荒島日記（新手、後宮甜）（不定期更新）: 豬隊友

第二日，秋儀一朝早烤番薯做早餐，由於依家有五個人咁多，所以野豬肉只能撐到一個星期左右，我地依家要再去搵多D食物。

我地分成左兩隊去搵，女仔同來福一隊，我地男仔一隊。成朝早到依家，雪兒無同我講過一句嘢⋯

文健：各位靚女，你地等我好消息，我一定會抓到獵物俾大家做晚餐既，大家好快唔洗愁食物短缺依樣嘢，有我文健係度，你地放心得啦！

辣椒妹用鄙視既眼神望左一望文健。

雪兒：嗯⋯你要小心D⋯



文健笑到見牙唔見眼：多謝你關心我啊～雪兒～

（死狗公）

雪兒雖然係回應文健，但雙眼係望住我，當我望返佢，佢又扮曬無望我咁。

於是我同文健走去山個邊打獵，我攞住弓箭，而文健攞住我之前整既竹矛。我地過左河，穿過番薯地，黎到山邊。

我：喂，文健，依度有好多兔子同野雞，我地分頭打獵啦，你唔好跟過黎。



文健：好啊，但我同你講聲下，我有好豐富既打獵經驗，以前我老豆成日帶我去外國，攞住獵槍周圍去，你知唔知啊？我屋企掛住既鹿頭都係我打獵打返黎㗎。

我都懶得同佢X噏，直接行去左邊方向算。

我觀察周圍既動靜，終於俾我見到有隻野雞係度搵食，於是慢慢靠近，到左射程範圍，我舉高弓箭，直接瞄準隻野雞，大吉大利，晚上吃雞。

正當我想鬆手，一個竹矛突然係我面前飛過，啪一聲，跌左係隻野雞面前，隻野雞俾竹矛嚇到飛走左，依個時候，文健係我後面出現。

文健：咦？我隻野雞呢？



我：我X你老母啊！

文健：冷靜D，你睇下你唔冷靜，嚇X走左我隻野雞。

我忍住道氣：我唔係叫左你唔好跟住我咩？

文健：我見我個度無獵物，所以就行過黎依邊睇下囉。

我：好，你係依邊搵，我去右邊搵有無獵物，你唔好跟住黎！

然後我走到去右邊山腰個邊，等左十幾分鐘，都係見唔到有獵物，唔通好似文健所講，依邊真係完全無獵物，正當我想離開既時候，獵物終於出現啦。

有三隻兔子係附近跳左出黎，睇黎係一家三口，一大兩細，唔好意思啦，為左可以生存，我唯有破壞你地既家庭。於是我攞出弓箭瞄準最大個隻兔仔。

我唔理你係兔爸爸定兔媽媽，總之你今晚就係我既食物。我瞄準好隻兔仔，即刻鬆手，支箭熟一聲飛過去，穿過草叢，飛過花木，睇黎今次隻兔仔死緊啦。



支箭飛到同兔仔有兩米距離，突然天上一支竹矛飛落黎，打中我支箭，兔仔一家見到，嚇到即刻跳走左⋯

我嬲X到跳起身大嗌：文健你個撲街！你同我死出黎！

文健依個時候係我左手邊出現，見到我嬲霸霸既樣，於是係度摸下個鼻。

文健：啱啱係左邊D動物俾你嚇走曬，所以我走黎右邊睇下有無獵物，點知你支箭擋左我支矛，搞到我抓唔到兔仔。

依條茂利啊，咁樣講返我轉頭都得？次X次都黎搞破壞，簡直係豬隊友，我嬲X到想打佢一鑊金。

我：我X你老母啊！我唔係叫左你唔好跟過黎咩，你個垃圾廢柴？下下破壞我好事！你可以生存到依家真係奇蹟。

文健聽完嬲到行過黎指住我。



文健：你老母！你話邊個垃圾啊？你老母有種再講多次！

我：我話你啊，垃圾！垃圾！垃圾！

文健：X你老母，我知你唔X妥我既啦，有種隻揪啊！撲街！