至好。



望返文健俾我打到好似豬頭咁，搞到我都忍唔住笑出黎，依條友仔係度摸自己塊面，一面痛到嗌一面抹走D血跡。

我：無用㗎，等陣返去河邊洗面好過啦！

文健：係既係既⋯

我：我同你講唔好跟住黎啊，我要繼續打獵，你自己係附近睇下抓到D咩啦！

文健：係既係既，我識do既啦，大佬！

（算你條蛋散聽話啦）

於是我同文健分開左行，今次文健終於無阻到我大事，我係一邊山腰捉左兩隻野雞，然後係河邊竹籠捉左三隻蟹。見收穫唔錯，於是我自己一個行返去。

返到去見到雪兒同秋儀係度燒香蕉同番薯，而辣椒妹係旁邊休閒咁望佢兩個。