荒島日記（新手、後宮甜）（不定期更新）: 彭彭

一早起身，雪兒帶住來福走去香蕉林摘香蕉，又留翻我同秋儀係竹棚。我收拾好弓箭，帶埋個旅行袋，見今日天氣唔錯，所以我決定行入D樹林，往山個邊方向探索。由於我依家有弓箭同開山刀，所以我無咁驚。

秋儀：學東哥你去邊啊？我都要去！

我：好危險㗎秋儀，你都係乖乖地留係依度好過啦，我好快就會返黎。

秋儀：唔濟啊，我識保護自己咖，我唔怕，我一定要跟你去。

（好啦，真係無曬你符）



於是我同秋儀穿過河另外一邊，往深山個邊行完一陣，秋儀好似去郊遊咁，不停欣賞周圍既花草樹木，不停係度讚歎，有時摘D花黎聞一聞。

我：小心D啊秋儀，我驚會有蛇出現啊。

秋儀：知道啦學東哥～

突然我見到前面有棵矮小既植物，好熟面口，好似以前我返鄉下，係阿婆種個塊田見過既植物，我停低摸一摸塊葉。

我唸一唸，唔通係佢？我即刻發曬癲咁用粗樹枝摷鬆棵植物，D泥俾我整鬆好多，我即刻轉用手不停摷不停摷。秋儀係一邊望住我挖D泥，問我：學東哥你係度搵咩啊？



我：我等陣再同你講啊，我見棵植物令我唸係細細個係鄉下既時候，希望無估錯啦。

當我挖左幾分鐘後，我終於見到個表面啦，啊哈，我加快速度咁挖，我無估錯，真係佢啊～我整走表面D泥。

秋儀：學東哥，依舊好似係番薯黎喔⋯

我：無錯啊，係番薯啊～依度周圍既植物都係番薯啊。

秋儀：你好叻啊學東哥，咁都可以俾你搵到番薯。



秋儀講完，即刻係我塊面度錫一啖，然後又面紅咁挖附近既植物。我挖完依舊番薯之後，亦都走去另一邊挖番薯，食番薯好易飽肚，而且處理的好，可以擺放耐少少。

我挖左差唔多一個鐘，旅行袋已經裝左一大半番薯，秋儀因為幫手挖番薯，所以搞到成身都污糟埋，成個花面貓咁，好打耳～

我繼續埋頭苦幹，繼續挖我既番薯，大概挖左十分鐘左右，突然秋儀走埋黎我身邊，拍一拍我脖頭。我無彩秋儀，繼續專心挖我番薯，點知秋儀再繼續拍我脖頭。

我邊挖邊講：乜嘢事啊秋儀？係唔係整親啊？

秋儀：唔係啊學東哥，彭彭係度望住我地挖番薯望左好耐啦。

我：乜X嘢彭彭？邊個叫彭彭？

秋儀：丁滿既好朋友彭彭啊。

我：丁滿既好朋友？



秋儀：係啊，丁滿既好朋友彭彭，hakuna matata～簡直係至理名言～

我唸一唸秋儀既說話，好熟喔。

秋儀：hakuna matata～令我好老脾～

究竟係邊度聽過⋯⋯我突然打左一個冷震，我終於記得彭彭係邊個黎⋯⋯

我嚇到標冷汗，回頭望向秋儀指住既方向，遠處個邊，有隻毛神神、雙眼發紅既動物望住我地⋯⋯

：咳⋯咳咳⋯

我：野⋯⋯野豬啊！