荒島日記（新手、後宮甜）（不定期更新）: 麻醉

隻野豬雙眼發紅，怒氣沖天咁望住我，口水一直流不停，佢依一刻應該恨不得即刻咬死我。

死啦死啦，睇黎我今次真係死緊啦，佢再行前幾步我就死啦⋯

雪兒同秋儀仲係遠處跑咁過黎，估唔到我臨死一刻，都可以見到你地最後一面⋯

突然bom一聲，嚇到我心跳加速⋯

隻野豬係我面前訓左落黎，D沙即刻飛曬起身。我爬起身望一望，隻野豬反曬白眼，不停係度顫抖。



：咳⋯⋯咳⋯

我開心到大嗌：yes，我得左啦！隻青蛙真係有毒啊！終於毒死八戒啦！

來福見到野豬訓係度顫抖，即刻爬返起身，然後狗衝咁跑過黎發狠地咬住野豬頸部。

來福：嗚～嗚～

隻野豬俾毒青蛙搞到麻痹左，只可以任由來福咬都無得反擊，過左幾分鐘後，隻野豬無再顫抖。



我鬆左一口氣，隻野豬終於死左啦。我摸一摸自己既心口，X啊，腫左一舊咁，隻野豬既衝擊真係好勁，如果我排骨少少就真係會被撞死啦。

來福繼續面目猙獰咬住唔放。

我：來福乖，隻野豬已經死左啦。

來福聽完先鬆開口。

雪兒同秋儀兩個跑過黎後即刻攬住我喪喊，我摸住佢兩個頭。



我：喂啊，我依家未無事囉，唔好喊啦。

雪兒：我⋯我差D以為你會⋯死啊。

雪兒講完後喊得仲勁。

我：你兩個喊得多會唔靚女㗎。

秋儀：我地無用⋯見你俾彭彭撞到嘔血都幫唔到你⋯

我：你地無受傷我就已經心滿意足啦，無事啦無事啦，我地起身先啦。

我幫雪兒同秋儀抹走D眼淚，然後兩女扶我企起身，今日受既傷，睇黎依排要多D休息先得。

我：雪兒啊，你幫我係沙灘附近搵D海鹽返黎啊，我要腌D豬肉，令佢地可以擺耐D。



雪兒：隻野豬仲食得咩？

我：食得，隻野豬咁耐先中毒，證明D毒唔係好勁，我地唔食中箭既部分，就唔會有太大影響。

雪兒：咁好啦⋯我去搵D海鹽返黎。

我：秋儀啊，你扶我去竹林個邊啊，我要斬D竹黎整個竹板。

秋儀於是扶左我去竹林個邊，我斬左幾棵竹，用樹藤幫實D竹條，秋儀亦都幫手幫，好快就整好左，於是我地拖住個竹板走返去沙灘個邊。

我地返到沙灘，雪兒已經搵左唔少海鹽返黎，我地幾個推隻野豬上竹板，然後我地幾個加來福，拖住竹板上既野豬到河邊。

然後我攞把開山刀將野豬斬開一件件，亦都攞幾個竹桶撞野豬血。斬左大半個鐘，終於將隻野豬斬分開曬，秋儀同雪兒即刻用海鹽腌D野豬肉。



返到竹棚，我將D野豬肉吊起，等佢慢慢風乾。雪兒就攞D豬紅整左個豬紅湯，秋儀就係度烤番薯同豬扒，依一刻，我好似少爺仔咁，等兩女服待我，來福係我旁邊流曬口水咁望住D烤豬扒。

我摸一摸來福個頭：多謝你喔來福，咁勇敢黎救我，搞到你都受傷。

來福嗷嗚一聲之後，成隻狗仔咁heahea係我身邊擺尾，用個頭係咁頂我隻手，想我幫佢R下。

秋儀烤完D豬扒同番薯後，我即刻分成4分俾大家，然後再分D豬紅湯俾大家，大家即刻狼狽咁食，秋儀同雪兒一邊食，一邊係度擺個享受既樣，慢慢咁嘴嚼品嚐，我亦都慢慢咁食，雖然味道比較平凡，但我覺得俾以前係香港食鋸扒餐好食得多。

來福喪食豬扒，D口水流到成地都係。