荒島日記（新手、後宮甜）（不定期更新）: 食雞

秋儀摘完香蕉翻黎見到隻狼，即刻走去同色狼玩，我見到依隻色狼時不時食秋儀豆腐，唉，各個都俾隻狼呃X左啦。

食完個烤香蕉做午餐之後，我又再繼續做嘢。

我走翻河邊，想行去睇下個竹籠有無收穫，突然有隻野雞係我頭上飛過，飛落我前面塊地，然後又再咯咯咁叫。我即刻攞出弓箭，睇下我三分波神射手既厲害。

我射，唔中，再射，唔中，我再射⋯都係唔中，我X⋯

隻野雞好開心咁一直徘徊，咯咯聲仲越叫越大，囂張得過佢啊，究竟邊度出左錯呢，我記得以前係學校上既多元學習玩弓箭，都次次差唔多中紅心咁濟，究竟邊度出現問題。



隻野雞啪啪對翼，地上D塵土因為佢拍翼而飛起，我望左一陣，我X，原來係漏左依樣嘢，我即刻係附近搵左D尖硬既葉，然後插人D箭度，因為箭需要一箭羽先可以更加穩定，雖然同正常既箭無可媲美，但應該都有D作用既。我即刻攞起弓箭瞄準隻野雞，心裡面不停咁講，我要食雞⋯我要食雞。

手指一鬆，熟一聲，支箭即刻飛過去，穿過河邊、樹邊、插入隻野雞身上。我即刻跪低大嗌，gosh，中左啦，我終於射中左啦～依種感覺就好似06年英格蘭足總盃，謝拉特臨尾射入個世界波，逼和韋斯咸互射十二碼。

我即刻係河邊放血，收集埋D雞毛黎做多D箭羽，攞翻個竹籠，都有幾隻蟹，收穫唔少，然後高高興興咁行翻去，雪兒同秋儀見到一定會好開心。

：兩位大小姐，睇我帶左D咩翻黎～
雪兒同秋儀即刻望過黎，見到我手上拎住無曬毛光脫脫既雞，即刻衝埋過黎，我拎起手上隻野雞，雪兒同秋儀雙眼即刻發曬光。

我：我終於抓到隻野雞啦。


秋儀拍曬手，而雪兒只係微微一笑，色狼就流曬口水咁走過黎（我真係想一腳踢過去）

我起翻個火堆，然後攞幾枝粗身既樹枝整成個烤架，用個樹枝穿過隻野雞，然後慢慢轉動咁烤均衡隻野雞每個部位。再攞幾隻鞋出黎烤熟。

隻野雞D皮慢慢變得金黃色，我用雪兒之前係海邊收集翻黎既鹽粒撒係野雞每個部位，D雞油慢慢滲出，香味即刻四散竹棚每個角落，唔好講秋儀同雪兒，我自己都流曬口水，色狼流曬口水，目光一直離唔開隻野雞。

燒熟隻野雞之後，我用把開山刀將隻野雞斬開一件件，兩隻雞翼同雞臂分俾雪兒同秋儀，而我同色狼食雞胸肉同雞背。色狼眼甘甘望住雪兒同秋儀食雞翼雞臂，我拉住色狼過黎講：來福，我地男仔應該大方D，好嘢留俾女仔食啦，我地食雞胸肉有咩所謂（你地肯定以為我傻左，竟然同隻狼講嘢）

雪兒即刻笑左出黎：來福⋯哈哈⋯來⋯福哈哈。



我：來福幾好聽啊，係唔係啊？來福。

來福嗷嗚左一聲。

我：你睇，佢幾鐘意來福依個名。

來福好似聽明我講咩，即刻食分俾佢既雞胸肉（好嘢，大佬我對你好觀）

我地食完野雞大餐同D蟹後，我走翻上竹棚準備訓教，來福係地下度訓，而我又繼續攬住兩女訓教，雪兒突然係我耳邊問：大陸仔，點解我地出事左差唔多一個月，點解仲未有人黎救我地？

我：可能隻船偏離左航道，所以搜救隊到依家都搵唔到我地囉，放心啦，我一定會唸辦法離開依度。

雪兒：嗯⋯我信你。
我輕輕地係雪兒額頭錫左一啖。